完整藏文原文 · 德格版页 当前仅加载第 11 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
བྲམ་ཟེའི་ཁྱེའུ་བླ་ན་མེད་པའི་རིག་པ་དང་རྐང་པར་ལྡན་པ་དེ་མངོན་པར་མ་བྱས་པ་མངོན་པར་བྱ་བའི་ཕྱིར་འདི་ནི་ཐབས་བཞི་པ་ཡིན་ཏེ་ཤེས་པར་བྱའོ། །བྲམ་ཟེའི་ཁྱེའུ་ཇི་སྙམ་དུ་སེམས། གང་ངས་བླ་ན་མེད་པའི་རིག་པ་དང་རྐང་པར་ལྡན་པ་འདི་མངོན་པར་བྱ་བའི་ཕྱིར་ཐབས་རྣམ་པ་བཞིར་བསྟན་པ་
D6.011.0217a01.01དེར་ཁྱོད་སློབ་དཔོན་དང་བཅས་པས་གནས་མྱོང་ངམ། ཀྱེ་གཽ་ཏ་མ་མ་མྱོང་ངོ་། །བྲམ་ཟེའི་ཁྱེའུ་དེ་ལྟ་བས་ན་ཐབས་དེ་དག་ཀུན་ཁྱོད་ཀྱིས་མ་རྫོགས་བཞིན་དུ་ཅིའི་ཕྱིར་ཁྱོད་ཀྱིས་ཤཱཀྱ་དག་ལ་ཨེ་མའོ་ཤཱཀྱ་དག་ནི་ད་གདོད་ཀྱིའོ། །ཨེ་མའོ་ཤཱཀྱ་དག་ནི་གདོད་བྱུང་བའོ་ཞེས་ཚིག་གིས་སྨྲ་བར་བྱེད།
D6.011.0217a02.01བྲམ་ཟེའི་ཁྱེའུ་ཇི་སྙམ་དུ་སེམས། སྔོན་གྱི་བྲམ་ཟེ་བྱུང་བ་རྣམས་ནི་བྲམ་ཟེའི་དྲང་སྲོང་དེ་དག་ལ་འདི་ལྟ་སྟེ། ཨ་སྟ་ཀ་དང་། བམ་དེ་བོ་དང་། བྷི་ཤྭ་མི་ཏྲ་དང་། ཛ་མ་དག་ནི་དང་། ཨང་གི་རཱ་དང་། བ་ར་དྭ་ཛ་དང་། བ་ས་ཤྭ་དང་། ཀ་ཤེ་པ་དང་། བྷྀ་གུ་དེ་དག་གིས་སྔགས་རྣམས་བྱས། སྨྲང་
D6.011.0217a03.01རྣམས་ཕྱུང་བ་དེ་དག་ད་ལྟར་གྱི་བྲམ་ཟེ་རྣམས་དང་སྔོན་གྱི་རྣམས་སྔགས་ཀྱི་ཚིག་དང་། བསྟོད་པ་དང་། དབྱངས་སུ་བྱས་པ་དང་། སྦྱར་བ་དེ་དག་ལ་དབྱངས་སུ་སྦྱར། དེ་དག་ལ་རྗེས་སུ་རྗོད་པར་བྱེད་དོ། །ཇི་ལྟར་ཁྱོད་སློབ་དཔོན་དང་བཅས་པ་ད་ལྟར་འོབས་ཀྱིས་སྐོར་བ། རྩང་བཙུགས་པ་ལྕགས་ཀྱི་
D6.011.0217a04.01གཟེ་མ་བྲེས་ཤིང་། འགག་པར་བྱེད་པའི་གྲོང་ཁྱེར་ན་གནས་པ་ལྟ་ཅི་དེ་དག་ཀྱང་དེ་བཞིན་ནམ། ཀྱེ་གཽ་ཏ་མ་དེ་ལྟར་མ་ལགས་སོ། །ཇི་ལྟར་ཁྱོད་སློབ་དཔོན་དང་བཅས་བཞིན་དུ་ཕྲག་པར་གཟར་ཅིང་རྒྱལ་མཚན་གྱི་མཆོག་དང་། སྟོབས་ཀྱི་མཆོག་དང་། གཡུལ་བཤམས་པ་དུ་མ་ལ་རབ་ཏུ་
D6.011.0217a05.01ལྟ་བ་མྱོང་བར་འགྱུར་བ་བཞིན་དུ་ཅི་དེ་དག་ཀྱང་དེ་ལྟར་རམ། ཀྱེ་གཽ་ཏ་མ་མ་ལགས་སོ། །ཇི་ལྟར་ཁྱོད་སློབ་དཔོན་དང་བཅས་པ་རྒོད་མ་སྐྱ་མོ་ཐམས་ཅད་དང་སྦྱར་བའི་ཤིང་རྟ་ལ་ཞོན་ཏེ། གསེར་གྱི་ཁར་བ་དང་། རིལ་བ་བཟུང་སྟེ། བྲམ་ཟེའི་ཁྱེའུ་མང་པོས་བསྐོར། བྲམ་ཟེའི་ཁྱེའུ་མང་པོ་
D6.011.0217a06.01མདུན་དུ་བྱས་ཏེ་ལྗོངས་སུ་འགྲོ་ཞིང་སོང་བ་ལྟར་ཇི་དེ་དག་ཀྱང་དེ་བཞིན་ནམ། ཀྱེ་གཽ་ཏ་མ་མ་ལགས་སོ། །ཇི་ལྟར་ཁྱོད་སློབ་དཔོན་དང་བཅས་པས་འདི་བཞིན་དུ་སྐྲ་སྤྱི་བོར་བཅིངས་པའི་ཀུན་དུ་རྒྱུ་བ་ལག་པ་གདུ་བུ་ཅན་ནུ་མ་ཕོ་ལོང་བཞིན་པའི་བུད་མེད་ཀྱིས་བསྐུ་བ་དང་། བཀྲུ་བ་དང་། མཉེ་བ་ལ་
D6.011.0217a07.01