完整藏文原文 · 德格版页 当前仅加载第 11 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དགའ་བོ་དེ་ལྟ་བས་ན་འདི་ནི་མགར་བའི་བུ་སྐུལ་བྱེད་ཀྱིས་ལས་བྱས་ཤིང་བསགས་པ་ཡིན་ཏེ། ཚེར་འགྱུར་བ་དང་། ཁ་དོག་ཏུ་འགྱུར་བ་དང་། སྟོབས་སུ་འགྱུར་བ་དང་། ལོངས་སྤྱོད་དུ་འགྱུར་བ་དང་། བདེ་འགྲོར་འགྱུར་བ་དང་། ཕྱུག་པོ་འཁོར་དང་བཅས་པར་འགྱུར་བའི་
D6.011.0261b01.01ལས་བྱས་ཤིང་བསགས་པ་ཡིན་ནོ།། །།བར་སྡོམ་ནི། ཚེ་དང་ཁ་དོག་སྟོབས་དག་དང་། །ལོངས་སྤྱོད་བདེ་འགྲོ་ཕྱུག་པོ་རྣམས། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཚེ་དང་ལྡན་པ་འདུན་པ་འདི་ནི་གཏུམ་པོ་གཟུ་ལུམས་ཅན།
D6.011.0261b02.01བརླང་བ། གཤེ་བ། ཁྲོ་བ། བདག་ཅག་དགེ་སློང་རྣམས་ལ་ཀུན་དུ་གཤེ་བ་ལགས་ན། བཅོམ་ལྡན་འདས་འདས་པའི་འོག་ཏུ་འདི་ཇི་ལྟར་བསྒྲུབ་པར་བགྱི། ཀུན་དགའ་བོ་དགེ་སློང་འདུན་པ་འདིར་འདས་པའི་འོག་ཏུ་ཚངས་པའི་ཆད་པས་བསྡིགས་པར་བྱའོ། །ཚངས་པའི་ཆད་པས་
D6.011.0261b03.01བསྡིགས་ནས་ཀྱང་སྐྱོ་བར་བྱའོ། །དེ་ལྟར་ཀུན་དུ་སྐྱོ་བ་སྐྱེས་ནས་ཀྱང་ཀ་ཏྱ་ཡ་ན་ལ་ལུང་ནོད་དུ་གཞུག་པར་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གྲོང་ཁྱེར་རྩྭ་ཅན་ག་ལ་བར་འདོང་ངོ་། །བཀའ་བཞིན་འཚལ་
D6.011.0261b04.01ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་གྱད་ཀྱི་ལྗོངས་རྒྱུ་ཞིང་གཤེགས་པ་ན་གྲོང་ཁྱེར་རྩྭ་ཅན་གྱི་བར་དང་། ཆུ་བོ་དབྱིག་ལྡན་གྱི་བར་དུ་ཤུལ་དུ་ཞུགས་ཏེ་གཤེགས་པ་ལས་ཤུལ་ལས་གྱུ་སྟེ་ཚེ་དང་ལྡན་པ་ཀུན་དགའ་བོ་ལ་བཀའ་
D6.011.0261b05.01སྩལ་པ། ཀུན་དགའ་བོ་ང་རྒྱབ་མི་བདེ་སྟེ་ངལ་བསོས། དེ་བཞིན་གཤེགས་པའི་བླ་གོས་བཞི་ལྟབ་ཏུ་ལྟོབ་ལ་ཐིང་ཤིག །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་རིངས་པ་རིངས་པར་བླ་གོས་བཞི་ལྟབ་ཏུ་བལྟབ་སྟེ། བཅོམ་
D6.011.0261b06.01ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་བཞིན་གཤེགས་པའི་བླ་གོས་བཞི་ལྟབ་ཏུ་བལྟབ་སྟེ་བཏིང་ལགས་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་ཀྱིས་ན་བཟའ་སྣམ་སྦྱར་ལྟབ་མ་མང་དུ་མཛད་དེ་འཕངས་སུ་
D6.011.0261b07.01