完整藏文原文 · 德格版页 当前仅加载第 11 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
གདགས་ཞེས་དཔྱད་པ་དང་། དེའི་ཡང་གཉེན་དག་གིས་ཁྱེའུ་འདི་སྐར་མ་ས་གའི་ཚེ་བཙས་པས་ན་དེ་བས་ན་ཁྱེའུ་འདིའི་མིང་ས་གར་གདགས་སོ་ཞེས་ཟེར་ནས་དེའི་མིང་ས་གར་བཏགས་སོ། །ཁྱེའུ་ས་ག་དེ་ཡང་མ་མ་བརྒྱད་ལ་གཏད་དེ། གཉིས་ནི་སྣུན་པའི་མ་མའོ། །
D6.011.0162a01.01གཉིས་ནི་འཚོ་བའི་མ་མའོ། །གཉིས་ནི་དྲི་མ་འཕྱི་བའི་མ་མའོ། །གཉིས་ནི་རྩེ་བའི་མ་མའོ། །མ་མ་དེ་བརྒྱད་ཀྱིས་གསོས་བསྐྱེད་དེ་འོ་མ་དང་། ཞོ་དང་མར་སར་དང་། མར་དང་། གཞན་ཡང་དེས་ཤིང་དེས་པའི་ཡོ་བྱད་ཀྱི་ཁྱད་པར་གྱིས་མྱུར་དུ་བསྐྱེད་པ་ནི་རྫིང་ན་གནས་པའི་འདམ་ལས་
D6.011.0162a02.01སྐྱེས་པ་བཞིན་ནོ། །ཁྱིམ་བདག་{རི་དགས་,རི་དྭགས་}སྒྲ་ལས་བུ་ཕོ་གཅིག་བྱུང་བར་ཁྱིམ་བདག་བྱིན་པས་ཐོས་ནས་དེས་བསམས་པ། མཛའ་བོ་ལས་བུ་ཕོ་ཞིག་བྱུང་བ་དེ་གོར་མ་ཆག་པར་བདག་གི་མག་པར་འགྱུར་གྱིས། དེ་ལ་གོས་དང་རྒྱན་དག་ཅིག་བསྐུར་རོ་སྙམ་ནས། དེས་དེ་ལ་གོས་
D6.011.0162a03.01དང་རྒྱན་དག་བསྐུར་ནས་ཕྲིན་སྤྲིང་བ། མཛའ་བོ་ཁྱོད་ལ་བུ་ཞིག་བཙས་པར་བདག་གིས་ཐོས་ནས་རབ་ཏུ་དགའ་སྟེ། མཛའ་བོའི་བུ་ལ་བདག་གིས་གོས་དང་རྒྱན་བསྐུར་བ་འདི་ཡིན་གྱིས་འདི་བླང་བའི་རིགས་སོ། །དེས་དེ་བླངས་ནས་ཕྲིན་ལན་མཛའ་བོ་ཁྱོད་ཀྱི་བུ་མོ་སྐྱེད་ཅིག་དང་།
D6.011.0162a04.01སྐྱེས་ནས་བླང་ངོ་སྤྲིང་ངོ་། །དེས་སྨྲས་པ། བུ་མོ་སྦྱིན་གྱིས་ལེགས་ཏེ། དེ་ལྟར་བྱའོ། །ནམ་བུ་མོ་ཆོས་སྦྱིན་སྐྱེས་པ་དང་། དེ་རབ་ཏུ་འབྱུང་བར་འདོད་ནས་དེས་ཕའི་རྐང་པ་ལ་ཕྱག་འཚལ་ཏེ། ཕ་བདག་ལེགས་པར་བཤད་པ་ཆོས་འདུལ་བ་ལ་རབ་ཏུ་དབྱུང་བར་གསོལ་ལོ་
D6.011.0162a05.01ཞེས་སྨྲས་པ་དང་། དེས་སྨྲས་པ། བུ་མོ་ཁྱོད་{རི་དགས་,རི་དྭགས་}སྒྲའི་བུ་ས་ག་ལ་སྔོན་ཁྱོད་བཏང་ཟིན་ཏེ། ཁྱོད་ཀྱི་ཁྱིམ་ཐབ་དེ་ཡིན་ཏེ། ད་ནི་གནང་དུ་མི་རུང་ངོ་ཞེས་ཟེར་ནས་མ་གནང་ངོ་། །ཁྱིམ་དེར་དགེ་སློང་མ་ཨུཏྤ་ལའི་ཁ་དོག་ཅེས་བྱ་བ་རིགས་དག་སྟོན་པར་བྱེད་དེ་དུས་དུས་སུ་འོང་ངོ་། །
D6.011.0162a06.01ཆོས་སྦྱིན་གྱིས་འཕགས་མ་བདག་ལེགས་པར་བཤད་པའི་ཆོས་འདུལ་བ་ལ་རབ་ཏུ་འབྱུང་བསྙེན་པར་རྫོགས་ཤིང་དགེ་སློང་མའི་དངོས་པོ་ཐོབ་པར་འཚལ་བ་བདག་གི་ཕས་མི་གནང་ཞིང་བསྲུངས་ཏེ་ཕྱིར་འབྱུང་དུ་ཡང་མི་སྟེར་ན་ཁྱོད་ཀྱིས་འདི་ཉིད་དུ་རབ་ཏུ་མི་འབྱུང་ངམ་ཞེས་སྨྲས་པ་
D6.011.0162a07.01