完整藏文原文 · 德格版页 当前仅加载第 11 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
མའི་རྫུ་འཕྲུལ་གྱི་ཆོ་འཕྲུལ་ལ་དགུག་གམ་རྒྱལ་པོས་དེ་སྐད་ཅེས་སྨྲས་པ་དང་། དེ་དག་དོང་ངོ་། །ཇི་ཙམ་དུས་གཞན་ཞིག་ན་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་རྒྱལ་པོའི་ཁབ་ནས་ཕྱུང་སྟེ། བཅོམ་ལྡན་འདས་ལ་བལྟ་བ་དང་། བསྙེན་བཀུར་བྱ་བའི་ཕྱིར་བཅོམ་
D6.011.0041b01.01ལྡན་འདས་ཀྱི་སྤྱན་སྔར་སོང་བ་དང་། དེ་དག་དེའི་ལམ་ཀར་སོང་ནས། རྒྱལ་པོ་ལ་རྒྱལ་བ་དང་ཚེ་སྤེལ་བ་བྱས་ནས་འདི་སྐད་ཅེས་སྨྲས་སོ། །ལྷ་བདག་ཅག་ནི་རྫུ་འཕྲུལ་དང་ལྡན་པ་ཡེ་ཤེས་ཅན་དུ་སྨྲ་བ་ལགས་ཞེས་བྱས་ནས། མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ཉིས་གྱུར་
D6.011.0041b02.01སུམ་གྱུར་དུ་བསྟན་པར་བགྱི་ན་དགེ་སྦྱོང་གཽ་ཏ་མ་ཤུལ་གྱི་ཕྱེད་དུ་དགུག་ཏུ་གསོལ། བདག་ཅག་ཀྱང་ཤུལ་གྱི་ཕྱེད་དུ་མཆིའོ་ཞེས་བྱ་བའི་བར་སྔ་མ་བཞིན་ནོ། །རྒྱལ་པོས་སྨྲས་པ། ཀྱེ་འདིའི་ཚེ་ནི་དེར་ཟད། གལ་ཏེ་ཁྱེད་དོན་འདི་ལན་གསུམ་གྱི་བར་དུ་ཟེར་ན་ཁྱེད་སྤྱུགས་ཏེ་བཏང་ངོ་
D6.011.0041b03.01ཞེས་དེས་དེ་དག་ཐག་བཅུག་པ་དང་སླར་སོང་ངོ་། །རང་གི་གནས་སུ་ཕྱིན་པ་དང་། ཡང་བགྲོས་པ། ཤེས་ལྡན་དག་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ནི་དགེ་སྦྱོང་གཽ་ཏ་མ་ཕྱོགས་བྱེད་པས་མཉན་ཡོད་ན་ཀོ་ས་ལའི་རྒྱལ་པོ་གསལ་རྒྱལ་གཟུ་བོ་ལྟ་བུ་ཞིག་
D6.011.0041b04.01ཡོད་ཅེས་གྲག་གིས། གང་གི་ཚེ་དགེ་སྦྱོང་གཽ་ཏ་མ་མཉན་ཡོད་དུ་འོངས་པ་དེའི་ཚེ་བདག་ཅག་གིས་དགེ་སྦྱོང་གཽ་ཏ་མ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་དགུག་པར་བྱའོ། །ཅི་ཙམ་དུས་གཞན་ཞིག་ན་བཅོམ་ལྡན་འདས་རྒྱལ་པོའི་ཁབ་ཏུ་ཇི་སྲིད་དགྱེས་ཀྱི་བར་དུ་བཞུགས་
D6.011.0041b05.01ནས་མཉན་ཡོད་གང་ན་བར་ལྗོངས་རྒྱུ་ཞིང་གཤེགས་སོ། །རིམ་གྱིས་ལྗོངས་རྒྱུ་ཞིང་གཤེགས་པ་ལས་མཉན་ཡོད་དུ་བྱོན་ནས། མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་རྫོགས་བྱེད་ལ་སོགས་པ་སྟོན་པ་དྲུག་པོ་
D6.011.0041b06.01རྣམས་ཀྱང་བཅོམ་ལྡན་འདས་ཀྱི་རྗེས་བཞིན་མཉན་ཡོད་དུ་དོང་ངོ་། །དེ་ནས་རིམ་གྱིས་མཉན་ཡོད་དུ་ཕྱིན་པ་དང་། དེ་དག་ལམ་གྱིས་དུབ་པ་ངལ་བསོ་ནས་ཀོ་ས་ལའི་རྒྱལ་པོ་གསལ་རྒྱལ་ག་ལ་བ་དེར་སོང་སྟེ་ཕྱིན་པ་དང་། ཀོ་ས་ལའི་རྒྱལ་པོ་གསལ་རྒྱལ་ལ་རྒྱལ་བ་དང་ཚེ་
D6.011.0041b07.01