完整藏文原文 · 德格版页 当前仅加载第 11 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
ཕུ་ནུ་དག་ཕན་ཚུན་དུ་ཚོལ་ཞིང་མཉན་དུ་ཡོད་པར་ལྷགས་ཏེ་དེ་དག་མཐོང་ནས་འཕགས་པ་ཁྱེད་ཅག་ནི་འདིར་དོང་སྟེ་རབ་ཏུ་བྱུང་སྟེ་འཁོད་ན་བདག་ཅག་གི་འཚོ་བ་སུས་སྦྱོར་ཞེས་སྨྲས་པ་དང་། དེ་དག་གིས་འདི་ཉིད་དུ་འཁོད་ལ་འདི་ཉིད་དུ་ཁྱོད་སློབས་ཤིག་ཅེས་སྨྲས་པ་དང་། དེ་དག་
D6.011.0087b01.01གིས་ལགས་ཏེ་དེ་བཞིན་བགྱིའོ་ཞེས་སྨྲས་ནས་དེ་དག་སློབ་པ་ལ་ཞུགས་པ་དང་། ཇི་ཙམ་ན་བྲམ་ཟེ་དང་ཁྱིམ་བདག་དག་ལྷགས་ནས་དེ་དག་གིས་དེ་དག་མཐོང་སྟེ། བཟོ་བོ་འདི་དག་ཐམས་ཅད་རབ་ཏུ་བྱུང་ན་བདག་གི་ལས་སུས་བྱ་ཞེས་འཛེར་ཏོ། །དེ་ལྟ་བུར་གྱུར་པ་དགེ་སློང་དག་གིས་
D6.011.0087b02.01བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དགོངས་པ་དེ་དང་འདྲ་བའི་སྣོད་འཆང་ན་ཉེས་པའི་དམིགས་ཡིན་ཏེ། དེ་ལྟ་བས་ན་དེ་དང་འདྲ་བའི་རྒྱུད་ལས་དེ་དང་འདྲ་བའི་ཆ་སྤྱད་མི་འཆང་བར་དགོངས་ནས། དགེ་སློང་རྣམས་ལ་བཀའ་སྩལ་
D6.011.0087b03.01པ། དགེ་སློང་དག་བྲམ་ཟེ་དེ་དག་དང་ཁྱིམ་བདག་དག་འཕྱ་བ་ནི་གནས་ཡིན་ནོ། །དེ་ལྟ་བས་ན་དགེ་སློང་དག་དེ་དང་འདྲ་བ་ལས་དེ་དང་འདྲ་བའི་རྒྱུད་ཀྱི་ཆ་སྤྱད་མ་འཆང་ཤིག །དགེ་སློང་དག་གིས་དེ་དང་འདྲ་བའི་ཆ་སྤྱད་འཆང་ན་འདས་པ་
D6.011.0087b04.01དང་བཅས་པར་འགྱུར་རོ། །བཅོམ་ལྡན་འདས་ཀྱིས་དེ་དང་འདྲ་བ་ལས་དེ་དང་འདྲ་བའི་ཆ་སྤྱད་མ་འཆང་ཤིག་ཅེས་གསུངས་པ་དང་། ཅི་ཙམ་ན་སྨན་པ་གཞན་ཞིག་རབ་ཏུ་བྱུང་ནས་ལྗོངས་རྒྱུ་ཞིང་མཉན་དུ་ཡོད་པར་ཕྱིན་པ་དང་། དེ་ལ་དགེ་སློང་
D6.011.0087b05.01དག་གིས་ཚེ་དང་ལྡན་པ་དགེ་སློང་ནད་པ་འདི་ལ་སྨན་དཔྱད་བྱོས་ཤིག་ཅེས་སྨྲས་པ་དང་། དེས་ཚེ་དང་ལྡན་པ་བཅོམ་ལྡན་འདས་ཀྱིས་མ་གནང་སྟེ། དེ་འདྲ་བ་ལས་དེ་འདྲ་བ་སྤྱད་མ་འཆང་ཤིག་ཅེས་བྱུང་ན་དེ་ལ་སྨན་དཔྱད་ཅིས་བྱ་ཞེས་ཟེར་རོ། །དེ་ལྟར་གྱུར་པ་དགེ་སློང་དག་གིས་བཅོམ་
D6.011.0087b06.01ལྡན་འདས་ལ་གསོལ་ནས་བཅོམ་ལྡན་འདས་ཀྱིས་དེ་ལྟ་བས་ན་གནང་བ་ནི་སྨན་པ་རབ་ཏུ་བྱུང་ན་གཏར་དཔྱད་ཀྱི་སྤྱད་ཆོངས་ཤིག །སྔོན་ཡི་གེ་པས་ནི་རམ་ཕྱིས་ཆོངས་ཤིག །འདྲེག་མཁན་རབ་ཏུ་བྱུང་ན་ནི་སེན་མོ་གཅད་པ་ཆོངས་ཤིག་ཅེས་བཀའ་སྩལ་ཏོ།། །།
D6.011.0087b07.01