完整藏文原文 · 德格版页 当前仅加载第 11 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བོ་འདིར་དགེ་སློང་ཞིག་འོངས་ནས་དེ་འདི་སྐད་དུ་སྨྲའོ། །ཚེ་དང་ལྡན་པ་བདག་གིས་བཅོམ་ལྡན་འདས་ལས་མངོན་སུམ་དུ་ཐོས། མངོན་སུམ་དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ཟེར་ན། དགེ་སློང་
D6.011.0255a01.01དེས་སྨྲས་པ་དེ་ལ་བསྟོད་པར་མི་བྱ། སྨད་པར་མི་བྱ། མི་བསྟོད་མི་སྨད་པར་རྣ་བ་བྱོ་སྟེ། ཆོས་ཀྱི་ཚིག་དང་འབྲུ་བཟུང་ལ། མདོ་སྡེ་དང་བསྟུན། འདུལ་བ་ལ་ཡང་དག་པར་བལྟ་བར་བྱའོ། །དེ་སྟེ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན། མདོ་སྡེ་དང་མཐུན། འདུལ་
D6.011.0255a02.01བ་ལ་ཡང་དག་པར་སྣང་སྟེ། ཆོས་ཉིད་དང་ཡང་མི་འགལ་ན་དགེ་སློང་དེ་ལ་འདི་སྐད་སྨྲོས་ཤིག །ཚེ་དང་ལྡན་པ་ཆོས་འདི་ནི་བཅོམ་ལྡན་འདས་ཀྱིས་གསུངས་ཏེ། ཚེ་དང་ལྡན་པ་ཉིད་ཀྱིས་ཀྱང་ཆོས་འདི་ལེགས་པར་བཟུང་ངོ་། །དེ་ལྟ་བས་ན་ཆོས་འདི་མདོ་སྡེ་དང་བསྟུན། འདུལ་བ་
D6.011.0255a03.01ལ་ཡང་དག་པར་བལྟས་ན་མདོ་སྡེ་དང་མཐུན། འདུལ་བ་ལ་སྣང་སྟེ། ཆོས་ཉིད་དང་མི་འགལ་བས་ན་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པ་ཡིན་པར་ཤེས་པར་བྱོས་ལ་གཟུང་བར་བྱའོ། །གཞན་ཡང་ཀུན་དགའ་བོ་དགེ་སློང་ཞིག་འོངས་ཏེ་དེ་འདི་སྐད་
D6.011.0255a04.01དུ་སྨྲའོ། །ཚེ་དང་ལྡན་པ་གནས་ཆེ་གེ་མོ་ཞིག་ན་གནས་བརྟན་དུ་བཅས། སོ་སོར་ཐར་པར་བཅས་པའི་དགེ་སློང་གི་དགེ་འདུན་མང་པོ་གནས་ཏེ། ཚེ་དང་ལྡན་པ་དགེ་སློང་གི་དགེ་འདུན་མང་པོ་དེ་དག་ལས་བདག་གིས་མངོན་སུམ་དུ་ཐོས་ཏེ། མངོན་སུམ་དུ་བཟུང་བ་ནི་འདི་ལྟ་སྟེ།
D6.011.0255a05.01འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ཟེར་ན། དེ་དགེ་སློང་དེས་སྨྲས་པ་དེ་ལ་བསྟོད་པར་མི་བྱ། སྨད་པར་མི་བྱ། མི་བསྟོད། མི་སྨད་པར་རྣ་བ་བྱོ་ནས་ཆོས་ཀྱི་ཚིག་དང་འབྲུ་བཟུང་ལ་མདོ་སྡེ་དང་བསྟུན། འདུལ་བ་ལ་ཡང་དག་པར་
D6.011.0255a06.01བལྟ་བར་བྱའོ། །དེ་སྟེ་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན། མདོ་སྡེ་དང་མཐུན། འདུལ་བ་ལ་ཡང་དག་པར་སྣང་སྟེ། ཆོས་ཉིད་དང་ཡང་མི་འགལ་ན། དགེ་སློང་དེ་ལ་འདི་སྐད་སྨྲོས་ཤིག །ཚེ་དང་ལྡན་པ་དགེ་སློང་གི་དགེ་འདུན་མང་པོ་དེ་དག་གིས་
D6.011.0255a07.01