完整藏文原文 · 德格版页 当前仅加载第 11 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་པར་བརྗོད་པའི་གཏམ་དང་། རྒྱ་མཚོ་བརྗོད་པའི་གཏམ་དང་། ལྗོངས་དང་། སྣ་ཆེན་པོ་ལ་གཏོགས་པ་བརྗོད་པའི་གཏམ་སྟེ། དགེ་སྦྱོང་རྣམས་ཀྱི་གཏམ་རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་
D6.011.0208a01.01སྦྱོང་དང་། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས་རྩོད་པ་རྣམ་པ་སྣ་ཚོགས་རྩོམ་པ་ལ་སྦྱོར་བར་བརྩོན་པ་ལ་གནས་པ་འདི་ལྟ་སྟེ། ཁོ་བོས་ནི་ཆོས་འདུལ་བ་འདི་རབ་ཏུ་ཤེས་སོ། །ཁྱོད་ཀྱིས་ནི་ཆོས་འདུལ་བ་འདི་མི་ཤེས་སོ། །ཇི་ལྟར་ཁོ་བོས་ཆོས་འདུལ་བ་འདི་ཀུན་ཤེས་
D6.011.0208a02.01པ་ལྟར་ཁྱོད་ཀྱིས་ཀྱང་ཆོས་འདུལ་བ་འདི་ཀུན་མི་ཤེས་སོ། །ཁོ་བོས་ནི་རིགས་པ་དང་ལྡན་པར་ཡིན་གྱི། ཁྱོད་ཀྱིས་ནི་རིགས་པ་དང་ལྡན་པར་མ་ཡིན་ནོ། །ཁོ་བོས་ནི་འབྲེལ་པར་ཡིན་གྱི་ཁྱོད་ཀྱིས་ནི་འབྲེལ་པར་མ་ཡིན་ཏེ། སྔར་སྨྲ་བར་བྱ་བ་ནི་ཕྱིས་སྨྲས། ཕྱིས་སྨྲ་བར་བྱ་བ་ནི་སྔར་སྨྲས་ལ།
D6.011.0208a03.01ཁྱོད་ཀྱིས་ཧ་ཅང་མྱུར་བར་སྨྲས་པས་མི་གསོལ་ལོ། །བརྩད་པས་མཇུག་བརྟུལ་གྱིས་ཁྱོད་ཀྱིས་བརྩད་པའི་དོན་དུ་སྨྲས་པའི་ཚིག་དེ་ཐོང་ཤིག །ཚར་བཅད་པར་ཤེས་སམ། གལ་ཏེ་ལན་ཐེབས་པ་ལྟ་ན་དྲིས་དང་སྨྲོས་ཤིག་ཅེས་བྱ་བ་དགེ་སྦྱོང་རྣམས་ཀྱི་རྩོད་པ་རྣམ་པ་སྣ་ཚོགས་རྩོམ་པ་
D6.011.0208a04.01ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང་། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས་ཕོ་ཉར་འགྲོ་བ་དང་གཏོང་བ་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། དེ་དག་རྒྱལ་པོའིའམ། བློན་པོ་ཆེན་པོ་རྣམས་ཀྱིའམ། བྲམ་
D6.011.0208a05.01ཟེ་རྣམས་ཀྱིའམ། ཁྱིམ་བདག་རྣམས་ཀྱིའམ། གྲོང་མི་རྣམས་ཀྱིའམ། ཡུལ་མི་རྣམས་ཀྱིའམ། ཚོང་དཔོན་རྣམས་ཀྱིའམ། དེད་དཔོན་རྣམས་ཀྱི་ཕོ་ཉ་ཚུ་བི་ནས་ཁྲིད་དེ་ཕ་བིར་སྣ་འདྲེན་པར་བྱེད་པ་དང་། ཕ་བི་ནས་ཕོ་ཉ་ཁྲིད་དེ་ཚུ་བིར་སྣ་འདྲེན་པར་བྱེད་པ་སྟེ། དགེ་སྦྱོང་རྣམས་ཀྱི་ཕོ་ཉར་
D6.011.0208a06.01འགྲོ་བ་དང་གཏོང་བ་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་འདི་ལྟར་ཡང་དགེ་སྦྱོང་དང་། བྲམ་ཟེ་ཁ་ཅིག་དད་པས་བྱིན་པ་དག་ཡོངས་སུ་སྤྱད་ནས་ཚུལ་འཆོས་པ་དང་། ཁ་གསག་དང་། གཞོགས་སློང་དང་། འཐོབ་ཀྱིས་འཇལ་བ་དང་རྙེད་པ་ལས་རྙེད་པ་སྒྲུབ་
D6.011.0208a07.01