完整藏文原文 · 德格版页 当前仅加载第 11 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་དེང་འདིར་ང་སྔ་དྲོའི་དུས་ཀྱི་ཚེ་ཆོས་གོས་བགོས་ལྷུང་བཟེད་ཐོགས་ཏེ་བཱ་རཱ་ཎ་སཱིར་བསོད་སྙོམས་ཀྱི་ཕྱིར་གཤེགས་པ་དང་། དགེ་སློང་གཞན་ཞིག་ཀྱང་སྔ་དྲོའི་དུས་ཀྱི་ཚེ་ཤམ་ཐབས་དང་ཆོས་གོས་བགོས་ཏེ། ལྷུང་བཟེད་ཐོགས་ནས་བཱ་རཱ་ཎ་སཱིར་བསོད་སྙོམས་ཀྱི་ཕྱིར་
D6.011.0222a01.01ཞུགས་སོ། །དེ་ནས་དགེ་སློང་དེ་ཤིང་ཐགས་གཞན་ཞིག་གི་དྲུང་དུ་འདུག་སྟེ་མི་དགེ་བའི་རྣམ་པར་རྟོག་པས་རྣམ་པར་རྟོག་ཅིང་སྡིག་པ་ལ་ཆགས་ཤིང་གནས་སོ། །དགེ་སློང་དེ་ཤིང་ཐགས་གཞན་ཞིག་གི་དྲུང་དུ་འདུག་སྟེ། མི་དགེ་བའི་རྣམ་པར་རྟོག་པས་རྣམ་པར་རྟོག་ཅིང་སྡིག་པ་ལ་ཆགས་ཤིང་
D6.011.0222a02.01གནས་པ་དེ་ངས་མཐོང་ངོ་། །མཐོང་ནས་ཀྱང་དགེ་སློང་དེ་ལ་ངས་འདི་སྐད་ཅེས་བཀའ་སྩལ་ཏོ། །དགེ་སློང་དགེ་སློང་བདག་ཉིད་ས་བོན་ཚ་བ་ལྟ་བུར་མ་བྱེད་ཅིག །དྲི་ང་བ་དང་། ཟག་པར་མ་བྱེད་ཅིག །དགེ་སློང་ཁྱོད་ཀྱིས་འདིར་ས་བོན་ཚ་བ་ལྟ་བུ་དང་། དྲི་ང་བ་དང་། ཟག་པར་བྱས་ན་སྦྲང་བུ་
D6.011.0222a03.01དག་གིས་མི་མྱངས་ཤིང་མི་ལྡགས་པའི་གནས་དེ་ལྟ་བུར་འགྱུར་བར་མཁྱེན་ཏོ། །དེ་ནས་དགེ་སློང་དེ་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་བདག་གི་སེམས་ཀྱི་རྟོག་པ་མཁྱེན་ཏོ་སྙམ་ནས་འཇིགས་སྐྲག་སྔངས་བྲེད་དེ། བ་སྤུ་ལང་ཞེས་བྱེད་ནས། རིངས་པ་རིངས་པར་ཤིང་ཐགས་
D6.011.0222a04.01དེ་ཉིད་ཀྱི་དྲུང་ནས་སོང་ངོ་། །དགེ་སློང་དག་དེ་བས་ན་དེའི་ཕྱིར་ཉེས་དམིགས་གང་ཡིན་པ་ནི་དགེ་སློང་སྤྱོད་ཡུལ་མ་ཡིན་པ་ན་འདུག་པ་ཡིན་ཏེ། དེ་ལྟ་བས་ན་དགེ་སློང་དག་གི་སྤྱོད་ཡུལ་མ་ཡིན་པ་ན་འདུག་པར་མི་བྱའོ། །སྤྱོད་ཡུལ་མ་ཡིན་པ་ན་འདུག་ན་འགལ་ཚབས་ཅན་དུ་འགྱུར་
D6.011.0222a05.01རོ། །དེ་ནས་དགེ་སློང་གཞན་ཞིག་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་ག་ལ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་འཕགས་པའི་ཆོས་འདུལ་བ་ལ་ས་བོན་ཚ་བ་ཞེས་བགྱི་བ་
D6.011.0222a06.01ཅི་ལགས། དྲི་ང་བ་ཞེས་བགྱི་བ་གང་ལགས། ཟག་པ་ཞེས་བགྱི་བ་ཅི་ལགས། ཟག་པ་དེའི་སྦྲང་བུ་ཞེས་བགྱི་བ་ཅི་ལགས། དགེ་སློང་ས་བོན་ཚ་བ་ཞེས་བྱ་བ་ནི་སྡིག་པ་མི་དགེ་བ་ལ་རྣམ་པར་རྟོག་པའི་ཚིག་{བླ་དགས་,བླ་དྭགས་}ཡིན་ཏེ། འདི་ལྟ་སྟེ། འདོད་པ་ལ་རྣམ་པར་རྟོག་པ་དང་།
D6.011.0222a07.01