完整藏文原文 · 德格版页 当前仅加载第 11 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་ཏེ་ཁ་ཟས་ཟོས་པ་ཡིན་ནོ། །དེ་ལྟ་བས་ན་དགེ་སློང་དག་གིས་སྒྲ་དང་བཅས་ཏེ་ཁ་ཟས་བཟའ་བར་མི་བྱའོ། །དགེ་སློང་གིས་སྒྲ་དང་བཅས་ཏེ་ཁ་ཟས་ཟོས་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་རྣམས་སྒྲ་དང་བཅས་ཏེ་ཁ་ཟས་བཟའ་
D6.011.0190b01.01བར་མི་བྱའོ་ཞེས་གསུངས་པ་དང་། བྲམ་ཟེ་དང་། ཁྱིམ་བདག་དད་པ་ཅན་དག་གིས་དགེ་སློང་དག་ལ་རྒྱལ་མོ་ག་གོན་དང་། འབྲས་ཁུར་དང་། མར་ཁུར་དང་། ལ་ཕུག་དང་། བུ་རམ་ཤིང་དག་ཕུལ་བ་དང་། དགེ་སློང་དག་ཐེ་ཚོམ་སྐྱེས་ནས་མ་བླངས་སོ། །དེ་དག་གིས་སྨྲས་པ།
D6.011.0190b02.01འཕགས་པ་གལ་ཏེ་སངས་རྒྱས་བཅོམ་ལྡན་འདས་འཇིག་རྟེན་དུ་མ་བྱུང་བའི་ཚེ་ནི་བདག་ཅག་གི་སྦྱིན་གནས་མུ་སྟེགས་ཅན་ལགས་ན། ད་ལྟར་བཅོམ་ལྡན་འདས་འཇིག་རྟེན་དུ་བྱུང་སྟེ་ད་ནི་ཁྱེད་རྣམས་སྦྱིན་གནས་ལགས་ཏེ། གལ་ཏེ་ཁྱེད་རྣམས་ཀྱིས་མ་བླངས་པར་གྱུར་ན་བདག་ཅག་
D6.011.0190b03.01འཇིག་རྟེན་ཕ་རོལ་གྱི་ལམ་རྒྱགས་དང་བྲལ་བར་གྱུར་ལ། བཅོམ་ལྡན་འདས་ཀྱིས་ཀྱང་དུས་སུ་སྦྱིན་པའི་མདོ་ལས་གང་ལོ་ཏོག་སར་པ་དང་། འབྲས་བུ་སར་པ་གང་ཡིན་པ་དེ་དག་དུས་སུ་དང་པོར་ཚུལ་ཁྲིམས་དང་ལྡན་པ་ལ་བྱིན་ལ། དེ་ནས་ཕྱིས་བདག་གིར་ཡོངས་སུ་སྤྱོད་ཅིག་
D6.011.0190b04.01ཅེས་གསུངས་ཏེ། འདི་ནི་དུས་སུ་སྦྱིན་པ་ཡིན་པས་དེ་ལྟ་བས་ན་རྗེས་སུ་ཐུགས་བརྩེ་བར་དགོངས་ཏེ་བཞེས་ཤིག་ཅེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། བྱིན་པ་ལོང་ལ་འབྲས་ཁུར་ནི་འབྲས་ཅན་དང་། ཕྱེ་དང་ལྷན་ཅིག་
D6.011.0190b05.01གྱིས་ལ་བཟའ་བར་བྱའོ། །ལ་ཕུག་དང་། རྒྱལ་མོ་ག་གོན་དང་། མར་ཁུར་དག་ནི་དུམ་བུ་བྱས་ཏེ་བཟའ་བར་བྱའོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་ཁྱིམ་བདག་གཞན་ཞིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་གདུགས་ཚོད་ལ་སྤྱན་
D6.011.0190b06.01དྲངས་སོ། །དེར་དགེ་སློང་དག་གཞན་ལ་མ་བསྡད་པར་སྡེ་སྡེར་ཆད་དེ་འོངས་ནས་དེ་དག་གིས་སྨྲས་པ། ཁྱིམ་བདག་བདག་ཅག་ལ་བྲིམས་ཤིག་བདག་ཅག་གིས་བཟའ་བར་བགྱིའོ། །དེ་དག་གིས་ཟོས་ནས་སོང་བ་དང་། གཞན་དང་གཞན་ཀྱང་དེ་བཞིན་དུ་གྱུར་ནས་ཁྱིམ་བདག་
D6.011.0190b07.01