完整藏文原文 · 德格版页 当前仅加载第 11 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་ཅིག་ནི་འཕྲོག་རློམ་བྱེད་པར་གྱུར་ཏོ། །ཀུ་ཅོ་ཆེན་པོ་བྱུང་བ་དེའི་ཚེ་ཀཽ་ཤཱམྦཱི་ན་གནས་པའི་དགེ་སློང་དག་སོ་སོར་བྲོས་ནས་ཁ་ཅིག་ནི་མཉན་ཡོད་དུ་སོང་ངོ་། །ཁ་ཅིག་ནི་གནས་གཞན་དང་གཞན་དུ་སོང་ངོ་། སྐབས་དེར་སྦྱོར་བ་འཆང་བ་དང་། བློན་པོ་གཞན་རྣམས་དང་།
D6.011.0005b01.01ཀཽ་ཤཱམྦཱི་ན་གནས་པའི་མིའི་གཙོ་བོ་དང་། བྲམ་ཟེ་དང་། ཁྱིམ་བདག་རྣམས་ཀྱིས་ཀུ་ཆོ་ཞི་བར་བྱས་ཏེ་དེ་ནས་སྦྱོར་བ་འཆང་གིས་ཇི་ལྟར་རྒྱལ་པོ་ར་བའི་ཁར་སོང་ངོ་། །ཇི་ལྟར་ར་བའི་དྲུང་ན་ཁྱི་འདུག་པར་གྱུར་ཅེས་ཀུན་ཏུ་བརྟག་པར་བརྩམས་སོ། །དེས་དེ་ལྟར་བརྟགས་
D6.011.0005b02.01པ་དང་། ནོར་ལྷས་བྱིན་གྱིས་ཇི་ལྟར་ཐབས་ཀྱིས་བསད་པ་རྩད་ཆོད་དེ་དེ་ཁྲོས་ནས་ནོར་ལྷས་བྱིན་རྒྱ་སྐྱེགས་ཀྱི་ཁང་པར་བཅུག་སྟེ་བསྲེགས་སོ། །དགེ་སློང་དག་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པར་མཛད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་
D6.011.0005b03.01པ་རྒྱལ་པོ་ཤར་བའི་བུས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཁྱི་དག་གིས་འཚལ་ཏེ་དུས་ལས་འདས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྒྱལ་པོ་ཤར་བའི་བུ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ་འོང་
D6.011.0005b04.01བ་བཞིན་དུ་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་ཏེ། དགེ་སློང་དག་རྒྱལ་པོ་ཤར་བའི་བུས་ལས་བྱས་ཤིང་བསགས་པ་དག་གཞན་སུས་སོ་སོར་ཉམས་སུ་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་རྣམས་ནི་ཕྱི་རོལ་
D6.011.0005b05.01གྱི་སའི་ཁམས་ལ་སྨིན་པར་མི་འགྱུར། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། འོན་ཀྱང་དགེ་བ་དང་མི་དགེ་བའི་ལས་བྱས་པ་དག་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ།
D6.011.0005b06.01བསྐལ་པ་བརྒྱ་ཕྲག་རྣམས་སུ་ཡང་། ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་ལ་བབ་པ་ན། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག་སྔོན་བྱུང་བ་རི་འོར་ཞིག་ན་བྲམ་ཟེ་མདུན་ན་འདོན་ཞིག་འདུག་གོ། །སངས་རྒྱས་འབྱུང་བ་མེད་པ་ན་རང་
D6.011.0005b07.01