完整藏文原文 · 德格版页 当前仅加载第 11 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་མཚར་བར་བསམས་ཏེ། ཕོ་ཉ་ལ་འདི་ཅི་གང་པོའི་ཐབས་སམ། སྨན་ཆེན་པོའམ་སུའི་ཞེས་སྨྲས་པ་དང་། ཕོ་ཉས་སྨྲས་པ། སྨན་ཆེན་པོའི་ལགས་སོ། །ལེགས་སོ་ལེགས་སོ་ཞེས་སྨྲས་ནས་ཅང་མི་ཟེར་བར་འདུག་གོ། །དེ་ནས་དུས་ཕྱི་ཞིག་ན་རྒྱལ་པོས་རི་བྲགས་ཀྱི་གྲོང་རྡལ་
D6.011.0063b01.01དེར་གང་པོ་ལ་གླང་ལྔ་བརྒྱ་བདས་ནས་འདི་རྣམས་ལ་རྩྭ་བྱིན་ཏེ་ཞོས་ལ་འོ་མ་དང་། ཞོ་དང་། མར་དང་། པྲིས་མ་དང་། ཆུར་བ་རྣམས་བྱོས་ལ་སྐུར་ཅིག །ཕོ་ཉ་དེས་རྒྱལ་པོའི་བཀའ་མཉན་ཏེ་རིམ་གྱིས་གྲོང་དུ་སོང་ནས་གང་པོ་ལ་ཡིད་ཆེས་པའི་ཚིག་གིས་བྱས་ནས་བོས་ཏེ་
D6.011.0063b02.01སྨྲས་པ། རྒྱལ་པོས་གླང་ལྔ་བརྒྱ་པོ་འདི་བདས་ཏེ་འདི་རྣམས་ཞོས་ལ་འོ་མ་དང་། ཞོ་དང་། མར་དང་། པྲིས་མ་དང་། ཆུར་བ་གྱིས་ལ་སྐུར་ཅིག་ཅེས་བྱུང་ངོ་། །གང་པོ་དེ་སྐད་དུ་ཐོས་ནས་ཡི་ཆད་དེ་གྲོང་མི་གཞན་དག་ལ་སྨྲས་པ། རྒྱལ་པོ་ནི་ཐབས་འདི་ལྟ་བུས་ཆད་པས་གཅད་
D6.011.0063b03.01པར་ངེས་ནས་གླང་ལས་འོ་མ་གྱིས་ཤིག་ཅེས་བྱུང་ནས་རབ་ཏུ་སེམས་ཤིང་འདུག་པ་དང་། སྨན་ཆེན་པོས་སྨྲས་པ། ཕ་ཁྱོད་མི་དགའ་བར་མ་མཛད་ཅིག་དང་། བདག་གིས་དེའི་ལན་བསམས་ལ་ཇི་ནས་རྒྱལ་པོ་མཉེས་པར་གྱུར་ཅིང་དེ་རྣམས་ཀྱང་བྱེད་དུ་མི་གཞུག །དེ་ནས་སྨན་
D6.011.0063b04.01ཆེན་པོས་སྤད་གཉིས་ཤིག་བསླབས་ཏེ་བཏང་ནས་ཁྱོད་གྲོང་ཁྱེར་ཆེན་པོར་རྒྱལ་པོ་ལས་མི་རིང་བ་ཞིག་ཏུ་སོང་ལ་ཤིང་གི་གཞོང་ཁུང་ཅིག་ལྟོར་ཆོར་ལ་གོས་ཀྱིས་དཀྲིས་ཏེ་ས་ལ་ཕར་འགྲེ་ཚུར་འགྲེ་ཞིང་ངུ་བ་ལྟར་བྱོས་ཤིག །དེ་ནས་ཁྱེའུ་ཁྱོད་ཀྱིས་ཕྱོགས་ཀུན་དུ་གསོལ་བ་ཐོབ་ལ་མེ་ཏོག་དང་།
D6.011.0063b05.01སྤོས་དང་། བཤོས་ཀྱིས་ཕྱོགས་བཅུར་གཏོར་ལ་ཕ་འདི་བདེ་ཞིང་ལེགས་ལ་བཀྲ་ཤིས་པར་བུ་བྱུང་ཞིག་ཅེས་བརྗོད་ཅིག །དེ་སྤད་གཉིས་ཇི་ལྟར་བསྟན་པ་བཞིན་དུ་ཡུལ་པཱུརྞ་ཀཙྪའི་གྲོང་རྡལ་ནས་རྒྱལ་པོ་སྐྱེད་པའི་དྲུང་དུ་སོང་སྟེ། མི་རིང་བ་ཞིག་ཏུ་འདུག་ནས་ཇི་ལྟར་བསྟན་པའི་
D6.011.0063b06.01ཆོས་དང་། སྨྲེ་ཞིང་ངུ་བ་ལ་སོགས་པ་བྱས་ཏེ། གང་འཇིག་རྟེན་ན་འཇིག་རྟེན་སྐྱོང་བས་བདག་གི་ཕ་འདི་སྲུང་ལ་བདེ་ཞིང་ལེགས་ལ་བཀྲ་ཤིས་པར་བུ་བཙས་པར་ཤོག་ཤིག་ཅེས་དེ་སྐད་དུ་བོས་པ་རྒྱལ་པོ་སྐྱེད་པས་ཐོས་ནས་དེ་ཅི་རྟོགས་ཤིག་ཅེས་མི་གཅིག་བཏང་ངོ་། །དེ་སོང་སྟེ་བལྟས་ན་སྐྱེས་
D6.011.0063b07.01