完整藏文原文 · 德格版页 当前仅加载第 11 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
ནུས་པར་གྱུར་ཅིག །ཚངས་པ་མཚུངས་པར་སྤྱོད་པ་རྣམས་ཀྱིས་ནི་མེ་སྤོར་ནུས་པར་གྱུར་ཅིག་ཅེས་དེས་གནས་འདི་ལྔ་བྱིན་གྱིས་བརླབས་ཏེ། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །མུ་སྟེགས་ཅན་ཀུན་དུ་རྒྱུ་གཞན་དག་
D6.011.0282b01.01གིས་ཀུན་དུ་རྒྱུ་རབ་བཟང་ཡོངས་སུ་མྱ་ངན་ལས་འདས་སོ་ཞེས་ཐོས་ཏེ་ཐོས་ནས་ཀྱང་རས་ཀྱི་རྒྱལ་མཚན་ཆེན་པོ་བཙུགས་ཏེ། །གྲོང་ཁྱེར་རྩྭ་ཅན་གྱི་ལམ་པོ་ཆེ་དང་། ཁྱམས་དང་། བཞི་མདོ་དང་། སུམ་མདོ་དག་ཏུ་བསྐོར་ནས་ཤེས་ལྡན་དགེ་སྦྱོང་གཽ་ཏ་མ་འདི་སྐད་ཅེས་སྨྲ་སྟེ། དགེ་སྦྱོང་
D6.011.0282b02.01དང་པོ་ནི་འདི་ཡིན་ནོ། །གཉིས་པ་ནི་འདི་ཡིན་ནོ། །གསུམ་པ་ནི་འདི་ཡིན་ཏེ། བཞི་པ་ནི་འདི་ལས་ཕྱི་རོལ་ན་དགེ་སྦྱོང་ངམ། བྲམ་ཟེ་མེད་དེ། ཕས་ཀྱི་རྒོལ་བའི་དགེ་སྦྱོང་དང་། བྲམ་ཟེ་རྣམས་ཀྱིས་སྟོང་ངོ་ཞེས་འདི་ལྟར་འཁོར་རྣམས་ལ་སེང་གེའི་སྒྲ་ཡང་དག་པར་སྒྲོགས་ན། བདག་ཅག་
D6.011.0282b03.01གི་ཚངས་པ་མཚུངས་པར་སྤྱོད་པ་ཀུན་དུ་རྒྱུ་རབ་བཟང་ནི་མྱ་ངན་ལས་འདས་པར་གྱུར་ཏོ་ཞེས་སྨྲས་པ་དང་། དེ་དག་ལ་དགེ་སློང་རྣམས་ཀྱིས་སྨྲས་པ། ཤེས་ལྡན་དག་གལ་ཏེ་འདི་ཁྱེད་ཀྱི་ཚངས་པ་མཚུངས་པར་སྤྱོད་པ་ཡིན་ན་ཚུར་ཤོག་འདི་ཁྱོགས་ཀྱི་སྟེང་དུ་ཞོག་ལ་ཐེག་ཤིག་དང་བལྟ་བར་བྱའོ། །
D6.011.0282b04.01དེ་དག་གིས་ཁྱོགས་ཀྱི་སྟེང་དུ་བཞག་ནས་གདེགས་པར་བརྩམས་ན་བསྒུལ་ཡང་མ་ནུས་པ་དང་། དགེ་སློང་རྣམས་ཀྱིས་སྨྲས་པ། ཤེས་ལྡན་དག་ངེད་ཀྱིས་གདེག་གམ། ཐེག་ཤིག །དེ་དག་གིས་བཏེག་པ་དང་། དེ་དག་སྤོབས་པ་མེད་དེ་ཅང་མི་སྨྲ་བར་འདུག་གོ། །དེ་དག་རྫིང་བུར་དོང་བ་
D6.011.0282b05.01དང་། ཡང་དགེ་སློང་རྣམས་ཀྱིས་སྨྲས་པ། ཤེས་ལྡན་དག་གལ་ཏེ་འདི་ཁྱེད་ཀྱི་ཚངས་པ་མཚུངས་པར་སྤྱོད་པ་ཡིན་ན་ཚུར་ཤོག །རྫིང་བུ་དེར་ཞུགས་ཤིག་དང་བལྟ་བར་བྱའོ་ཞེས་སྨྲས་ནས། དེ་དག་ཞུགས་པ་དང་། བྱིང་ནས་ཉ་དང་རུ་སྦལ་དག་གིས་གནོད་པ་བྱས་ཏེ་སྤྱོད་མ་ནུས་
D6.011.0282b06.01ནས་རིངས་པ་རིངས་པར་སླར་བྱུང་བ་དང་། དགེ་སློང་རྣམས་ཀྱིས་སྨྲས་པ། ངེད་འཇུག་གིས་ལྟོས་ཤིག །བལྟ་བར་བྱའོ། །དེ་དག་ཞུགས་ནས་མ་བྱིང་ཞིང་ཉ་དང་རུ་སྦལ་དག་གིས་གནོད་པ་བྱེད་མ་ནུས་ཏེ་དེར་སྤྱོད་ནུས་པར་གྱུར་པ་དང་། དེ་དག་སྤོབས་པ་མེད་དེ་ཅང་མི་སྨྲ་བར་འདུག་གོ།
D6.011.0282b07.01