完整藏文原文 · 德格版页 当前仅加载第 11 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོར་པར་མི་འགྱུར་བ། །བསྐལ་པ་དག་ནི་བརྒྱ་ལོན་ཀྱང་། །དུས་དང་འཕྲོད་ནས་འཐོབ་པ་ནི། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག་སྔོན་བྱུང་བ་ནི་རི་བྲགས་ཀྱི་གྲོང་གཞན་ཞིག་ན་ཁྱིམ་བདག་ཅིག་འདུག་སྟེ། ཕྱུག་ལ་ནོར་མང་ཞིང་ལོངས་སྤྱོད་ཆེ་གནས་ཡངས་ཤིང་རྒྱ་ཆེ་བ་ནི་ངལ་
D6.011.0131b01.01བསོས་པོའི་ནོར་དང་འདྲ་སྟེ། ངལ་བསོས་པའི་ནོར་ལ་སྔོ་བ་ཞིག་ནས་རིགས་དང་མཉམ་པ་ཞིག་ལས་ཆུང་མ་ཞིག་བླངས་ཏེ། དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེས་རྩེ་དགའ་ཡོངས་སུ་སྤྱད་ཀྱང་བུ་ཕོ་ཡང་མེད། བུ་མོ་ཡང་མེད་དེ། བདག་གི་ཁྱིམ་དུ་ནོར་དུ་མ་ཞིག་འདུས་ན་དེ་ལ་བུ་
D6.011.0131b02.01ཕོ་ཡང་མེད་བུ་མོ་ཡང་མེད་དེ། བདག་འདས་པ་དང་བདག་གི་དབང་བ་ཐམས་ཅད་བུ་མེད་པའོ་ཞེས་ཟེར་ཏེ་རྒྱལ་པོའི་དཀོར་དུ་འགྱུར་རོ་ཞེས་དེ་འགྲམ་པ་ལག་པ་ལ་གཏད་དེ་རབ་ཏུ་སེམས་ཤིང་འདུག་པ་དེའི་ཆུང་མས་མཐོང་ནས། ཇོ་བོ་ཁྱོད་ཅིའི་ཕྱིར་ལག་པས་འགྲམ་པར་གཏད་དེ་རབ་ཏུ་སེམས་ཤིང་
D6.011.0131b03.01འདུག་ཅེས་སྨྲས་པ་དང་། དེས་སྨྲས་པ། བཟང་མོ་བདག་གི་ཁྱིམ་ན་ནོར་དུ་མ་ཞིག་འདུས་ཀྱང་བུ་ཕོ་ཡང་མེད་བུ་མོ་ཡང་མེད་པས་བདག་འདས་པ་དང་བདག་གི་དབང་བ་ཐམས་ཅད་བུ་མེད་པའོ། །ཞེས་ཟེར་ཏེ་རྒྱལ་པོའི་དཀོར་དུ་འགྱུར་ན་ཅིའི་ཕྱིར་རབ་ཏུ་སེམས་ཤིང་མི་འདུག །དེས་བསམས་
D6.011.0131b04.01པ། ཅི་འདིའི་སྐལ་བ་ཆུང་ངམ། བུ་ཕོ་ཡང་མེད་བུ་མོ་ཡང་མེད་ན། ཅི་བདག་གི་སྐལ་བ་ཆུང་ངམ་འདི་ནི་གཞན་མ་ཡིན་གྱི་བདག་ལ་ཉེས་པའི་སྐྱོན་བཏགས་ཏེ་ཆུང་མ་གཞན་ལེན་པར་འདོད་དོ། །དེའི་ཕྱིར་བདག་གི་མདུན་དུ་འགྲམ་པ་ལག་པར་གཏད་དེ་རབ་ཏུ་སེམས་ཤིང་འདུག་ལ་འདི་སྐད་དུ་
D6.011.0131b05.01བདག་གི་ཁྱིམ་ན་ནོར་དུ་མ་འདུས་ཀྱང་བུ་ཕོ་དང་བུ་མོ་མེད་པས་བདག་འདས་པ་དང་བདག་གི་དབང་བ་ཐམས་ཅད་བུ་མེད་པའོ་ཞེས་ཟེར་ཏེ་རྒྱལ་པོའི་དཀོར་དུ་འགྱུར་རོ་ཞེས་ཟེར་གྱིས་དེ་བས་ན་བདག་ཉིད་ཐམ་པར་བྱའོ་ཞེས་བསམས་ནས་སྨྲས་པ། ཇོ་བོ་འདི་ལྟར་བདག་སྐལ་བ་ཆུང་བས་ཁྱོད་ཀྱི་བུ་ཕོ་
D6.011.0131b06.01དང་བུ་མོ་མེད་ཀྱིས་ཆུང་མ་གཞན་ཞིག་ལོང་ཤིག་དང་། དེ་ལས་བུ་ཕོ་དང་བུ་མོ་ཡང་འབྱུང་བར་འགྱུར་རོ། །དེས་སྨྲས་པ། བཟང་མོ་ཁྱོད་ཀྱིས་སྐྱེས་བུ་གང་ལ་ཆུང་མ་གཉིས་ཡོད་ན། དེ་ནི་ནམ་ཡང་ཆུ་གྲང་མོའི་སྐྱོ་མ་མི་འཐུང་སྟེ་རྟག་ཏུ་དེའི་ཁྱིམ་ན་འཐབ་པ་དང་འཁྲུག་པ་དང་མི་འདུམ་
D6.011.0131b07.01