完整藏文原文 · 德格版页 当前仅加载第 11 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་དག་ཉོན་ཅིག །ཤེས་ལྡན་དག་ལ་ཡུལ་མ་ག་དྷཱའི་རྒྱལ་པོ་ལུས་འཕགས་མའི་བུ་རྒྱལ་པོ་མ་སྐྱེས་དགྲ་གནོད་པ་ཆུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ་ཞེས་ནད་འདྲི་ཞིང་། འདི་སྐད་ཅེས་ཤེས་ལྡན་དག་
D6.011.0298b01.01བཅོམ་ལྡན་འདས་དེ་ནི་ང་ལ་ཡུན་རིང་པོ་ནས་ཕངས་ཤིང་སྡུག་པ་བླ་མར་གྱུར་པ་ཡིན་ཏེ་དེ་ཁྱེད་ཀྱི་གྲོང་གི་ཉེན་ཀོར་དུ་ཡོངས་སུ་མྱ་ངན་ལས་འདས་པར་གྱུར་ན་ཤེས་ལྡན་དག་བཅོམ་ལྡན་འདས་དེའི་སྐུ་གདུང་ཤ་རི་རམ་གྱི་སྐལ་བ་ང་ལ་བྱིན་ཅིག་དང་། དེས་ན་ང་རྒྱལ་པོའི་ཁབ་ཏུ་
D6.011.0298b02.01བཅོམ་ལྡན་འདས་དེའི་སྐུ་གདུང་གི་མཆོད་རྟེན་བརྩིགས་ལ་གདུགས་དང་། རྒྱལ་མཚན་དང་། བ་དན་གཟུགས་ཤིང་། དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟི་བྱ། བླ་མར་བྱ། རི་མོར་བྱ། མཆོད་པར་བྱའོ། །མཆོད་
D6.011.0298b03.01པ་བྱས་ནས་དུས་སྟོན་ཆེན་པོ་ཡང་བྱའོ་ཞེས་བཀའ་སྩལ་ཏོ། །དབྱར་བྱེད་བཅོམ་ལྡན་འདས་དེ་ནི་ངེད་ལ་ཡང་ཡུན་རིང་པོ་ནས་ཕངས་ཤིང་སྡུག་པ་བླ་མར་གྱུར་པ་ཡིན་ཏེ། དེ་ངེད་ཀྱི་གྲོང་གི་ཉེན་ཀོར་དུ་ཡོངས་སུ་མྱ་ངན་ལས་འདས་པས་ངེད་ཀྱིས་དེའི་སྐུ་གདུང་ཤ་རི་རམ་
D6.011.0298b04.01གྱི་སྐལ་བ་སྦྱིན་པར་མི་བྱའོ། །དེ་ནས་ཡུལ་མ་ག་དྷཱའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས་གྲོང་ཁྱེར་རྩྭ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གལ་ཏེ་བྱིན་ན་དེ་ལྟ་ན་ནི་ལེགས། ཇི་སྟེ་མ་བྱིན་པར་གྱུར་ན་དམག་གིས་དབྲོག་པར་བྱའོ། །གྲོང་
D6.011.0298b05.01ཁྱེར་རྩྭ་ཅན་གྱི་གྱད་རྣམས་ཀྱིས་དེ་བཞིན་དུ་བྱའོ་ཞེས་མཉན་ནས། དེ་དག་གིས་རྒྱལ་པོའི་འཁོར་མང་པོ་འདུས་པ་མཐོང་ནས་གྱད་ཀྱི་ཆུང་མ་དང་། གྱད་གཞོན་ནུ་དག་ཀྱང་མདའ་འཕོང་བསླབས་སོ། །ཇི་ཙམ་ན་ཡུལ་སྡིག་པ་ཅན་གྱི་གྱད་རྣམས་དང་། ཡུལ་རྟོག་
D6.011.0298b06.01པ་གཡོ་བའི་རྒྱལ་རིགས་བུ་ལུ་ཀ་དང་། གྲོང་ཁྱེར་སྒྲ་སྒྲོགས་ཀྱི་རྒྱལ་རིགས་ཀྲོད་ཊྱ་དང་། ཁྱབ་འཇུག་གླིང་གི་བྲམ་ཟེ་དང་། ཡུལ་སེར་སྐྱ་ན་གནས་པའི་རྒྱལ་རིགས་ཤཱཀྱ་དང་། ཡུལ་ཡངས་པ་ཅན་གྱི་རྒྱལ་རིགས་ལིཙྪ་བཱི་དང་། ཡུལ་མ་ག་དྷཱའི་སྣ་ཆེན་པོ་
D6.011.0298b07.01