完整藏文原文 · 德格版页 当前仅加载第 11 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲི་བཞི་སྟོང་གི་ཆོས་དང་མཐུན་པའི་ཁང་{བཟངས་ཀྱི་,བཟང་གི་}བྱ་བ་ཐམས་ཅད་ཟིན་པར་རིག་ནས་ཆོས་དང་མཐུན་པའི་ཁང་{བཟངས་ཀྱི་,བཟང་གི་}མདུན་དུ་ཆོས་དང་མཐུན་པའི་རྫིང་ཆུར་དཔག་ཚད་གཅིག །རྒྱར་དཔག་ཚད་གཅིག་པ་ཞིག་བྱས་ཏེ། ཀུན་དགའ་བོ་ཆོས་དང་མཐུན་པའི་
D6.011.0269b01.01རྫིང་ཕ་གུ་རྣམ་པ་བཞི་པོ་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུརྱ་ལས་བྱས་པ་དང་། ཤེལ་ལས་བྱས་པས་བརྩིགས་སོ། །ཀུན་དགའ་བོ་ཆོས་དང་མཐུན་པའི་རྫིང་གི་ཐེམ་སྐས་རྣམ་པ་བཞི་པོ་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུརྱ་ལས་བྱས་
D6.011.0269b02.01པ་དང་། ཤེལ་ལས་བྱས་པས་བརྩིགས་སོ། །ཀུན་དགའ་བོ་ཆོས་དང་མཐུན་པའི་རྫིང་ལ་ཁ་ཁྱེར་རྣམ་པ་བཞི་པོ་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུརྱ་ལས་བྱས་པ་དང་། ཤེལ་ལས་བྱས་པས་བསྐོར་ཏོ། །གསེར་ལས་བྱས་པའི་ཁ་ཁྱེར་ལ་ནི་གཟུངས་
D6.011.0269b03.01གཟེར་དང་། གདུང་བུ་དང་། རྟེན་མ་དངུལ་ལས་བྱས་སོ། །དངུལ་ལས་བྱས་པ་ལ་ནི་གསེར་ལས་བྱས་སོ། །བཻ་ཌཱུརྱ་ལས་བྱས་པ་ལ་ནི་ཤེལ་ལས་བྱས་སོ། །ཤེལ་ལས་བྱས་པའི་ཁ་ཁྱེར་ལ་ནི་གཟུངས་གཟེར་དང་། གདུང་བུ་དང་། རྟེན་མ་བཻ་ཌཱུརྱ་ལས་བྱས་སོ། །ཀུན་
D6.011.0269b04.01དགའ་བོ་ཆོས་དང་མཐུན་པའི་རྫིང་གི་ནང་ན་མེ་ཏོག་ཆུ་ལས་སྐྱེས་པ་རྣམ་པ་སྣ་ཚོགས་འདི་ལྟ་སྟེ། ཨུཏྤ་ལ་དང་། པད་མ་དང་། ཀུ་མུད་དང་། པད་མ་དཀར་པོ་དང་། དྲི་མཆོག་དང་། དྲི་ངད་འཇམ་དང་། དུས་ཚིགས་ཐམས་ཅད་པ་དང་། དུས་ཐམས་ཅད་པའི་མེ་ཏོག་གི་ཕྲེང་བའི་རྒྱུ་
D6.011.0269b05.01སྐྱེ་བོ་ཐམས་ཅད་ལ་དགག་པ་མེད་པ་བསྐྱེད་དོ། །ཀུན་དགའ་བོ་ཆོས་དང་མཐུན་པའི་རྫིང་གི་འགྲམ་གཉིས་ན་མེ་ཏོག་སྐམ་ལས་སྐྱེ་བ་འདི་ལྟ་སྟེ། ཨ་ཏི་མུག་ཏ་ཀ་དང་། ཙམ་པ་ཀ་དང་། སྐྱ་སྣར་དང་། པ་རི་ཤ་ཀ་དང་། མ་ལི་ཀ་དང་། ན་བ་མ་ལི་ཀ་དང་། ཡིད་དུ་འོང་བ་དང་།
D6.011.0269b06.01ཡུསྠི་ཀ་དང་། དྷ་ནུསྐ་རི་དང་། དུས་ཚིགས་ཐམས་ཅད་པ་དང་། དུས་ཐམས་ཅད་པའི་མེ་ཏོག་གི་ཕྲེང་བའི་རྒྱུ་སྐྱེ་བོ་ཐམས་ཅད་ལ་དགག་པ་མེད་པ་བསྐྱེད་དོ། །ཀུན་དགའ་བོ་ཆོས་དང་མཐུན་པའི་རྫིང་གསེར་གྱི་བྱེ་མ་བདལ་ཅིང་ཙན་དན་གྱི་ཆུས་ཆག་ཆག་བཏབ་ལ། གསེར་གྱི་
D6.011.0269b07.01