完整藏文原文 · 德格版页 当前仅加载第 11 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལས་བདེ་བར་གྱུར། ལོ་ཉེས་པ་ལས་ནི་ལོ་ལེགས་པར་གྱུར་ཏེ། དེ་དེའི་རྒྱུས་བདེ་བར་གྱུར། ཡིད་དགའ་བར་གྱུར་ཏོ། །དེ་དེ་བཞིན་དུ་ཇི་ལྟར་བགྱིས་པ་དང་། ཇི་ལྟར་ནད་དང་། ཇི་ལྟར་བྲན་དང་། ཇི་ལྟར་བཅིངས་པ་དང་། ཇི་ལྟར་འཇིགས་པ་དེ་བཞིན་དུ་དེས་ངེས་པར་སྒྲིབ་པ་འདི་ལྔ་ལས་
D6.011.0211b01.01བདག་ཉིད་བྲལ་བར་མཐོང་ངོ་། །དེས་སེམས་ཅན་ལ་ཉེ་བར་ཉོན་མོངས་པར་བྱེད་པ། ཤེས་རབ་ཉམ་ཆུང་བར་བྱེད་པ། གནོད་པའི་ཕྱོགས་མྱ་ངན་ལས་འདའ་བ་དང་། མི་མཐུན་པའི་སྒྲིབ་པ་ལྔ་སྤངས་ཏེ། འདོད་པ་ལས་དབེན་པ། སྡིག་པ་མི་དགེ་བའི་ཆོས་ལས་དབེན་པ། རྟོག་པ་དང་
D6.011.0211b02.01བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང་། བདེ་བའི་བསམ་གཏན་དང་པོ་མངོན་དུ་བསྒྲུབས་ནས་གནས་སོ། །དེས་ལུས་འདི་ཉིད་ལས་དབེན་པ་ལས་སྐྱེས་པ་དང་། དགའ་བ་དང་བདེ་བས་མངོན་པར་རླན་ཏོ། །རབ་ཏུ་རླན་ནོ། །ཀུན་དུ་ཚིམ་མོ། །ཀུན་
D6.011.0211b03.01དུ་ཁྱབ་སྟེ། འདི་ལྟ་སྟེ། དབེན་པ་ལས་སྐྱེས་པའི་དགའ་བ་དང་། བདེ་བས་ལུས་ཐམས་ཅད་དུ་ཁྱབ་པར་མ་གྱུར་པའམ། མ་ཁྱབ་པར་གྱུར་པ་ཅུང་ཟད་ཀྱང་མེད་དོ། །འདི་ལྟ་སྟེ། བྱི་བདར་བའམ། བྱི་བདར་བའི་སློབ་མ་མཁས་པ་ཡང་རུང་སྟེ། དེས་ཁར་ཕོར་རམ། གཞོང་
D6.011.0211b04.01བུའམ། ཉ་ཕྱིས་ཀྱི་ནང་དུ་ཡང་རུང་། བཀྲུ་བའི་ཕྱེ་མ་ཞིབ་མོ་བླུགས་ཏེ། ཆུས་བཏབ་ཅིང་བཏབ་ནས་གཤེར་བར་བྱས་ཏེ། བཀྲུ་བའི་གོང་བུ་དེ་ཡང་སྣུམ་པ་དང་། སྣུམ་པར་གྱུར་པ་དང་། སྣུམ་པས་ཁྱབ་པ་དང་། གསལ་བར་ནང་དང་ཕྱིའི་སྣུམ་པས་སོ་སོར་མི་འགྱེས་མི་ཟག་གོ། །དེ་ལྟར་དེ་
D6.011.0211b05.01བཞིན་དུ་ལུས་འདི་ལ་དབེན་པ་ལས་སྐྱེས་པའི་དགའ་བ་དང་། བདེ་བས་མངོན་དུ་རླན། རབ་ཏུ་རླན། ཀུན་དུ་ཚིམ། ཀུན་དུ་ཁྱབ་སྟེ། དེའི་ལུས་ཐམས་ཅད་དུ་དབེན་པ་ལས་སྐྱེས་པའི་དགའ་བ་དང་། བདེ་བས་ཅུང་ཟད་ཀྱང་མ་ཁྱབ་པར་གྱུར་པ་མེད་དོ། །དེ་རྣམ་པར་རྟོག་པ་དང་། རྣམ་པར་
D6.011.0211b06.01དཔྱོད་པ་ཞི་བར་བྱ་བའི་ཕྱིར་ནང་གི་སེམས་ལ་རབ་ཏུ་དགའ་བ་གཅིག་ཏུ་དམིགས་པས་རྣམ་པར་མི་རྟོག་རྣམ་པར་མི་དཔྱོད་པའི་ཏིང་ངེ་འཛིན་ལས་སྐྱེས་པའི་དགའ་བ་དང་། བདེ་བའི་བསམ་གཏན་གཉིས་པ་མངོན་དུ་བསྒྲུབས་ཏེ་གནས་སོ། །དེའི་ལུས་འདི་ཉིད་ལ་ཏིང་ངེ་འཛིན་ལས་སྐྱེས་པའི་
D6.011.0211b07.01