完整藏文原文 · 德格版页 当前仅加载第 11 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་པར་བྱའོ། །ཇི་ལྟ་ཇི་ལྟར་བཟུང་ཞིང་བཅངས་པ་དང་། བཀླགས་པ་དེ་ལྟར་ཚངས་པར་སྤྱོད་པ་ཡུན་རིང་དུ་གནས་པར་འགྱུར་ཞིང་། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་རྣམས་ལ་ཕན་པ་དང་། བདེ་བའི་དོན་དུ་
D6.011.0288a01.01འགྱུར་རོ། །འདི་ལྟ་སྟེ། མདོའི་སྡེ་དང་། དབྱངས་ཀྱིས་བསྙད་པའི་སྡེ་དང་། ལུང་དུ་བསྟན་པའི་སྡེ་དང་། ཚིགས་སུ་བཅད་པའི་སྡེ་དང་། ཆེད་དུ་བརྗོད་པའི་སྡེ་དང་། གླེང་གཞིའི་སྡེ་དང་། རྟོགས་པ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པའི་རབས་ཀྱི་སྡེ་དང་། ཤིན་ཏུ་རྒྱས་པའི་སྡེ་དང་།
D6.011.0288a02.01རྨད་དུ་བྱུང་བའི་ཆོས་ཀྱི་སྡེ་དང་། གཏན་ལ་བབ་པར་བསྟན་པའི་སྡེ་འདི་དག་ནི་དགེ་སློང་དག་མཐོང་བའི་ཆོས་འདི་ལ་ཕན་པ་དང་། མཐོང་བའི་ཆོས་འདི་ལ་བདེ་བར་འགྱུར་བ་དང་། ཚེ་རབས་གཞན་དུ་ཕན་པ་དང་། བདེ་བར་འགྱུར་བ་དག་སྟེ། དགེ་སློང་དག་གིས་གཟུང་བར་བྱ། ཀུན་ཆུབ་པར་བྱའོ། །ཇི་ལྟ་ཇི་ལྟར་
D6.011.0288a03.01བཟུང་ཞིང་བཅངས་པ་དང་། བཀླགས་པ་དེ་ལྟར་ཚངས་པར་སྤྱོད་པ་ཡུན་རིང་དུ་གནས་པར་འགྱུར་ཞིང་། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་རྣམས་ལ་ཕན་པ་དང་། བདེ་བའི་དོན་དུ་འགྱུར་རོ། །དགེ་སློང་དག་ཁྱེད་ཀྱིས་སྟོན་པ་ང་
D6.011.0288a04.01ཡོངས་སུ་མྱ་ངན་ལས་འདས་ཏེ་མེད་པའི་འོག་ཏུ་བདག་ཅག་གི་སྟོན་པ་དང་། སྟོན་པ་མེད་དོ་སྙམ་དུ་དེ་ལྟར་བལྟ་བར་མི་བྱ་སྟེ། གང་གི་ཕྱིར་ངས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པར་བསྟན་པ་དེ་དེང་ཕྱིན་ཆད་ཁྱེད་ཀྱི་སྟོན་པ་དང་། སྟོན་པ་ཡིན་ནོ། །དགེ་སློང་དག་བསླབ་པའི་གཞི་ཕྲ་མོ་དང་།
D6.011.0288a05.01ཕྲན་ཚེགས་གང་ཡིན་པ་དེ་དག་ནི་དགེ་འདུན་ཚོགས་ནས་སྐབས་དབྱེ་ཞིང་བདེ་བ་ལ་རེག་པར་གནས་པར་བྱའོ། །དགེ་སློང་དག་དེ་ལྟ་བས་ན་དེང་ཕྱིན་ཆད་དགེ་སློང་གསར་བུ་དག་གིས་དགེ་སློང་རྒན་རབས་རྣམས་ལ་མིང་ནས་བོད་པར་མི་བྱ། རུས་ནས་བོད་པར་མི་བྱ་སྟེ། བཙུན་པ་ཞེས་བརྗོད་པ་དང་། ཚེ་དང་ལྡན་པ་
D6.011.0288a06.01ཞེས་བརྗོད་པ་མ་གཏོགས་པར་ཀུན་དུ་སྤྱད་པར་མི་བྱའོ། །དགེ་སློང་རྒན་རབས་རྣམས་ཀྱིས་དགེ་སློང་གསར་བུ་རྣམས་ལ་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་དག་གིས་བསྡུ་བར་བྱ། ཉེ་བར་གནས་པར་བྱ། བཀླག་པ་དང་། ཁ་ཏོན་དང་། ལུང་བསྒོ་ནས་རྣལ་འབྱོར་ཡིད་
D6.011.0288a07.01