完整藏文原文 · 德格版页 当前仅加载第 11 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏོ། །དེ་ནས་ལྷས་ཅིའི་ཕྱིར་ངུ་ཞེས་དྲིས་པ་དང་། མྱ་ངན་མེད་ཀྱིས་སྨྲས་པ། གཉེན་དང་བྲལ་བ་དང་། བླ་མ་དང་བྲལ་བའི་ཕྱིར་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་ནི་བདག་གི་ཞང་པོ་ཡིན་ནོ། །བདག་གིས་ཤིན་ཏུ་སྦྱངས་ཤིང་གནས་པ་ལ་མ་འབད་པས་
D6.011.0286b01.01བདག་ནི་སོ་སོའི་སྐྱེ་བོར་གྱུར་ལ་ལམ་ཤིན་ཏུ་རིང་བས་བལྟ་མ་ནུས་སོ། །ལྷས་སྨྲས་པ། བཙུན་པ་གལ་ཏེ་དེ་ལྟ་ན་བདག་གིས་བཅོམ་ལྡན་འདས་ཀྱི་སྤྱན་སྔར་བཀྲི་ན། ཅི་ཁྱད་པར་རྟོགས་པར་ནུས་སམ། མྱ་ངན་མེད་ཀྱིས་སྨྲས་པ། ཇི་ལྟར་ལྷས་བཅོམ་ལྡན་འདས་ཀྱི་ཞལ་མཐོང་
D6.011.0286b02.01བར་བགྱིས་ན་བདག་གི་བློ་ནི་ཀུན་དུ་སྨིན་ཏེ། དེ་བཞིན་དུ་ཁྱད་པར་རྟོགས་པར་བགྱིའོ། །དེ་ནས་ལྷས་བཅོམ་ལྡན་འདས་ཀྱི་སྤྱན་སྔར་མྱ་ངན་མེད་རྫུ་འཕྲུལ་གྱིས་ཁྲིད་དེ། དེ་ནས་བཅོམ་ལྡན་འདས་མཐོང་ནས་དད་པ་སྐྱེས་སོ། །དད་པ་སྐྱེས་ནས་ཀྱང་བཅོམ་ལྡན་འདས་འོད་སྲུང་
D6.011.0286b03.01གིས་ཆོས་རྣམ་པ་འདི་ལྟ་བུ་དག་བཤད་དེ། དེ་ཐོས་མ་ཐག་ཏུ་དགྲ་བཅོམ་པ་མངོན་སུམ་དུ་བྱས་ཏེ། དང་པོར་ཚེ་དང་ལྡན་པ་མྱ་ངན་མེད་མྱ་ངན་ལས་འདས་སོ། །དེ་ནས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་ངོ་། །དེ་ནས་ལྷ་དེས་ཚེ་དང་ལྡན་པ་མྱ་ངན་
D6.011.0286b04.01མེད་མྱ་ངན་ལས་འདས་པར་མཐོང་སྟེ། དགའ་བ་སྐྱེས་ནས་དེས་བསམས་པ། ཚེ་དང་ལྡན་པས་གང་ཅུང་ཟད་ཁྱད་པར་རྟོགས་པ་དེ་ཐམས་ཅད་ནི་བདག་ལས་རྟེན་པ་ཡིན་པས་བདག་མ་འོངས་པའི་དུས་ན་གང་བྲམ་ཟེའི་ཁྱེའུ་བླ་མ་ལ་བཅོམ་ལྡན་འདས་འོད་སྲུང་གིས་བྲམ་ཟེའི་ཁྱེའུ་ཁྱོད་
D6.011.0286b05.01སྐྱེ་དགུ་རྣམས་ཀྱི་ཚེ་ལོ་བརྒྱ་ཐུབ་པ་ན་སྟོན་པ་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་ལུང་བསྟན་པ་དེ་ཐ་མའི་གཟིམས་མལ་དུ་གཤེགས་པ་ན། བདག་དེའི་ཉན་ཐོས་རྣམས་ཀྱི་ཐ་མ་ལ་མངོན་སུམ་དུ་བྱས་
D6.011.0286b06.01ནས། བཅོམ་ལྡན་འདས་ཀྱི་སྔོན་ལོགས་སུ་མྱ་ངན་ལས་འདས་ཏེ། དེ་ནས་བཅོམ་ལྡན་འདས་ཤཱཀྱ་ཐུབ་པ་མྱ་ངན་ལས་འདས་པར་གྱུར་ཅིག་ཅེས་སྨོན་ལམ་བཏབ་བོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་ཇི་སྙམ་དུ་སེམས། ལྷ་གང་ཡིན་པ་དེ་ནི་རབ་བཟང་
D6.011.0286b07.01