完整藏文原文 · 德格版页 当前仅加载第 11 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་རང་སངས་རྒྱས་ཀྱི་བྱང་ཆུབ་ཏུ། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། འཁོར་དེ་ཕལ་ཆེར་སངས་རྒྱས་ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་
D6.011.0052b01.01བཀོད་དོ། །དེ་ནས་བཅོམ་ལྡན་འདས་ཀྱིས་འཁོར་དེ་དག་ལ་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་ལེན་དུ་བཅུག །ཡང་དག་པར་གཟེངས་བསྟོད། ཡང་དག་པར་དགའ་བར་མཛད་དེ་གདན་ལས་བཞེངས་ནས་གཤེགས་སོ། །དེ་ནས་འོད་སྲུང་རྫོགས་
D6.011.0052b02.01བྱེད་ལ་སློབ་མ་རྣམས་ཀྱིས་དྲིས་པ། མཁན་པོ་དེ་ཁོ་ན་ཉིད་ཇི་ལྟ་བུ་ལགས་པ་གསུང་ཤིག །དེས་སློབ་མ་དེ་དག་ཁ་ཅིག་ལ་ནི་བུ་འདི་ལྟ་སྟེ། འཇིག་རྟེན་རྟག་པ་འདི་ནི་དེ་ཁོ་ན་ཉིད་ཡིན་ནོ་ཞེས་སྨྲས། གཞན་དག་ལ་ནི་མི་རྟག་གོ། །གཞན་དག་ལ་ནི་རྟག་ཀྱང་རྟག་མི་རྟག་ཀྱང་
D6.011.0052b03.01མི་རྟག་གོ། །གཞན་དག་ལ་ནི་རྟག་པ་ཡང་མ་ཡིན་མི་རྟག་པ་ཡང་མ་ཡིན་ནོ། །གཞན་ལ་ནི་མཐའ་ཡོད་དོ། །མཐའ་མེད་དོ། །མཐའ་ཡོད་ཀྱང་ཡོད་མཐའ་མེད་ཀྱང་མེད་དོ། །མཐའ་ཡོད་པ་ཡང་མ་ཡིན་མཐའ་མེད་པ་ཡང་མ་ཡིན་ནོ། །སྲོག་དེ་ལུས་ཡིན་ནོ། །སྲོག་ཀྱང་
D6.011.0052b04.01གཞན་ལ་ལུས་ཀྱང་གཞན་ཡིན་ནོ། །དེ་བཞིན་སོང་བ་ཤི་ཕན་ཆད་ཡོད་དོ། །མེད་དོ། །ཡོད་ཀྱང་ཡོད་ལ་མེད་ཀྱང་མེད་དོ། །དེ་བཞིན་སོང་བ་ཤི་ཕན་ཆད་ཡོད་པ་ཡང་མ་ཡིན་མེད་པ་ཡང་མ་ཡིན་པ་འདི་ནི་བདེན་གྱི་གཞན་ནི་རྨོངས་པ་ཡིན་ནོ་ཞེས་རྣམ་པ་གཞན་དང་གཞན་གྱིས་
D6.011.0052b05.01བསླུས་སོ། །དེ་ཡང་ངོ་ཚ་ནས་མགོ་སྨད་དེ་མྱ་ངན་གྱི་མེས་གདུངས་པས་ཆུ་བསིལ་བ་འདོད་པའི་ཕྱིར་རྫིང་བུར་སོང་བ་དང་། དེ་ནས་ལམ་དུ་མ་ནིང་ཞིག་གིས་མཐོང་ནས་དེས་ཚིགས་སུ་བཅད་དེ་སྨྲས་པ། ཐུག་རེ་རྭ་མཐུ་ཆག་པ་ལྟ་བུ་ཡི། །མདངས་མེད་ཁྱོད་ཅིག་ག་ལས་རིངས་པར་འོངས། །
D6.011.0052b06.01ཤཱཀྱའི་ཆོས་ནི་རྣམ་པར་མ་ཤེས་པས། །བོང་བུ་བཞིན་དུ་འཛེམ་པ་མེད་པར་འཕྱན། །དེས་ཀྱང་ཚིགས་སུ་བཅད་དེ་སྨྲས་པ། ང་ཡི་མདུན་ན་འདུག་འདི་འཆི་བདག་དེས། །བདག་གི་ལུས་ལ་སྟོབས་དང་བརྩོན་པ་མེད། །དངོས་པོ་ཐམས་ཅད་བདེ་དང་སྡུག་བསྔལ་སྟེན། །ཐར་ཟིན་
D6.011.0052b07.01