完整藏文原文 · 德格版页 当前仅加载第 11 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་སྨན་ཆེན་པོས་སྤྲེའུ་རྣམས་བཟུང་སྟེ། རོལ་མོ་བསླབ་ནས་བུ་ལ་སྨྲས་པ། ད་ནི་སོང་ལ་སྔུན་ཟན་པའི་ནང་དུ་སྔར་གཏམ་གླེངས་ལ་ཁྱོད་ཀྱིས་ངོ་མཚར་སུས་ཅི་མཐོང་ཅི་ཐོས་ཁྱིམ་ལྟ་ན་ཡོད་པ་སྨྲོས་ཤིག་ཅེས་བྱོས་ལ་དེ་ནས་ཁྱོད་ཀྱིས་ང་ནི་རྒྱལ་ཉིས་འགྱུར་དུ་བྱས་ཏེ། བདག་གི་
D6.011.0082a01.01ཁྱིམ་ན་ནི་རོལ་མོ་མཁན་སྤྲེའུ་ཡོད་དེ་གླུ་ལ་མཁས། གར་ལ་མཁས། རྔ་རྡུང་བ་ལ་མཁས་སོ་ཞེས་བྱོས་ཤིག་ཅེས་བསྒོ་བ་དང་། དེས་ཀྱང་དེ་བཞིན་དུ་གཏམ་གཞན་ལས་བརྗོད་དེ། འདི་ལྟ་བུ་མཐོང་སྟེ་ཡོད་དོ་ཞེས་སྨྲས་པ་དང་། དེ་ནས་དེ་དག་ན་རེ་བདག་ཅག་གིས་སྤྲེའུ་རོལ་མོ་བྱེད་པ་མ་
D6.011.0082a02.01མཐོང་མ་ཐོས་སོ། །དེས་སྨྲས་པ། དེ་སྟེ་བདག་གིས་བསྟན་ན་ཁྱེད་ཀྱིས་ཅི་སྦྱིན། དེ་དག་གིས་སྨྲས་པ། སྔར་ཡང་ཁྱོད་ལ་གསེར་གྱི་དོང་ཚེ་ལྔ་བརྒྱ་ཕབ་པ་ཡིན། ད་ཡང་དེ་བཞིན་མི་རིགས་མི་ཚུལ་བ་ཟེར་ཏེ། དེ་སྟེ་ཡང་ཁྱོད་ཀྱིས་མ་བསྟན་ན་གསེར་གྱི་དོང་ཚེ་སྟོང་དབབ་བོ། །ཇི་སྟེ་བསྟན་
D6.011.0082a03.01ན་ངེད་ཀྱིས་སྦྱིན་ནོ། །དེ་ལྟར་དམ་བཅས་ནས་སྤྲེའུ་ཁྲིད་དེ་རྒྱལ་པོའི་ཕོ་བྲང་དུ་འདོང་ངོ་། །དེས་ཀྱང་སྤྲེའུ་རྣམས་རྒྱལ་པོའི་ཕོ་བྲང་དུ་དེད་དེ་རྒྱལ་པོའི་མདུན་དུ་གླུ་དང་། གར་དང་། རྔ་རྡུང་བ་ཀུན་བསྟན་པ་དང་། དེ་ནས་དེ་དག་གིས་དེ་ལ་གསེར་གྱི་དོང་ཚེ་སྟོང་བྱིན་ནོ། །རྒྱལ་པོས་ཀྱང་ངོ་མཚར་དུ་
D6.011.0082a04.01བཟུང་སྟེ། འདི་ལྟ་བུ་དག་ནི་སྔོན་ཡང་མ་མཐོང་མ་ཐོས་སོ། །དེ་ནས་རྒྱལ་པོ་བློན་པོ་དང་གྲོང་བ་རྣམས་ཀྱིས་ཀྱེ་ཐམས་ཅད་ཡང་དེ་གཅིག་པུ་མཁས་ཤིང་བློ་དང་ལྡན་པ་ལ་ལྟོས་ཤིག །ཀུན་གྱིས་སྨན་ཆེན་པོ་ལ་བཀུར་སྟི་བྱས་སོ། །དེ་ནས་ཡུལ་བེ་དེ་ཧའི་བྲམ་ཟེ་ཞིག་འདུག་པ་དེས་བདག་
D6.011.0082a05.01དང་རིགས་མཉམ་པ་ལས་ཆུང་མ་བླངས་ཏེ། དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་པ་ལས་ཕྱི་ཞིག་ན་བྲམ་ཟེ་མོ་དེ་སེམས་ཅན་དང་ལྡན་པར་གྱུར་པས་ཟླ་བ་དགུ་འདས་ཏེ་བཙས་ན་བུ་མོ་ཞིག་བྱུང་ན་གཟུགས་ལེགས་ཤིང་བལྟ་ན་བཟང་མོ་ཞིག་གོ། །བྲམ་ཟེ་དེ་ཡང་སྨྲང་དང་སྨྲང་གི་ཡན་ལག་
D6.011.0082a06.01གི་ཕ་རོལ་ཏུ་ཕྱིན་པ། རིག་པའི་གནས་{བཅྭ་,བཅོ་}བརྒྱད་ཀྱི་ཕ་རོལ་ཏུ་ཕྱིན་པ། བློ་དང་ཤེས་རབ་རྣོ་བ་དེས་འདི་གང་བདག་དང་འདྲ་བར་འགྱུར་བ་བདག་གི་དྲུང་ན་སློབ་ཅིང་འདོན་པར་བྱེད་པ་དེ་ལ་བུ་མོ་འདི་སྦྱིན་ནོ་སྙམ་དུ་བསམས་སོ། །བཙས་པའི་བཙས་སྟོན་རྒྱ་ཆེར་བྱས་ཏེ་འདིའི་མིང་ཅིར་གདགས་
D6.011.0082a07.01