完整藏文原文 · 德格版页 当前仅加载第 11 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
པོས་སྨྲས་པ། ཉི་འོག་གི་རྒྱལ་པོ་འདི་ནི་ཆུང་བས་གཉེན་དུ་བགྱིས་ན་བཤེས་པར་འགྱུར་ལགས་ཀྱིས་ཐམས་ཅད་དུ་ཐུགས་ཁྲལ་ཆུང་བར་བཞུགས་ཤིག་དང་། འདི་བདག་ཅག་གིས་བསྒྲུབ་པར་བགྱིའོ། །དེ་ནས་བློན་པོ་རྣམས་ཉི་འོག་གི་རྒྱལ་པོ་དེའི་ཐད་དུ་སོང་
D6.011.0055a01.01ནས་དེར་དེ་དག་གིས་དེ་ཤིན་ཏུ་རངས་པར་བྱས་པ་དང་། དེས་སྨྲས་པ་ངས་དམ་ཞིག་བཅས་ནས་བུ་མོ་སྦྱིན་ཏེ། གལ་ཏེ་ངའི་ཚ་བོ་ཞིག་ཡོད་ལ་དེ་རྒྱལ་ཚབ་ཀྱི་ཐབས་སྦྱིན་ན་དེ་ལྟ་ན་ངས་སྦྱིན་པར་བྱའོ། །དེ་རྣམས་ཀྱིས་སྨྲས་པ། དེ་བཞིན་དུ་བགྱིའོ། །རྒྱལ་པོས་སྨྲས་པ།
D6.011.0055a02.01རེ་ཞིག་སྔར་རྒྱལ་པོ་དེ་ལ་གྱིས་ལ། དེ་གལ་ཏེ་དམ་བཅས་པ་དེ་བཞིན་དུ་བཏུབ་ན་དེའི་འོག་ཏུ་སྦྱིན་པར་བྱའོ། །དེ་ནས་བློན་པོ་རྣམས་ཀྱིས་དེ་ལ་ཕྱག་འཚལ་ཏེ་སྨྲས་པ། ལྷ་རྒྱལ་ཚབ་ཏུ་སྩལ་བར་བློན་པོ་རྣམས་ཀྱི་དད་པར་བྱས་པས་ཅི་ནས་ལྷའི་དབོན་པོ་ཞིག་མཆིས་ན་དེ་རྒྱལ་
D6.011.0055a03.01ཚབ་དུ་སྩལ་བ་ཡེ་བགྱིའོ། །དེ་ནས་ཐོབ་སྟེ། དཔལ་གྱི་འབྱོར་པ་ཆེན་པོས་བག་མར་བླངས་ནས་དེ་དང་རྒྱལ་པོ་སྐྱེད་པ་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ནས་བཙུན་མོ་དེ་གཡེར་བག་ཆེ་བ་ཞིག་པས་ཇི་ལྟར་རྒྱལ་པོ་དམ་པ་དེ་ལྟར་
D6.011.0055a04.01མཉེས་པར་བྱས་པ་དང་། རྒྱལ་པོས་སྨྲས་པ། ཁྱོད་ལ་དམ་པ་ཅི་ཞིག་སྦྱིན། དེས་ཐལ་མོ་སྦྱར་ནས་སྨྲས་པ། གལ་ཏེ་བདག་ལ་ལྷས་སྐབས་ཕྱེ་ན་བདག་གི་བུ་བཙས་པ་གང་ལགས་པ་དེ་རྒྱལ་ཚབ་ཏུ་སྩལ་བར་སྩོལ། དེའི་ཚིག་ཐོས་མ་ཐག་ཏུ་རྒྱལ་པོ་མཚོན་གྱིས་གནད་དུ་
D6.011.0055a05.01བསྣུན་པ་བཞིན་དུ་ཏིང་ཞེས་བྱེད་ནས་བསམས་པ། བདག་གིས་འདི་ལ་དམ་པ་སྦྱིན་པར་སྐབས་ཕྱེ་བ་དང་། འདིས་ཀྱང་དེ་ལྟ་བུའི་དམ་པ་བསླང་ལ་བདག་གི་བུ་བཟའ་བཏུང་འདི་ཡང་དཔའ་ཞིང་བརྩོན་པ། གཟུགས་བཟང་ཞིང་བལྟ་ན་སྡུག་པ། རིགས་དང་མཐུན་པར་སྐྱེས་པའི་བུ་གཅིག་
D6.011.0055a06.01པ་ཡིན་ན་ཇི་ལྟར་ན་འདི་བཏང་སྟེ་གཞན་རྒྱལ་ཐབས་སྦྱིན་པར་བྱས་ཏེ། ད་འདི་ལ་ཇི་ལྟར་བྱ་ཞེས་ཐེ་ཚོམ་སྐྱེས་ནས་སེམས་པ་ལ་ཞུགས་པ་དང་། རེ་ཞིག་ན་བློན་པོ་རྣམས་ཀྱིས་རྒྱལ་པོ་ཡིད་མི་བདེ་བར་རིག་ནས་ལྷ་ཅི་དགོངས་ཞེས་དྲིས་པ་དང་། རྒྱལ་པོས་དེ་རྣམས་ལ་རང་བཞིན་སྨྲས་ཏེ།
D6.011.0055a07.01