完整藏文原文 · 德格版页 当前仅加载第 11 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
པར་དམར་བར་འདུ་ཤེས། རྣམ་པར་འཐོར་བར་འདུ་ཤེས། རུས་གོང་དུ་འདུ་ཤེས། སྟོང་པ་ཉིད་དུ་སོ་སོར་རྟོགས་པར་འདུ་ཤེས། མ་ཐོབ་བཞིན་དུ་ངས་ཐོབ་པོ་ཞེས་ཟེར་བ་བསམ་གཏན་དང་པོ་དང་། གཉིས་པ་དང་། གསུམ་པ་དང་། བཞི་པ་དང་། བྱམས་པ་དང་། སྙིང་
D6.011.0117a01.01རྗེ་དང་། དགའ་བ་དང་། བཏང་སྙོམས་དང་། ནམ་མཁའ་མཐའ་ཡས་སྐྱེ་མཆེད་དང་། རྣམ་ཤེས་མཐའ་ཡས་སྐྱེ་མཆེད་དང་། ཅུང་ཟད་མེད་པའི་སྐྱེ་མཆེད་དང་། །འདུ་ཤེས་མེད་འདུ་ཤེས་མེད་མིན་སྐྱེ་མཆེད་རྣམས་སོ། །མ་ཐོབ་བཞིན་དུ་ངས་ཐོབ་པོ་ཞེས་ཟེར་བ་རྒྱུན་དུ་ཞུགས་པའི་འབྲས་བུ་
D6.011.0117a02.01དང་། །ལན་གཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། རྫུ་འཕྲུལ་གྱི་ཡུལ་དང་། རྫུ་འཕྲུལ་གྱི་རྣ་བ་དང་། གཞན་གྱི་སེམས་ཤེས་པ་དང་། སྔོན་གྱི་གནས་དང་། ཤི་འཕོ་དང་། སྐྱེ་བ་དང་། ཟག་པ་ཟད་པ་དང་། དགྲ་བཅོམ་པ་དང་། རྣམ་པར་
D6.011.0117a03.01ཐར་པ་བརྒྱད་ལ་སྒོམ་པ་དང་། ཆ་གཉིས་ལས་རྣམ་པར་གྲོལ་བ་དེ་འདྲ་བའི་གནས་ལ་དགེ་སློང་མས་བརྟུན་ཅིང་བྱས་ན་དེས་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན། དགེ་སློང་མའི་དངོས་པོ་མེད་པར་འགྱུར། དགེ་སྦྱོང་མའི་དངོས་པོ་
D6.011.0117a04.01ཡང་མེད་པར་འགྱུར་ཏེ། མེད་པའོ། །བསྲུབས་པའོ། །ལྟུང་བའོ། །ཕས་ཕམ་པ་སྟེ། དགེ་སྦྱོང་མར་སླར་དབྱུང་དུ་མེད་དོ། །དེ་འདི་ལྟ་སྟེ། ཤིང་ཏ་ལའི་མགོ་བཅད་པ་བཞིན་ཏེ་སྔོན་པོར་མི་རུང་། སྐྱེར་མི་རུང་། འཕེལ་ཞིང་རྒྱས་པར་མི་རུང་ངོ་། །དེ་ལྟར་དེ་འདྲ་བ་ལ་དགེ་སློང་
D6.011.0117a05.01མས་བརྟུན་ཅིང་བྱས་ན་དེས་བརྟུན་ཏེ་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་མ་མ་ཡིན། ཤཱཀྱའི་སྲས་མོ་མ་ཡིན། དགེ་སློང་མའི་དངོས་པོ་མེད་པར་འགྱུར། དགེ་སྦྱོང་མའི་དངོས་པོ་མེད་པར་འགྱུར་ཏེ་མེད་པའོ། །བསྲུབས་པའོ། །ལྟུང་བའོ། །ཕས་ཕམ་པ་སྟེ།
D6.011.0117a06.01དགེ་སྦྱོང་མར་སླར་དབྱུང་དུ་མེད་དོ། །དེ་ལ་ཁྱོད་ཀྱིས་དེང་ཕན་ཆད་མི་སྤྱོད་པ་དང་། བརྟུན་ཅིང་མི་འཇུག་པ་དང་། མི་སྤྱོད་པར་སྤོང་བ་ལ་སྨྱུར་ཏེ་སེམས་སྲུངས་ལ་དྲན་པ་དང་། བག་ཡོད་པ་དང་། བརྩོན་པར་གྱིས་ཤིག །གང་སུ་ཞིག་གནས་འདི་ལྟ་བུ་ལ་མི་སྤྱོད་དམ།
D6.011.0117a07.01