完整藏文原文 · 德格版页 当前仅加载第 11 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་བདེ་བ་ཡང་མ་ཡིན་པ་བཏང་སྙོམས་དང་། དྲན་པ་ཀུན་དུ་དག་སྟེ། བསམ་གཏན་བཞི་པ་མངོན་དུ་བསྒྲུབས་ཏེ་གནས་སོ། །དེའི་སེམས་དེ་ནི་དེའི་དུས་ན་མི་མཐོ་མི་དམའ་བར་གྱུར་ཏེ། མི་མཐོ་མི་དམའ་བར་གནས་པས་མི་གཡོ་བ་ཐོབ་སྟེ་དེ་འདི་སྙམ་དུ་གྱུར་ཏོ། །བདག་
D6.011.0213a01.01གིས་ལུས་འདི་ནི་གཟུགས་ཅན་ཆེ་བ། འབྱུང་བ་ཆེན་པོ་བཞི་སྟེ། འདི་ལ་རྣམ་པར་ཤེས་པ་གནས་སོ། །འདི་ལ་རྟེན་ཏོ། །འདི་ནང་དུ་ཞུགས་སོ། །ཅི་ནས་བདག་གིས་ལུས་ལས་ཡིད་བསྐྱོད་དེ་ལུས་གཞན་གཟུགས་ཅན་ཡིད་ལས་བྱུང་བ་མ་གོད་པ་དབང་པོ་རྣམས་མ་ཉམས་པ་ཞིག་བསྒྲུབ་
D6.011.0213a02.01བོ་སྙམ་བསམས་ནས། དེས་ལུས་དེ་ལས་ཡིད་བསྐྱོད་དེ། ལུས་གཞན་གཟུགས་ཅན་ཡིད་ལས་བྱུང་བ་མ་གོད་པ་དབང་པོ་རྣམས་མ་ཉམས་པ་མངོན་དུ་སྒྲུབ་པར་བྱེད་དོ། །དེ་འདི་ལྟ་སྟེ། མ་སྡུག་བཻ་ཌཱུརྱའི་ནོར་བུ་ཟུར་བརྒྱད་པ་རང་བཞིན་བཟང་བ་གསལ་ཞིང་རྣམ་པར་དང་བ་སྟེ། དྲི་མ་མེད་པ་ལ་ཚོན་སྣ་
D6.011.0213a03.01བཞི་པའི་སྐུད་པས་བཏགས་ཏེ། སྔོན་པོ་དང་། སེར་པོ་དང་། དམར་པོ་དང་། རྨའོ། །དེ་ལ་མིག་དང་ལྡན་པའི་སྐྱེས་བུས་མཐོང་ན་འདི་ནི་སྐུད་པའོ། །འདི་ནི་ནོར་བུ་སྟེ་ནོར་བུ་སྐུད་པ་ལ་བརྒྱུས་པར་ཤེས་སོ། །དེ་ལྟར་དེ་བཞིན་དུ་དེས་ལུས་དེ་ལས་ཡིད་བསྐྱོད་དེ། དེ་ལུས་གཞན་གཟུགས་ཅན་ཡིད་ལས་བྱུང་
D6.011.0213a04.01བ་མ་གོད་པ་དབང་པོ་རྣམས་མ་ཉམས་པ་མངོན་དུ་སྒྲུབ་པར་བྱེད་དོ། །དེ་འདི་ལྟ་སྟེ། མ་སྡུག་སྐྱེས་བུ་ཞིག་གྲེས་མའི་བམ་པོ་ལས་ཉག་མ་གཅིག་དྲངས་པ་དེ་མིག་དང་ལྡན་པའི་སྐྱེས་བུས་མཐོང་ན་འདི་ནི་གྲེས་མའོ། །འདི་ནི་ཉག་མར་དྲངས་པ་ཡིན་པར་ཤེས་སོ། །དེ་ལྟར་དེ་བཞིན་དུ་དེས་ལུས་
D6.011.0213a05.01དེ་ལས་ཡིད་བསྐྱོད་དེ། ལུས་གཞན་གཟུགས་ཅན་ཡིད་ལས་བྱུང་བ་མ་གོད་པ་དབང་པོ་རྣམས་མ་ཉམས་པ་མངོན་དུ་སྒྲུབ་པར་བྱེད་དོ། །དེ་འདི་ལྟ་སྟེ། མ་སྡུག་སྐྱེས་བུ་ཞིག་གཟེབ་ཀྱི་ནང་ནས་སྦྲུལ་གཅིག་ཕྱིར་ཕྱུང་བ་དེ་མིག་དང་ལྡན་པའི་སྐྱེས་བུ་དེས་མཐོང་ན་འདི་ནི་གཟེབ་བོ། །འདི་ནི་སྦྲུལ་
D6.011.0213a06.01ཏེ་གཟེབ་ནས་སྦྲུལ་ཕྱུང་བར་ཤེས་སོ། །དེ་ལྟར་དེ་བཞིན་དུ་དེས་ལུས་དེ་ལས་ཡིད་བསྐྱོད་དེ། དེ་ལུས་གཞན་གཟུགས་ཅན་ཡིད་ལས་བྱུང་བ་མ་གོད་པ་དབང་པོ་རྣམས་མ་ཉམས་པར་མངོན་དུ་སྒྲུབ་པར་བྱེད་དོ། །དེ་འདི་ལྟ་སྟེ། མ་སྡུག་སྐྱེས་བུ་ཞིག་རལ་གྲི་ཤུབས་ནས་རལ་གྲི་འབྱིན་པ་དེ་ལ་
D6.011.0213a07.01