完整藏文原文 · 德格版页 当前仅加载第 11 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
གི་སྒོ་ན་སླར་འོང་བ་ལྟ་ཞིང་འདུག་གོ། །ཇི་ཙམ་ན་དགེ་སློང་རྣམས་སླར་འོང་བ་དང་། དེ་ནས་བསྲོ་གང་དུ་སྟན་བཏིང་ངོ་། །དགེ་སློང་དེ་དག་གིས་རང་རང་གི་ཆོས་གོས་གཞན་ལ་བྱིན་ནས་གང་ཆར་གྱིས་གཤེར་བ་དེ་དག་གཟར་ཐག་ལ་གཟར་ཏོ། །དེ་ནས་དགེ་སློང་དེ་དག་བསྲོ་གང་དུ་ཞུགས་
D6.011.0275b01.01ཏེ་མེ་ལ་བསྐོར་ནས་མེ་འདེ་ཞིང་འདུག་པ་དང་། ཇི་ཙམ་ན་གྲང་བ་མེད་པར་གྱུར་ཏེ། དེ་དག་མེའི་འོད་ཚ་ནས་རྒྱབ་ཀྱིས་ཕྱོགས་ཏེ་འདུག་གོ། །དེ་ནས་དགེ་སྐོས་དེ་དད་པ་སྐྱེས་ནས་དགེ་སློང་དེ་རྣམས་ཀྱི་རྐང་པ་ལ་ཕྱག་འཚལ་ཏེ་སྨོན་ལམ་བྱ་བར་བརྩམས་པ་གང་བདག་གིས་ཚངས་པར་སྤྱོད་པ་འདི་
D6.011.0275b02.01དག་གྲང་བས་ཉེན་པའི་སྐྱབས་བྱས་པའི་དགེ་བའི་རྩ་བ་འདིས་གང་སུ་དག་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ཞེས་བྱ་བ་ལ་བྲམ་ཟེའི་ཁྱེའུ་སྐྱེ་དགུའི་ཚེ་ལོ་བརྒྱ་ཐུབ་པའི་ཚེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་
D6.011.0275b03.01བྱ་བར་འགྱུར་རོ་ཞེས་ལུང་བསྟན་པ་ཐོབ་པ་དེའི་བསྟན་པ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་རབ་ཏུ་སྤངས་ཏེ་དགྲ་བཅོམ་པ་མངོན་སུམ་དུ་བྱས་ནས། ཇི་ལྟར་དེ་དག་གིས་མེའི་འོད་མི་བཟོད་པ་དེ་བཞིན་དུ་བདག་གི་གཟི་བརྗིད་ལ་ལྷ་རྣམས་ཀྱིས་ཀྱང་མི་བཟོད་པར་གྱུར་ཅིག་ཅེས་དེ་སྐད་
D6.011.0275b04.01སྨོན་ལམ་བཏབ་པའི་དབང་གིས་འདི་ངའི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་མངོན་དུ་བྱས་ཏེ་དབང་ཆེ་བར་གྲགས་པས་ལྷ་རྣམས་ཀྱིས་ཀྱང་གཟི་བརྗིད་ཟིལ་གྱིས་གནོན་མི་ནུས་སོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་
D6.011.0275b05.01ཏོ། །བཙུན་པ་བཅོམ་ལྡན་འདས་འདས་པའི་འོག་ཏུ་བཅོམ་ལྡན་འདས་ཀྱི་སྐུ་གདུང་ལ་བདག་ཅག་གིས་མཆོད་པ་ཇི་སྙེད་ཅིག་བརྩོན་པར་བགྱི་ལགས། ཀུན་དགའ་བོ་ཁྱོད་སྙིང་ལས་ཆུང་ངུར་གྱིས་ཤིག །འདི་ནི་བྲམ་ཟེ་དང་། ཁྱིམ་བདག་དད་པ་ཅན་དག་སྒྲུབ་པར་འགྱུར་རོ། །བཙུན་པ་བྲམ་ཟེ་
D6.011.0275b06.01དང་། ཁྱིམ་བདག་དད་པ་ཅན་དག་གིས་འདི་ལ་ཇི་ལྟར་སྒྲུབ་པར་བགྱིད་ལགས། ཀུན་དགའ་བོ་འདི་ལྟ་སྟེ། འཁོར་ལོས་སྒྱུར་བའི་རྒྱལ་པོ་ལ་བྱ་བ་བཞིན་དུ་བྱེད་དོ། །བཙུན་པ་འཁོར་ལོས་སྒྱུར་བའི་རྒྱལ་པོ་ལ་ཇི་ལྟར་བགྱིད་ལགས། ཀུན་དགའ་བོ་འཁོར་ལོས་སྒྱུར་བའི་རྒྱལ་པོ་ནི་ལུས་ཤིང་
D6.011.0275b07.01