完整藏文原文 · 德格版页 当前仅加载第 11 函德格 315b 版页；藏文 NFD、目录标记与异常页序保留在来源切片中，重复版页行以稳定序号区分。
ཐ་ན་བྱོལ་སོང་གི་སྐྱེ་གནས་སུ་སྐྱེས་པ་ལ་ཡང་རུང་སྟེ། དགེ་སློང་དེ་ཕས་ཕམ་པར་གྱུར་པ་ཡིན་པས་གནས་པར་མི་བྱའོ། །དེ་ནས་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བ་རྣམས་རབ་ཀྱི་མཐར་ཕྱིན་པ་ཞེས་བྱ་བ་ནས། འདི་ནི་སྟོན་པས་བསྟན་པའོ་ཞེས་བྱ་བའི་བར་སྔ་མ་
D6.011.0315b01.01བཞིན་ནོ། །བཅོམ་ལྡན་འདས་ཀྱི་བསླབ་པའི་གཞི་ལྷག་མ་གྲོང་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་གང་དང་གང་དུ་བཤད་པ་དེ་དང་དེ་དགེ་སློང་རྣམས་ལ་ཚེ་དང་ལྡན་པ་ཉེ་བ་འཁོར་གྱིས་བཟླས་ནས་དགྲ་བཅོམ་པ་ལྔ་བརྒྱར་གཅིག་གིས་མ་
D6.011.0315b02.01ཚང་བས་གཞུང་དུ་བྱས་སོ། །འདི་དག་ནི་ཕས་ཕམ་པ་རྣམས་སོ། །འདི་དག་ནི་དགེ་འདུན་ལྷག་མ་རྣམས་སོ། །འདི་དག་ནི་མ་ངེས་པའི་ཆོས་གཉིས་དང་། སྤང་བའི་ལྟུང་བྱེད་ཀྱི་ཆོས་སུམ་བཅུ་དང་། ལྟུང་བྱེད་དགུ་བཅུའི་ཆོས་དང་། སོ་སོར་བཤགས་པར་བྱ་བ་བཞིའི་
D6.011.0315b03.01ཆོས་དང་། བསླབ་པ་མང་པོའི་ཆོས་དང་། རྩོད་པ་ཞི་བར་བྱ་བའི་ཆོས་བདུན་དང་། འདི་ནི་བཅས་པའོ། །འདི་ནི་རྗེས་སུ་བཅས་པའོ། །འདི་ནི་སོ་སོར་སྤང་བའོ། །འདི་ནི་གནང་བའོ། །རབ་ཏུ་བྱུང་ནས་བསྙེན་པར་རྫོགས་པ་ནི་འདི་ལྟར་བྱའོ། །གསོལ་
D6.011.0315b04.01བ་དང་ལས་ནི་འདི་ལྟར་བྱའོ། །གསོལ་བ་དང་གཉིས་དང་། གསོལ་བ་དང་བཞིའི་ལས་ནི་འདི་ལྟར་བྱའོ། །འདི་འདྲ་བ་ནི་རབ་ཏུ་དབྱུང་ངོ་། །འདི་འདྲ་བ་ནི་རབ་ཏུ་མི་དབྱུང་ངོ་། །གསོ་སྦྱོང་ནི་འདི་ལྟར་བྱའོ། །དགག་དབྱེ་ནི་འདི་ལྟར་བྱ་སྟེ། ཚུལ་འདི་འདྲ་བ་ནས་
D6.011.0315b05.01ཕྲ་མོ་ནི་འདི། གླེང་གཞི་ནི་འདི། མོས་པ་ནི་འདིའོ་ཞེས་དེ་དེ་བཞིན་དུ་འདུལ་བར་ཡང་དག་པར་བསྡུས་ནས། ཚེ་དང་ལྡན་པ་ཉེ་བ་འཁོར་སེང་གེའི་ཁྲི་ལས་བབས་སོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་མ་འོངས་པའི་དུས་ན་མི་རྣམས་ཤེས་རབ་ཞན་པ་ཡི་གེ་ཙམ་གྱི་
D6.011.0315b06.01རྗེས་སུ་འབྲང་ལ། ཟབ་མོའི་དོན་ལ་མོས་པར་གྱུར་པ་དེ་རྣམས་ལ་མ་ལ་བདག་ཁོ་ནས་མདོ་སྡེ་དང་འདུལ་བའི་དོན་སྲུང་བར་གསུངས་པ་མ་མོ་བཤད་པར་བྱའོ་སྙམ་དུ་བསམས་ནས་དོན་དུ་གཉེར་བས་གསོལ་བ་དང་གཉིས་ཀྱི་ལས་བྱས་ཏེ། སེང་གེའི་ཁྲི་ལ་འདུག་ནས་དགེ་སློང་
D6.011.0315b07.01