完整藏文原文 · 德格版页 当前仅加载第 11 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་ནས་གཞན་ཡང་གྲོང་ཁྱེར་རྩྭ་ཅན་གྱི་གྱད་གཙོ་བོ་གཙོ་བོ་རྣམས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ་བཅོམ་ལྡན་འདས་ཀྱི་སྐུ་གདུང་ལ་བདག་ཅག་རྣམས་ཀྱིས་མཆོད་པར་བགྱི་བ་དང་། བརྩོན་པ་ཇི་ལྟ་བུར་
D6.011.0293a01.01བསྒྲུབ་པར་བགྱི་ལགས། གནས་འཇོག་དག་འདི་ལྟ་སྟེ། འཁོར་ལོས་སྒྱུར་བའི་རྒྱལ་པོ་ལ་བྱ་བ་བཞིན་ནོ། །བཙུན་པ་ཀུན་དགའ་བོ་འཁོར་ལོས་སྒྱུར་བའི་རྒྱལ་པོ་ལ་ཇི་ལྟར་བགྱིད་ལགས། གནས་འཇོག་དག་འཁོར་ལོས་སྒྱུར་བའི་རྒྱལ་པོ་ལ་ནི་ལུས་ཤིང་བལ་གྱི་འདའ་
D6.011.0293a02.01བས་དཀྲི་ཞིང་ཤིང་བལ་གྱི་འདའ་བས་དཀྲིས་ནས་རས་ཟུང་ལྔ་བརྒྱས་དཀྲི་བར་བྱའོ། །རས་ཟུང་ལྔ་བརྒྱས་དཀྲིས་ནས་ལྕགས་ཀྱི་སྒྲོམ་བུར་བཅུག་སྟེ། འབྲུ་མར་གྱིས་བཀང་ནས་སྟེང་ནས་ལྕགས་ཀྱི་ཁ་གབ་གཉིས་ཀྱིས་བཀབ་སྟེ། དྲི་ཞིམ་པོའི་ཤིང་ཐམས་ཅད་སྤུངས་ཏེ། དེས་
D6.011.0293a03.01བསྲེགས་ནས། མེ་དེ་དག་འོ་མས་བསད་དེ་དེའི་རུས་པ་གསེར་གྱི་བུམ་པའི་ནང་དུ་བཅུག་ནས་ལམ་པོ་ཆེའི་བཞི་མདོར་རུས་པའི་མཆོད་རྟེན་བརྩིགས་ནས་གདུགས་དང་། རྒྱལ་མཚན་དང་། བ་དན་བཙུགས་ཏེ། དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་
D6.011.0293a04.01མོའི་སྒྲས་བཀུར་སྟིར་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང་དུས་སྟོན་ཆེན་པོ་ཡང་བྱེད་དོ། །གནས་འཇོག་དག་འཁོར་ལོས་སྒྱུར་བའི་རྒྱལ་པོ་ལ་བྱ་བ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དེ་བས་ཀྱང་
D6.011.0293a05.01ལྷག་པར་བྱའོ། །བཙུན་པ་ཀུན་དགའ་བོས་གསུངས་པའི་དོན་བདག་ཅག་གིས་འཚལ་བ་ལྟར་ན་གང་གི་ཕྱིར་བདག་ཅག་གིས་གདུགས་གཅིག་གམ། གཉིས་སམ། གསུམ་གྱིས་མི་ཚོགས་ཏེ་སྦྱར་བར་དཀའ་ན་ཞག་བདུན་ཚུན་ཆད་ཀྱིས་བདག་ཅག་གིས་དེ་བཞིན་དུ་
D6.011.0293a06.01སྦྱར་ཏེ། བཅོམ་ལྡན་འདས་སེང་གེའི་ཁྲི་ལ་གཟིམས་པ་ལ་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟིར་བགྱི། བླ་མར་བགྱི། རི་མོར་བགྱི། མཆོད་པར་བགྱིའོ། །དེ་བཞིན་དུ་གྱིས་ཤིག་ཅེས་ཚེ་དང་ལྡན་པ་ཀུན་དགའ་
D6.011.0293a07.01