完整藏文原文 · 德格版页 当前仅加载第 11 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བགྱིའོ་ཞེས་མཉན་ནས་གྱད་ཀྱི་ཆུང་མ་དང་། གྱད་ཀྱི་བུ་མོ་དག་གིས་ནི་བཅོམ་ལྡན་འདས་ལ་གོས་ཀྱི་གདུགས་དག་བྲེས། གྱད་རྣམས་དང་། གྱད་གཞོན་ནུ་དག་གིས་ནི་བཅོམ་ལྡན་འདས་ཀྱི་ཁྱོགས་གདེག་པར་འདོད་ན། བཅོམ་ལྡན་འདས་ཀྱི་ཁྱོགས་
D6.011.0294a01.01གདེག་པར་མ་ནུས་པ་དང་། ཚེ་དང་ལྡན་པ་མ་འགགས་པས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་གྲོང་ཁྱེར་རྩྭ་ཅན་གྱི་གྱད་རྣམས་ཀྱིས་བཅོམ་ལྡན་འདས་ཀྱི་ཁྱོགས་གདེག་པར་མ་ནུས་སོ། །དེ་ཅིའི་ཕྱིར་ཞེ་ན། ལྷ་རྣམས་
D6.011.0294a02.01ཀྱི་བསམ་པ་ཡིན་ནོ། །ཚེ་དང་ལྡན་པ་མ་འགགས་པ་ལྷ་རྣམས་ཀྱི་བསམ་པ་ཇི་ལྟ་བུ་ཡིན། ལྷ་རྣམས་ཀྱིས་ནི་གྱད་ཀྱི་ཆུང་མ་དང་། གྱད་ཀྱི་བུ་མོ་དག་གིས་ན་བཅོམ་ལྡན་འདས་ལ་གོས་ཀྱི་བླ་རེ་བྲེ་ཞིང་། གྱད་རྣམས་དང་། གྱད་གཞོན་ནུ་དག་གིས་ནི་བཅོམ་ལྡན་
D6.011.0294a03.01འདས་ཀྱི་ཁྱོགས་ལ་བཟུང་ནས་བདག་གིས་ལྷའི་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟི་བྱ། བླ་མར་བྱ། རི་མོར་བྱ། མཆོད་པ་བྱས་ཏེ། གྲོང་ཁྱེར་རྩྭ་ཅན་གྱི་ནུབ་ཕྱོགས་ཀྱི་སྒོ་ནས་དབུས་ཐོག་ཐག་ཞུགས་ལ་གྲོང་ཁྱེར་རྩྭ་
D6.011.0294a04.01ཅན་གྱི་ཤར་སྒོ་ནས་བྱུང་སྟེ། ཆུ་བོ་དབྱིག་ལྡན་རྒལ་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་དྲུང་དུ་བཞུགས་སུ་གསོལ་ལ་ཞུགས་ལ་བཞེན་པར་བྱའོ་ཞེས་བསམས་སོ། །ཚེ་དང་ལྡན་པ་མ་འགགས་པ་ལྷ་རྣམས་ཀྱིས་ཇི་ལྟར་བསམས་པ་དེ་བཞིན་དུ་བྱའོ།
D6.011.0294a05.01དེ་ནས་ཚེ་དང་ལྡན་པ་ཀུན་དགའ་བོས་གྲོང་ཁྱེར་རྩྭ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་གནས་འཇོག་དག་བཅོམ་ལྡན་འདས་ཀྱི་ཁྱོགས་གདེག་མ་ནུས་པ་དེ་ཅིའི་ཕྱིར་ཞེ་ན། ལྷ་རྣམས་ཀྱིས་བསམས་པ་ཡིན་ནོ། །བཙུན་པ་ཀུན་དགའ་བོ་ལྷ་རྣམས་
D6.011.0294a06.01ཀྱིས་ཇི་ལྟར་བསམས་ལགས། ལྷ་རྣམས་ཀྱིས་ནི་གྱད་ཀྱི་ཆུང་མ་དང་། གྱད་ཀྱི་བུ་མོ་དག་གིས་བཅོམ་ལྡན་འདས་ལ་གོས་ཀྱི་བླ་རེ་བྲེ་ཞིང་གྱད་རྣམས་དང་། གྱད་གཞོན་ནུ་དག་གིས་ནི་བཅོམ་ལྡན་འདས་ཀྱི་ཁྱོགས་བཏེགས་ཏེ། བདག་ཅག་གིས་ལྷའི་
D6.011.0294a07.01