完整藏文原文 · 德格版页 当前仅加载第 11 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
བར་ཤེས་བཞིན་དུ་དེ་ལ་འཕགས་མ་ཁྱོད་ཀྱིས་འདི་སྐད་ཅེས་མ་སྨྲ་ཤིག །འཕགས་པ་ཁྱོད་སྐྲ་ཉལ་བ་དང་ལངས་བཞིན་དུ་དགེ་འདུན་ལ་སྤུ་ཉལ་བ་དང་འབྱུང་བར་འཇུག་པ་ཡང་མ་བྱེད་ཅིག །ཕྱག་བྱེད་པར་སྟོན་པ་དང་། མཚམས་ཀྱི་ནང་ན་འདུག་ཅིང་བཟོད་པར་གསོལ་
D6.011.0118b01.01བར་ཡང་མ་བྱེད་ཅིག་དང་། བདག་གིས་ཁྱོད་ལ་ཀུན་སྦྱར་ཏེ། ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་དང་། ཀློག་པ་དང་། ཁ་ཏོན་དང་། རྣལ་འབྱོར་ཡིད་ལ་བྱ་བ་དང་། ཅི་དང་ཅིས་འཕགས་པ་ཁྱོད་ལ་བྲེལ་བར་གྱུར་པ་དེ་དང་དེ་དག་ཐམས་ཅད་
D6.011.0118b02.01བདག་གིས་མི་བྲེལ་བར་སྦྱར་རོ། །འཕགས་མ་ཁྱོད་ཀྱིས་སྤངས་པའི་རྗེས་སུ་འཇུག་པའི་ཚིག་གིས་ལམ་དེ་ལྟ་བུ་ཐོང་ཤིག་ཅེས་དགེ་སློང་མ་དེ་ལ་དེ་ལྟ་བུར་དགེ་སློང་མ་རྣམས་ཀྱིས་བསྒོ་སྟེ། དོན་དེ་ལྟར་བཏང་ན་ནི་ལེགས། དེ་སྟེ་མ་བཏང་ན་ལན་གཉིས་ལན་གསུམ་གྱི་བར་དུ་བསྒོ་
D6.011.0118b03.01ཞིང་སྟོན་ཅིག །དོན་དེ་སླར་སྤང་བའི་ཕྱིར་ལན་གཉིས་ལན་གསུམ་དུ་བསྒོ་ཞིང་བསྟན་པ་ལས་དོན་དེ་སླར་བཏང་ན་ནི་ལེགས། དེ་སྟེ་མ་བཏང་ཞིང་དགེ་སློང་མ་སྤངས་པའི་རྗེས་སུ་འཇུག་ཅིང་དེ་ལྟ་བུའི་གནས་སུ་བརྟུན་ཅིང་བྱས་ན་དེ་བརྟུན་ཅིང་བྱས་མ་ཐག་ཏུ་དགེ་སློང་མ་མ་ཡིན། དགེ་སྦྱོང་
D6.011.0118b04.01མ་མ་ཡིན། ཤཱཀྱའི་སྲས་མོ་མ་ཡིན་པ་ནས་སྔ་མ་བཞིན་ཏེ། རབ་ཏུ་བསམས་པས་ཀུན་ཏུ་བསྲུང་སྟེ་དྲན་པ་དང་། བག་ཡོད་པ་དང་། བརྩོན་པའི་བར་དུ་བྱའོ། །གང་སུ་ཞིག་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་དོ་ཞེས་སྨྲོས་ཤིག །མིང་འདི་ཞེས་བྱ་བ་ཁྱོད་
D6.011.0118b05.01ཉོན་ཅིག །བརྒྱད་པོ་འདི་དག་ནི་བཅོམ་ལྡན་འདས་མཁྱེན་ཅིང་གཟིགས་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་འདི་ནི་རབ་ཏུ་བྱུང་ཞིང་བསྙེན་པར་རྫོགས་པའི་དགེ་སློང་མ་རྣམས་ལ་དགག་ཅིང་མི་འདའ་བར་བྱ་བའི་ཕྱིར་བླ་མའི་ཆོས་སུ་
D6.011.0118b06.01བཅས་ཏེ། དེ་ལ་བུད་མེད་རྣམས་ཀྱིས་ནམ་འཚོའི་བར་དུ་བསླབ་པར་བྱའོ། །བརྒྱད་གང་ཞེ་ན། མིང་འདི་ཞེས་བྱ་བ་བུད་མེད་ཀྱིས་དགེ་སློང་རྣམས་ལས་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་འགྱུར་བར་རབ་ཏུ་རྟོགས་པར་བྱའོ། །མིང་འདི་ཞེས་བྱ་བ་
D6.011.0118b07.01