完整藏文原文 · 德格版页 当前仅加载第 11 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མ་འགགས་པ་དགོངས་ཤིག །འཁོར་འདི་དེ་བཞིན་གཤེགས་པས་རབ་ཏུ་བསྔགས་པའི་ནང་ན་དགེ་སློང་འདོད་ཆགས་དང་བཅས་པ། ཞེ་སྡང་དང་བཅས་པ། གཏི་མུག་དང་བཅས་པ། སྲེད་པ་དང་བཅས་པ། ལེན་
D6.011.0306a01.01པ་དང་བཅས་པ་སློབ་པ་དག་ཡོད་དོ། །དེ་ནས་ཚེ་དང་ལྡན་པ་མ་འགགས་པས་བསམ་གཏན་བཞི་པ་ལ་སྙོམས་པར་ཞུགས་ཏེ་རྣམ་པར་བརྟགས་ན། ཚེ་དང་ལྡན་པ་ཀུན་དགའ་བོ་གཅིག་པུ་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས། སྲེད་པ་དང་
D6.011.0306a02.01བཅས། ལེན་པ་དང་བཅས་ཏེ་སློབ་པ་ཡིན་པར་མཐོང་ངོ་། །མཐོང་ནས་ཀྱང་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འོད་སྲུང་ཆེན་པོ་མཁྱེན་པར་མཛོད་ཅིག །དགེ་སློང་གི་དགེ་འདུན་རྣམས་ནི་སྙིང་པོ་མེད་པ་དང་བྲལ་བ། དག་པ། གཙང་བ། སྙིང་པོ་
D6.011.0306a03.01ཅན། བླ་ན་མེད་པ། བསོད་ནམས་ཀྱི་ཞིང་། འཇིག་རྟེན་གྱི་སྦྱིན་གནས་ཡིན་མོད་ཀྱི། ཚེ་དང་ལྡན་པ་ཀུན་དགའ་བོ་ནི་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས། སྲེད་པ་དང་བཅས། ལེན་པ་དང་བཅས་པ་ཡིན་ཏེ་སློབ་པ་ཡིན་ནོ། །དེ་ནས་ཚེ་དང་ལྡན་པ་
D6.011.0306a04.01འོད་སྲུང་ཆེན་པོས་ཚེ་དང་ལྡན་པ་ཀུན་དགའ་བོ་ལ་ཅི་སྤྲོ་བ་བྱས་པས་གདུལ་བར་འགྱུར་རམ། །འོན་ཏེ་སྤྱོ་བས་འདུལ་བར་འགྱུར་བ་རྣམ་པར་བརྟགས་ན། ཇི་ཙམ་སྤྱོས་ནས་འདུལ་བར་མཐོང་ནས་དེས་དེ་ལ་ངེད་ནི་འདུས་པའི་མཆོག་ཡིན་ལ། ཀུན་དགའ་བོ་ཁྱོད་དང་ངེད་ལྷན་ཅིག་ཆོས་
D6.011.0306a05.01བགྲོ་བར་མི་བྱས། ཁྱོད་ལོངས་ཤིག་ཅེས་སྨྲས་པ་དང་། དེ་གནད་དུ་ཕོག་པ་བཞིན་དུ་རབ་ཏུ་གཡོས་ནས་སྨྲས་པ། ཚེ་དང་ལྡན་པ་འོད་སྲུང་ཆེན་པོ་ཆོག་གོ། །བདག་གིས་ཚུལ་ཁྲིམས་ཉམས་པར་མ་བྱས། ལྟ་བ་ཉམས་པར་མ་བྱས། སྤྱོད་པ་ཉམས་པར་མ་བྱས། འཚོ་བ་ཉམས་པར་མ་
D6.011.0306a06.01བྱས་ཏེ། བདག་གིས་ཅུང་ཟད་ཀྱང་དགེ་འདུན་ལ་ཉེས་པ་མ་བྱས་མོད་ཀྱི། བཙུན་པ་འོད་སྲུང་ཆེན་པོ་བཟོད་པ་མཛོད་ཅིག །དེས་ཚེ་དང་ལྡན་པ་ཀུན་དགའ་བོ་ཁྱོད་ཀྱིས་བཅོམ་ལྡན་འདས་ཀྱི་ཞབས་འབྲིང་ཉེ་བ་ན་འདུག་འདུག་པས་ཚུལ་ཁྲིམས་ཉམས་པར་མ་བྱས་པ་དང་། ལྟ་བ་ཉམས་པར་མ་
D6.011.0306a07.01