完整藏文原文 · 德格版页 当前仅加载第 11 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
སྤེལ་བ་བྱས་ནས་སྨྲས་པ། ལྷ་བདག་ཅག་ནི་རྫུ་འཕྲུལ་དང་ལྡན་པ། ཡེ་ཤེས་ཅན་དུ་སྨྲ་བ་ལགས། དགེ་སྦྱོང་གཽ་ཏ་མ་ཡང་བདག་ཉིད་རྫུ་འཕྲུལ་དང་ལྡན་པ། ཡེ་ཤེས་ཅན་དུ་སྨྲ་བ་ལགས་པར་སེམས་ན། དེའི་སླད་དུ་ཡེ་ཤེས་ཅན་དུ་སྨྲ་བ་དང་། ཡེ་
D6.011.0042a01.01ཤེས་ཅན་དུ་སྨྲ་བ་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་སྟོན་དུ་སྩལ་བའི་རིགས་སོ། །གལ་ཏེ་དགེ་སྦྱོང་གཽ་ཏ་མས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་གཅིག་བསྟན་ན་བདག་ཅག་གིས་གཉིས། དགེ་སྦྱོང་གཽ་ཏ་མས་གཉིས་ན་བདག་ཅག་གིས་བཞི། དགེ་སྦྱོང་
D6.011.0042a02.01གཽ་ཏ་མས་བཞིན་བདག་ཅག་གིས་བརྒྱད། དགེ་སྦྱོང་གཽ་ཏ་མས་བརྒྱད་ན་བདག་ཅག་གིས་བཅུ་དྲུག །དགེ་སྦྱོང་གཽ་ཏ་མས་བཅུ་དྲུག་ན་བདག་ཅག་གིས་སུམ་བཅུ་རྩ་གཉིས་ཏེ། དགེ་སྦྱོང་གཽ་ཏ་མས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ཇི་སྙེད་བསྟན་པ་ལས་བདག་ཅག་
D6.011.0042a03.01གིས་ཉིས་གྱུར་སུམ་གྱུར་ཏུ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་བགྱིས། དགེ་སྦྱོང་གཽ་ཏ་མ་ཤུལ་གྱི་ཕྱེད་དུ་དགུག་ཏུ་གསོལ། བདག་ཅག་ཀྱང་ཤུལ་ཕྱེད་དུ་མཆིའོ། །ཀོ་ས་ལའི་རྒྱལ་པོ་གསལ་རྒྱལ་གྱིས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་བདག་གིས་
D6.011.0042a04.01བཅོམ་ལྡན་འདས་ལ་ཞུས་ཏེ་བྱས་རེ་ཞིག་སྡོད་ཅིག །དེ་རྣམས་ཀྱིས་སྨྲས་པ། ལྷ་ལེགས་ཀྱིས་དེ་ལྟར་མཛད་དུ་གསོལ་སྡོད་དོ། །དེ་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་
D6.011.0042a05.01འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཀོ་ས་ལའི་རྒྱལ་པོ་གསལ་རྒྱལ་གྱིས་འདི་སྐད་ཅེས་གསོལ་ཏོ། །བཙུན་པ་མུ་སྟེགས་ཅན་དེ་རྣམས་བཅོམ་ལྡན་འདས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་སྤྱན་འདྲེན་ན་དེའི་སླད་
D6.011.0042a06.01དུ་བཅོམ་ལྡན་འདས་ཀྱིས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་དུ་གསོལ། མུ་སྟེགས་ཅན་རྣམས་ཐག་སྩལ་དུ་གསོལ། ལྷ་དང་མི་རྣམས་དགའ་བར་བགྱིར་གསོལ། སྐྱེས་བུ་དམ་པ་རྣམས་གློ་བ་རངས་པར་བགྱིར་གསོལ། དེ་སྐད་ཅེས་གསོལ་པ་དང་། བཅོམ་
D6.011.0042a07.01