完整藏文原文 · 德格版页 当前仅加载第 11 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དུ་ཚིམ། ཀུན་དུ་ཁྱབ་པོ། །འདི་ལྟ་སྟེ། དགའ་བ་མེད་པའི་བདེ་བས་ལུས་ཐམས་ཅད་དུ་མ་ཁྱབ་པ་དང་། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེས་བདེ་བ་ཡང་སྤངས། སྡུག་བསྔལ་ཡང་སྤངས་ཏེ། ཡིད་བདེ་བ་དང་ཡིད་མི་བདེ་བ་སྔར་སྤངས་པས་ན་སྡུག་བསྔལ་ཀྱང་མ་ཡིན་བདེ་བ་ཡང་མ་
D6.011.0212b01.01ཡིན་པ་བཏང་སྙོམས་དང་དྲན་པ་ཡོངས་སུ་དག་པ་བསམ་གཏན་བཞི་པ་མངོན་པར་བསྒྲུབས་ནས་གནས་སོ། །དེའི་ལུས་འདི་ཉིད་ལ་ཀུན་དུ་དག་པ་ཡོངས་སུ་དཀར་བ་ལ་ཞུགས་ནས་མོས་པར་བྱས་ནས་ཁྱབ་པར་མངོན་དུ་བསྒྲུབས་ཏེ་གནས་སོ། །འདི་ལྟ་སྟེ། ཁྱིམ་བདག་གམ་ཁྱིམ་བདག་གི་བུ་ཡང་རུང་
D6.011.0212b02.01བརྒྱད་ཀྱིས་བཏགས་སམ། དགུར་བཏགས་པའི་གོས་ཀྱིས་དེའི་མགོ་ནས་ལག་པ་དང་། རྐང་པ་ཡན་ཆད་དུ་དཀྲིས་ཏེ་དེ་མགོ་བོ་ནས་རྐང་པའི་བར་དུའོ། །འདི་ལྟ་སྟེ། ཀུན་དུ་དག་པའི་རས་ཡོངས་སུ་དཀར་བས་ལུས་ཐམས་ཅད་དུ་མ་ཁྱབ་ཅིང་མ་ཁྱབ་པར་གྱུར་པ་ནི་ཅུང་ཟད་ཀྱང་མེད་དེ། དེ་ལྟར་
D6.011.0212b03.01དེ་བཞིན་ལུས་འདི་ཉིད་ལ་ཀུན་དུ་དག་པའི་སེམས་ཡོངས་སུ་བྱང་བ་ལ་མོས་ཁྱབ་པར་མངོན་དུ་བསྒྲུབས་ནས་གནས་སོ། །འདི་ལྟ་སྟེ། ཀུན་དུ་དགའ་བའི་སེམས་ཡོངས་སུ་བྱང་བས་ལུས་ཐམས་ཅད་དུ་མ་ཁྱབ་པ་དང་མ་ཁྱབ་པར་གྱུར་པ་ནི་ཅུང་ཟད་ཀྱང་མེད་དོ། །མ་སྡུག་ནམ་འཕགས་པ་ཉན་ཐོས་
D6.011.0212b04.01པ་དག་གིས་བདེ་བ་ཡང་སྤངས་སྡུག་བསྔལ་ཡང་སྤངས་ཏེ། ཡིད་བདེ་བ་དང་། ཡིད་མི་བདེ་བ་གཉིས་སྔར་ནུབ་པས་བདེ་བ་ཡང་མ་ཡིན་སྡུག་བསྔལ་ཀྱང་མ་ཡིན་པ། བཏང་སྙོམས་དང་དྲན་པ་ཀུན་དུ་དག་སྟེ། བསམ་གཏན་བཞི་པ་མངོན་དུ་བསྒྲུབས་ཏེ་གནས་སོ། །དེའི་སེམས་དེ་ནི་དེའི་ཚེ་ན་
D6.011.0212b05.01མི་མཐོ་མི་དམའ་བར་གྱུར་ཏོ། །མི་མཐོ་མི་དམའ་བར་གནས་པས་མི་གཡོ་བ་ཐོབ་བོ། །འདི་ལྟ་སྟེ། ཁང་པ་བརྩེགས་པའམ། ཁང་ཆེན་བརྩེགས་པར་ཡུངས་མར་གྱི་མེ་མར་བུས་ཏེ། མེ་ལྕེ་དེ་ལ་རླུང་དང་། བྱ་དང་། མི་དང་། མི་མ་ཡིན་པ་རྣམས་ཀྱིས་མ་བསྒུལ་མ་བསྐྱོད་པ་དེའི་དུས་ན་
D6.011.0212b06.01མི་མཐོ་མི་དམའ་བར་གྱུར་ཏེ། མི་མཐོ་མི་དམའ་བར་གནས་པས་མི་གཡོ་བར་འབར་རོ། །དེ་ལྟར་དེ་བཞིན་དུ། མ་སྡུག་གང་གི་ཚེ་འཕགས་པ་ཉན་ཐོས་དག་གིས་བདེ་བ་ཡང་སྤངས། སྡུག་བསྔལ་ཡང་སྤངས་ཏེ། ཡིད་བདེ་བ་དང་ཡིད་མི་བདེ་བ་གཉི་ག་ནི་སྔར་ནུབ་པས་སྡུག་བསྔལ་ཀྱང་
D6.011.0212b07.01