完整藏文原文 · 德格版页 当前仅加载第 11 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་ཏེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་། ཁྱིམ་བདག་རྣམས་འཕྱ་བའི་གཞིར་གྱུར་གྱིས། དེ་ལྟ་བས་ན་དགེ་སློང་མ་རྣམས་ཀྱིས་ཚོང་ཁང་གླར་གཏོང་ཞིང་བླང་བར་མི་བྱའོ། །དགེ་སློང་མས་
D6.011.0185b01.01ཚོང་ཁང་གླར་གཏོང་ཞིང་ལེན་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །སྦོམ་དགའ་མོ་སྔ་དྲོ་ཤམ་ཐབས་བགོས་ཆོས་གོས་དང་ལྷུང་བཟེད་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་དང་། ལྟས་མ་མོ་ཞིག་དྲིལ་བུ་ཐོགས་ཏེ་འགྲོ་བ་དེས་
D6.011.0185b02.01མཐོང་སྟེ། དེས་བསམས་པ་ཐབས་དེ་ནི་བཟང་པོ་ཞིག་སྟེ། བདག་གིས་ཀྱང་བྱའོ་སྙམ་ནས། དེས་དྲིལ་བུ་ཉེ་བར་བསྒྲུབས་ཏེ། དེ་ནས་ཕྱི་དེ་ཉིན་པར་དྲིལ་བུ་ཁྱེར་ཏེ། མཉན་ཡོད་དུ་ཞུགས་ནས། ཁྱེའུ་དང་བུ་མོ་ཁྲུས་བྱ་བར་བརྩམས་ནས། བདུག་སྤོས་ལ་བསྣམས་ཤིང་དྲིལ་
D6.011.0185b03.01བུ་དཀྲོལ་ནས་ལུང་བསྟན་ཏོ། །དེས་གང་དང་གང་གི་ཁྱེའུ་དང་བུ་མོ་ཁྲུས་བྱས་པ་དེ་གནས་བབས་སུ་བདེ་ལེགས་སུ་གྱུར་ཅིང་དེས་ལུང་བསྟན་པ་ཡང་དེ་བཞིན་གྱུར་ཏོ། །སྦོམ་དགའ་མོ་ལ་མཉན་ཡོད་ན་རྒྱས་པར་དངོས་གྲུབ་ཐོབ་པར་གྱུར་ཏོ་ཞེས་གང་དང་གང་དུ་ལྟས་མ་མོ་དགོས་
D6.011.0185b04.01པར་གྱུར་པ་དང་། སྦོམ་དགའ་མོ་དེའི་དྲུང་དུ་འོངས་ཏེ་འདྲི་ཞིང་ལྟས་མ་མོ་ལ་སུ་ཡང་མི་འདྲི་ནས། དེ་ཆེད་དུ་བྲམ་ཟེ་དང་ཁྱིམ་བདག་གི་དྲུང་དུ་ཉེ་བར་སོང་སྟེ་སྨྲས་པ། གཏོར་མ་དང་ལུང་བསྟན་པར་བྱའོ་ཞེས་གང་དང་གང་གི་ཁྱིམ་དུ་ཉེ་བར་སོང་བ་དང་། དེ་དང་དེ་དག་གིས་
D6.011.0185b05.01སྨྲས་པ་བདག་ཅག་གི་གཏོར་མ་དང་ལུང་བསྟན་པ་བྱས་ཟིན་ནོ། །སུས་ལུང་བསྟན་དེ་དག་གིས་འཕགས་མ་སྦོམ་དགའ་མོས་སོ་ཞེས་སྨྲས་པ་དང་། དགེ་སྦྱོང་ཤཱཀྱའི་བུའི་དགེ་སྦྱོང་རྣམས་ནི་ཚིག་པའོ། །ཚངས་པར་སྤྱོད་པ་ནི་ཚིག་པ་སྟེ། གང་གི་ཕྱིར་ད་ལྟར་གཞན་དག་གི་
D6.011.0185b06.01འཚོ་བ་འཕྲོག་པའོ་ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་དེ་དག་གིས་ཐོས་ཏེ། བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཡིན་པ་ནི་དགེ་སློང་མས་ལྷའི་གཟུགས་བཅངས་པ་ལས་གྱུར་ཏེ།
D6.011.0185b07.01