完整藏文原文 · 德格版页 当前仅加载第 11 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བྱེད་པ་དེའི་ཚེ་སང་ཀཱག་ཀྵིས་དཔུང་པ་གཡོགས་ལ་སང་ཀཱག་ཀྵི་གྱོན་ཏེ་ལས་ཀུན་བྱོས་ཤིག །གླེང་གཞི་ནི་མཉན་དུ་ཡོད་པ་ན་སྟེ། སྦོམ་དགའ་མོ་སྐྱེས་པ་འཁྲུ་བའི་སར་དེས་ཁྲུས་བྱས་པ་དང་། ཁྱེའུ་གཞོན་ནུ་དག་གིས་དེ་མཐོང་ནས་གཅིག་ལ་གཅིག་
D6.011.0152a01.01གཏམ་དུ་འཛེར་བ་ནི། ཀྱེ་ལྟོས་ཤིག་དགེ་སྦྱོང་མ་མགོ་བྱི་མོ་དེའི་ལུས་ནི་ནགས་ཀྱི་མ་ཧེ་བཞིན་ནོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། གང་སུ་
D6.011.0152a02.01ཞིག་དགེ་སློང་མ་སྐྱེས་པ་འཁྲུ་བའི་སར་འཁྲུ་ན་ཉེས་པའི་དམིགས་ཡིན་ཏེ། དེ་ལྟ་བས་ན་དགེ་སློང་མས་སྐྱེས་པ་འཁྲུ་བའི་སར་ཁྲུས་མི་བྱ་བར་དགོངས་ནས་དགེ་སློང་དག་ལ་བཀའ་སྩལ་པ། དགེ་སློང་རྣམས་བྲམ་ཟེ་དང་། ཁྱིམ་བདག་དག་ནི་འཕྱ་བའི་གནས་ཡིན་ཏེ། དེ་ལྟ་བས་
D6.011.0152a03.01ན་དགེ་སློང་མས་སྐྱེས་པ་འཁྲུ་བའི་གནས་སུ་མ་འཁྲུ་ཤིག །དགེ་སློང་མས་སྐྱེས་པ་འཁྲུ་བའི་སར་འཁྲུ་ན་འདས་པ་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། སྦོམ་དགའ་མོ་ལམ་གྱི་བཞི་མདོ་ན་འདུག་ནས་བྲམ་ཟེ་དང་། ཁྱིམ་བདག་རྣམས་ལ་དཔྱས་པ་
D6.011.0152a04.01དང་། དེ་དག་གིས་དགེ་སྦྱོང་མགོ་རེག་མ་འདི་ནི་ལམ་གྱི་བཞི་མདོར་འདུག་སྟེ་ཡུ་བུ་ཅག་ལས་འཕྱས་ལྟོས་ཤིག་ཅེས་འཕྱའོ། །དེ་ལྟར་གྱུར་པ་དགེ་སློང་མ་དག་གིས་ཐོས་ནས། དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས།
D6.011.0152a05.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་། ཁྱིམ་བདག་དག་ནི་འཕྱ་བ་གནས་ཡིན་ཏེ། དེ་ལྟ་བས་ན་དགེ་སློང་མས་སྲང་དུ་མ་འགྲོ་ཤིག །འགྲོ་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། ཚེ་དང་ལྡན་པ་ཨུ་
D6.011.0152a06.01པཱ་ལིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ནི་གཽ་ཏ་མཱི་སྐྱེ་དགུའི་བདག་མོ་ཆེན་མོ་བླ་མའི་ཆོས་ཁས་བླངས་པས་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་འགྱུར་རོ་ཞེས་གསུངས་ན། ཅི་བཙུན་པ་དགེ་སློང་མ་ལྔ་
D6.011.0152a07.01