完整藏文原文 · 德格版页 当前仅加载第 11 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དེས་བརྡེགས་པས་བུའི་ཤ་ཡང་ཟོས་སོ། །བཅོམ་ལྡན་འདས་ཀྱིས་གསུངས་པ། འདོད་ཆགས་ནི་ཁ་ན་མ་ཐོ་བ་ཆུང་མོད་ཀྱི་འབྲལ་བ་ནི་དཀའོ། །ཞེ་སྡང་ནི་ཁ་ན་མ་ཐོ་བ་ཆེ་ལ་འབྲལ་བ་སླ་བས་ཐ་ག་པའི་ཁྱེའུ་དེ་ཕྱིས་འགྱོད་པའི་མེས་གདུངས་ཏེ་རིང་ཞིག་ཏུ་མ་ལོག་པས་
D6.011.0129a01.01ན་གཉིད་ཀྱིས་མྱོས་ཏེ་དེ་ཤིན་ཏུ་ལོག་པར་གཽ་ཏ་མཱིས་རིག་ནས་བསམས་པ། འདིས་བུ་བསད་ནས་བདག་ལ་ཡང་བུའི་ཤ་ཟར་བཅུག་སྟེ། མི་འདི་ནི་སྲིན་པོ་ཡིན་གྱིས་འབྲོས་སྙམ་ནས་རྒྱགས་ཅི་ཐེག་ཅིག་ཁྱེར་དེ་བྲོས་པ་དང་། བྱང་ཕྱོགས་ཀྱི་ལམ་གྲོགས་དག་ཅིག་ཡུལ་འཁོར་མོ་འཇིག་ཏུ་ཟོང་
D6.011.0129a02.01རྣམས་བཙོངས་ཏེ་སླར་གྱིས་ཟོང་རྣམས་ཁྱེར་ནས་བྱང་ཕྱོགས་ཀྱི་ལམ་དུ་ཞུགས་ཏེ་འདོང་བ་དང་། དེ་དག་དང་མོ་ལྷན་ཅིག་ཏུ་སོང་ངོ་། །ཇི་ཙམ་ན་དེད་དཔོན་གྱིས་དེའི་གཟུགས་མཛེས་པར་མཐོང་ངོ་། །མཐོང་ནས་དེ་ལ་ཆགས་ཏེ་དེས་ཁྱོད་སུའི་ད་གང་དུ་འགྲོ་ཞེས་དྲིས་པ་དང་། མོས་སྨྲས་པ།
D6.011.0129a03.01དེད་དཔོན་བདག་གི་ཁྱོ་ནི་སྦྲུལ་གདུག་པས་ཟོས་སོ། །བུ་གཉིས་ལས་གཅིག་ནི་ཝས་སོ། །གཅིག་ནི་ཆུ་བོའི་ནང་དུ་དུས་ལས་འདས་སོ། །མ་དང་ཕ་ནི་གནམ་ལྕགས་ཀྱིས་བསད་དོ། །བདག་ནི་མགོན་མེད་པས་གར་དགའ་བར་འགྲོ་སྟེ་འགྲོན་པ་མང་པོ་དེ་དག་གར་འདོང་བ་དེར་མཆིའོ། །
D6.011.0129a04.01དེས་བསམས་པ། རིང་དུ་གར་སོང་ཡང་འདི་འདྲ་བའི་བུད་མེད་དང་ལྷན་ཅིག་ཡོངས་སུ་སྤྱོད་དོ། །སྙམ་ནས་དེས་དེ་ཆུང་མ་བྱས་ཏེ། ཇི་ཙམ་ཞིག་ན་འགྲོན་པ་མང་པོ་དེ་དག་མི་རྒོད་ཀྱིས་བཅོམ་སྟེ། དེད་དཔོན་དེ་ཡང་འཐབ་པ་ལས་བསད་དོ། །སྐེམ་མོ་གཽ་ཏ་མཱི་ནི་མི་རྒོད་ཀྱི་དཔོན་གྱིས་
D6.011.0129a05.01ཆུང་མར་བྱས་པ་དང་། མི་རྒོད་ཀྱི་སྡེ་དཔོན་དེ་ཡང་ཕྱོགས་ཀྱི་རྒྱལ་པོས་བསད་དོ། །སྐེམ་མོ་གཽ་ཏ་མཱི་ནི་རྒྱལ་པོའི་བཙུན་མོ་ཆེན་མོར་གྱུར་ཏོ། །ཇི་ཙམ་ན་རྒྱལ་པོ་དེ་ཡང་དུས་ལས་འདས་ནས་བཙུན་མོ་དང་། གཞོན་ནུ་དང་བློན་པོ་དང་། སྐྱེ་བོ་མང་པོ་དག་གི་དེ་སྐེམ་མོ་གཽ་ཏ་མཱི་དང་ལྷན་
D6.011.0129a06.01ཅིག་ཏུ་བཀུར་སྟི་ཆེར་བྱས་ཏེ་མཆད་པའི་ནང་དུ་བཅུག་གོ། །བྱང་ཕྱོགས་ཀྱི་མི་རྣམས་དུར་རྐུ་སྟེ། དེ་དག་གི་མཆད་པ་བྲུས་པ་དང་། སྐེམ་མོ་གཽ་ཏ་མཱི་སྣར་རྡུལ་སོང་ནས་དེས་སྦྲིད་པ་བྱུང་བ་དང་། དུར་རྐུ་བའི་མི་རྣམས་སྐྲག་སྟེ་རོ་ལངས་སོ་སྙམ་ནས་དེ་དག་བྲོས་པ་དང་། སྐེམ་མོ་གཽ་ཏ་མཱི་
D6.011.0129a07.01