完整藏文原文 · 德格版页 当前仅加载第 11 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
འཛག་ཏུ་ཅི་ཡོད་ཅེས་སྨྲས་སོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས་ནས་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྲག་མེད་པ་ནི་མ་ནིང་མོ་ཡིན་ཏེ་ཁྱེད་ཀྱིས་སྐྲོད་ཅིག །དགེ་སློང་དག་ཁྲག་
D6.011.0153b01.01མེད་པ་ལ་ཆོས་འདུལ་བ་འདི་ལ་རབ་ཏུ་སྐྱེ་བའི་ཆོས་ཅན་དུ་མི་འགྱུར་རོ། །དེ་ལྟ་བས་ན་གང་སུ་ཞིག་རབ་ཏུ་འབྱུང་བར་འདོད་དེ་དེ་དྲུང་དུ་འོངས་ན་དེས་ཁྱོད་ཁྲག་མེད་པ་མ་ཡིན་ནམ་ཞེས་དྲིས་ཤིག །མ་དྲིས་པར་རབ་ཏུ་ཕྱུང་ན་འདས་པ་དང་བཅས་པར་འགྱུར་རོ།། །།མདོར་ན། མཚན་མ་
D6.011.0153b02.01ཙམ་དང་སྨེ་གབ་ཀྱིས། །སྲད་བུས་དེ་ལའང་བཅིང་བར་བྱ། །ཐུ་མི་བྱ་དང་དགེ་སློང་འཆགས། །དགེ་སློང་མས་ཀྱང་བཤགས་མི་བྱ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། མཉན་དུ་ཡོད་པ་ན་
D6.011.0153b03.01དགེ་སློང་མ་གཞན་ཞིག་གིས་མཚན་མ་ཙམ་ཡོད་པ་ཞིག་རབ་ཏུ་ཕྱུང་སྟེ། དེ་ཆབ་ཁུང་སར་ཞུགས་ནས་རིང་ཞིག་ལོན་ཏེ་སླར་བྱུང་བ་དང་། དེ་ལ་དགེ་སློང་མ་དག་གིས་ནུ་མོ་རིང་ཞིག་ཐོགས་ཏེ་བྱུང་ན་ཅི་བྱེད། དེས་ཕུ་མོ་བདག་ནི་མཚན་མ་ཙམ་མཆིས་པ་ལགས་ན། མོ་མཚན་ཚང་
D6.011.0153b04.01བ་མ་ལགས་ཏེ། ཇི་ལྟར་བགྱི་ཞེས་སྨྲས་སོ། །དེས་ནུ་མོ་ཁྱོད་མཚན་མ་ཙམ་པ་མ་ཡིན་ནམ་ཞེས་དྲིས་པ་དང་། དེས་ཕུ་མོ་བདག་ནི་མཚན་མ་ཙམ་མོ་དེ་ལྟར་གྱུར་པ་དགེ་སློང་མ་དག་གིས་དགེ་སློང་དག་ལ་སྨྲས་ཏེ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་
D6.011.0153b05.01ལྡན་འདས་ཀྱིས་བཀའ་སྩལ་པ། དགེ་སློང་དག་མཚན་མ་ཙམ་པ་མ་ནིང་ཡིན་ཏེ། ཁྱེད་ཀྱིས་སྐྲོད་ཅིག་དགེ་སློང་དག་ཆོས་འདུལ་བ་འདི་མཚན་མ་ཙམ་པ་ལ་རབ་ཏུ་སྐྱེ་བའི་ཆོས་ཅན་དུ་མི་འགྱུར་རོ། །དེ་ལྟ་བས་ན་གང་སུ་ཞིག་རབ་ཏུ་འབྱུང་བར་འདོད་དེ་དྲུང་དུ་འོངས་ན་དེ་དག་ལ་མཚན་
D6.011.0153b06.01མ་ཙམ་པ་མ་ཡིན་ནམ་ཞེས་དྲིས་ཤིག །མ་དྲིས་པར་རབ་ཏུ་ཕྱུང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། འདོད་ཆགས་དང་བྲལ་བ་མ་ཡིན་པས་ན་དགེ་སློང་མ་སྔོན་གྱི་ལས་ཀྱི་ཉེས་པས་སྐབས་སྐབས་སུ་མོ་མཚན་ནས་ཁྲག་ཟགས་པས་དེའི་
D6.011.0153b07.01