完整藏文原文 · 德格版页 当前仅加载第 11 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
བ་སྨྲས་ཏེ། ནམ་མཁའི་སྒྲ་གསུམ་པ་ནི་དེ་ཡིན་གྱིས་ཁྱོད་ཀྱིས་དེ་ཆུས་ཁོང་ཤིག །གཞན་ཡང་ཁྱོད་ཀྱི་ཡུལ་ན་རི་བོ་གཏུམ་ལྡན་ཞེས་བྱ་བ་དེ་ལ་གླང་པོ་ཆེ་དང་གླང་པོ་ཆེ་མོ་དམུས་ལོང་ཞིག་གནས་ཏེ། དེ་གཉིས་ལ་བུ་གཅིག་ཡོད་པ་དེ་དེ་དག་གི་རིམ་གྲོ་བྱེད་དོ། །
D6.011.0014a01.01དེ་དེ་གཉིས་ཀྱི་ཟས་ཀྱི་ཕྱིར་སོང་བ་ན་གླང་པོ་ཆེ་མོ་ཞིག་དང་ལྷན་ཅིག་འདུས་པར་གྱུར་པ་ལས། དེ་ཁྱོད་ཀྱིས་ཐབས་ཀྱིས་བྲོངས་ཏེ་ཁྲིད་དེ་འོངས་ནས་བཏགས་ཏེ་བཞག་པ་དང་། དེ་མ་དང་ཕའི་རྗེས་སུ་མྱ་ངན་བྱེད་ཅིང་རྩྭ་ཡང་མི་ཟ་ཆུ་ཡང་མི་འཐུང་བར་དེ་དག་རྗེས་སུ་དྲན་ཞིང་མི་དགའ་
D6.011.0014a02.01བར་གྱུར་ནས་ཚིགས་སུ་བཅད་པ། གང་ཞིག་རི་བོ་གཏུམ་ལྡན་ལ། །བདག་ལ་རྐང་པས་ནོམ་བྱེད་པའི། །ལོང་བ་ཉོན་མོངས་དེ་དག་ནི། །ད་ནི་མགོན་ཡང་མེད་པར་གྱུར། །ཅེས་བྱ་བ་སྨྲས་ཏེ། ནམ་མཁའི་སྒྲ་བཞི་པ་ནི་དེ་ཡིན་གྱིས། ཕ་མའི་གྲོགས་བྱེད་པ་ཤི་ན་མི་
D6.011.0014a03.01རུང་བས་ཁྱོད་ཀྱིས་དེ་ཐོང་ཤིག །གཞན་ཡང་ཁྱོད་ཀྱི་ཁྱིམ་ན་{རི་དགས་,རི་དྭགས་}ཞིག་བཟུང་སྟེ་འདུག་པ་དེ་ཁྱུ་དང་བྲལ་བས་དགོན་པའི་{རི་དགས་,རི་དྭགས་}རྣམས་དྲན་ནས་ཚིགས་སུ་བཅད་པ། དེ་རྣམས་མཚོ་ནི་བཟང་པོ་ལས། །ཆུ་ནི་བསིལ་ཞིང་ཞིམ་པ་དང་། །བདེ་བླག་ཉིད་དུ་རྙེད་པར་
D6.011.0014a04.01འགྱུར། །བདག་ཀྱང་ད་ལྟར་དེར་དགའོ། །ཞེས་བྱ་བ་སྨྲས་ཏེ། བར་སྣང་གི་སྒྲ་ལྔ་པ་ནི་དེ་ཡིན་གྱིས་ཁྱོད་ཀྱིས་དེ་ཐོང་ཤིག །གཞན་ཡང་ཁྱོད་ཀྱི་ཁྱིམ་ན་ངང་པ་དག་ཅིག་བཟུང་སྟེ་འདུག་པ་དེ་དག་གིས་ངང་པ་གནམ་ལ་འཕུར་བ་དག་མཐོང་ནས་མི་དགའ་སྟེ་ཚིགས་སུ་བཅད་པ།
D6.011.0014a05.01འདི་དག་ཁྲུས་བྱས་ཟོས་ནས་ནི། །ཕྱོགས་དང་ཕྱོགས་སུ་འགྲོ་བར་བྱེད། །བདག་ནི་རྙི་ཡིས་བཟུང་གྱུར་པ། །སྔོན་གོ་སྡིག་པ་ཅི་ཞིག་བྱས། །ཞེས་བྱ་བ་སྨྲས་ཏེ། ནམ་མཁའི་སྒྲ་དྲུག་པ་ནི་དེ་ཡིན་པས་དེ་དག་ཀྱང་ཁྱོད་ཀྱིས་གཏང་བར་བྱ་སྟེ་དེ་ནི་དེ་དག་གི་ལྟས་ཡིན་ནོ། །རྒྱལ་
D6.011.0014a06.01པོ་ཆེན་པོ་ཁྱོད་ཀྱིས་རྨི་ལམ་བརྒྱད་མཐོང་བ་གང་ཡིན་པ་དེ་ཅིའི་སྔ་ལྟས་ཡིན་ཞེ་ན། རེ་ཞིག་ཙན་དན་དཀར་པོས་ལུས་བྱུགས་པར་མཐོང་བ་གང་ཡིན་པ་ནི་ཁྱོད་ལ་ལུས་འཕགས་ཀྱི་རྒྱལ་པོས་གོས་བེའུ་རས་ཡུག་པོ་ཆེ་ཞིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ་དེ་ཞག་བདུན་ན་
D6.011.0014a07.01