完整藏文原文 · 德格版页 当前仅加载第 11 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་རྩོད་པས་ནང་གི་སྐྱེ་བོ་རྣམས་དཀྲུགས་པར་བྱས་ཏེ་རང་གི་ལས་ལ་བརྩོན་པར་མི་འགྱུར་རོ་ཞེས་མ་ཐོས་སམ། མོས་སྨྲས་པ། ཇོ་བོ་རེ་ཞིག་ལོང་ཤིག་དང་དེ་སྟེ་ཕུ་ནུ་མོ་ཙམ་དུ་གྱུར་ན་ནི་ཕུ་ནུ་མོར་འདུ་ཤེས་ཀྱིས་བསྐྱང་བར་བྱའོ། །འོན་ཏེ་བུ་མོ་ཙམ་ཞིག་ན་ནི་བུ་མོར་འདུ་
D6.011.0132a01.01ཤེས་ཀྱིས་བསྐྱང་བར་བྱའོ། །དེས་དེ་ལ་གཡོ་བྱས་ཏེ་སྨྲས་པས་དེ་ཡང་བུ་མོ་ཚོལ་བ་ལ་ཞུགས་སོ། །དེ་ནས་རི་བྲགས་ཀྱི་གྲོང་གཞན་ཞིག་ན་ཁྱིམ་བདག་ཅིག་གི་བུ་མོ་ཞིག་བཙས་ནས་སྐྱེས་པ་དང་། ཕ་མ་གཉིས་དུས་ལས་འདས་པ་ཞིག་སྟེ། དེས་དེ་ལ་དེའི་མིང་པོ་ལས་དེ་བསླངས་ནས་དཔལ་
D6.011.0132a02.01ཆེན་པོ་དང་སྦྱར་ཏེ་བག་མར་བླངས་སོ། །ཐམས་ཅད་ཀྱང་ཆོས་ཉིད་ཀྱིས་སར་པས་རྙིང་པ་ཟིལ་གྱིས་གནོན་པས་དེས་དེ་ལ་ཤིན་ཏུ་བྱམས་ཤིང་སེམས་ཞུགས་པར་གྱུར་ཏོ། །དེ་ནས་དེའི་ཆུང་མ་རྙིང་པ་དེ་རང་བཞིན་གྱིས་ཕྲག་དོག་གིས་མངལ་གྱི་གནས་དག་པར་གྱུར་ཏེ། སེམས་ཅན་དང་ལྡན་
D6.011.0132a03.01པར་གྱུར་ནས་དེ་དགའ་བ་སྐྱེས་ཏེ་དེ་ལ་སྨྲས་པ། ཇོ་བོ་དགའ་བ་སྐྱེད་ཅིག་བདག་ནི་སེམས་ཅན་དང་ལྡན་པར་གྱུར་ཏོ། །དེས་སྨྲས་པ། བཟང་མོ་ལེགས་སོ། །དེ་སྟེ་བུ་ཕོ་ཞིག་བཙས་ན་ནི་བདག་འདས་པ་དང་ཁྱིམ་གྱི་བདག་པོར་འགྱུར་རོ། །མོས་སྨྲས་པ། ཇོ་བོ་ཁྱོད་ཀྱི་ཆུང་མས་མངལ་
D6.011.0132a04.01ནས་ལྷུང་བའི་ཆོ་ག་ཞིག་སྦྱར་ཏེ་ལྷུང་བར་མ་བྱས་ན་ནི་ཁྱིམ་གྱི་བདག་པོར་འགྱུར་རོ། །དེས་སྨྲས་པ། བཟང་མོ་སྔོན་ཡང་བདག་གིས་འདི་ལྟ་བུའི་ཕྱིར་སྨྲས་ན། ད་དུང་བུ་ཅུང་ཟད་ཀྱང་མེད་པར་ཁྱོད་ཀྱིས་བརྩམ་མམ། དེ་ལན་མེད་དེ་ཅང་མི་ཟེར་བར་འདུག་གོ། །དེ་ཟླ་བ་བརྒྱད་དམ་དགུ་
D6.011.0132a05.01འདས་པ་དང་ཁྱེའུ་ཞིག་བཙས་སོ། །དེ་བཙས་པའི་བཙས་སྟོན་ཆེར་བྱས་ཏེ་རིགས་དང་མཐུན་པ་ལས་མིང་བཏགས་སོ། །དེས་སྔོན་ལས་ཀྱིས་འདི་བཙས་ན་སེམས་ཅན་འདི་མ་ཡར་མོ་འདིས་འདི་མི་གསོད་པ་ལ་ཕན་གྱིས་དེ་བས་ན་འདི་ཉིད་ལ་གཞར་རོ་ཞེས་བསམས་ནས་དེས་དེ་ལ་སྨྲས་པ།
D6.011.0132a06.01ཆེ་ཞེ་ཁྱེའུ་འདི་ཁྱོད་དང་བདག་གི་ཡིན་གྱིས་བདག་ཅག་གཉིས་ཀས་བསྐྱེད་དོ། །དེས་ལེགས་ཀྱིས་འདི་བཞིན་བགྱིའོ་ཞེས་སྨྲས་ནས་དེ་སྐྱེད་པ་ལ་ཞུགས་སོ། །དེས་དེ་བསྐྱེད་ན་ལོག་པར་རྟོག་པ་སྐྱེས་ཏེ་གང་གི་བུ་ཡིན་པ་དེའི་ཁྱིམ་སྟེ། དེ་བས་ན་འདི་བསྐྱེད་ཀྱང་འདི་ལྟར་ཁྱིམ་གྱི་བདག་པོར་
D6.011.0132a07.01