完整藏文原文 · 德格版页 当前仅加载第 11 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་ཉལ། །མལ་དུ་བདེ་བར་ཉལ་ནས་རོལ་མོ་དང་། །གླུ་སྒྲ་སྣ་ཚོགས་དག་གིས་སད་བྱས་པ། །གྲང་དང་ཚ་བའི་ཆུ་ཡིས་ཕོག་གྱུར་ན། །མདངས་ཅན་ལུས་ནི་ཇི་ལྟར་ནགས་ན་དགའ། །སྔོན་ཆད་རྒྱལ་པོས་གནང་བའི་བཟའ་བཏུང་དང་། །སྟེན་དང་བཞོན་དང་ཐེག་མཆོག་ལ་སྤྱོད་
D6.011.0056b01.01པ། །བྱུག་པ་རྒྱན་དང་གོས་ཀྱིས་ཕོངས་བཞིན་དུ། །སུ་ཡི་དབང་གིས་སྡུག་བསྔལ་གྱུར་པར་འཁྱམ། །འཇིག་རྟེན་དང་ཕྲད་སྐྱེ་བོའི་ཚོགས་རྣམས་ཀྱིས། །ཐལ་མོ་རབ་སྦྱར་རྔ་སྒྲ་གླུ་དབྱངས་དག །ཡིད་དང་རྣ་འོང་རྣམས་ཀྱིས་ལེགས་མཆོད་པ། །སྐོམ་པས་མངོན་
D6.011.0056b02.01པར་གདུངས་བཞིན་གང་དུ་འཁྱམ། །གཞོན་ནུས་སྨྲས་པ། གཏན་དུ་བདེ་བ་ཡང་ནི་སུ་ཞིག་ཡོད། །གཏན་དུ་སྡུག་བསྔལ་བ་ཡང་སུ་ཞིག་ཡོད། །མི་བདེ་མ་ཐོབ་པ་ཡང་སུ་ཞིག་ཡོད། །འཐོབ་པར་མི་འགྱུར་བ་ཡང་སུ་ཞིག་ཡོད། །འགྱུར་བའི་དབང་གིས་མི་རྣམས་བདེ་
D6.011.0056b03.01སྡུག་སྟེ། །རྒྱུ་སྐར་འཁོར་ལོ་མཁའ་ལ་འཁོར་བ་བཞིན། །བདེ་བས་དགའ་མིན་སྡུག་པས་མི་དགའ་མེད། །མི་དབང་རིགས་རྗེས་འགྲོ་བའི་རྟགས་ཡིན་ནོ། །དེས་མ་ལ་དེ་ལྟ་བུ་རྣམ་པ་མང་པོ་ཁོང་དུ་ཆུད་པར་བྱས་ཏེ་ཡུལ་ལྔ་ལེན་གང་ན་བ་དེར་སོང་ངོ་། །དེ་དེར་གྲོང་
D6.011.0056b04.01དང་ཉེ་བར་ཕྱིན་ནས་ལུས་ངལ་བ་དང་། ལུས་བཀྲེས་པས་ཤིང་གི་གྲིབ་མ་ཞིག་ལ་ཉལ་ཞིང་འདུག་གོ། །ཇི་ཙམ་ཞིག་ན་རྒྱལ་པོའི་བྱ་བ་ཅུང་ཟད་ཅིག་གི་ཕྱིར་ལྔ་ལེན་གྱི་བཀྲབས་པ་དག་གཅིག་ཕྱོགས་དེར་འོངས་པ་དང་། བཟའ་བཏུང་གྲིབ་མ་དེ་ལ་ཉལ་ཞིང་འདུག་པ་མཐོང་ནས་སྨྲས་
D6.011.0056b05.01པ། འདི་ལྟ་བུར་གཟུགས་བཟང་བ། བལྟ་ན་སྡུག་པ། མཁྲང་བ། སྲ་བ། ལེགས་པར་འབྲེལ་པ་རོ་སྟོད་ཆེ་བ། དཔུང་པ་རིང་བའི་སྐྱེས་བུ་འདི་སུ་ཞིག་ཅེས་དེ་དག་གིས་དེ་བསླངས་ནས་སུའི་བུ་ཡིན་ཞེས་དྲིས་པ་དང་། དེས་སྨྲས་པ། བདག་ནི་ལུས་འཕགས་ཀྱི་རྒྱལ་པོ་སྐྱེད་
D6.011.0056b06.01པའི་བུ་བཟའ་བཏུང་ཞེས་བྱ་བ་ཡིན་ནོ། །དགོས་པ་ཅི་ཞིག་གི་ཕྱིར་འོངས། དེས་དེ་རྣམས་ལ་ཇི་ལྟར་གྱུར་པ་སྨྲས་སོ། །དེ་ནས་བཀྲབས་པ་དེ་དག་གིས་རྒྱལ་པོའི་བུ་དེ་སྐྱེས་སུ་ཁྱེར་ནས་ལྔ་ལེན་གྱི་རྒྱལ་པོའི་གན་དུ་སོང་སྟེ་བཟའ་བཏུང་དེ་ལ་ཕུལ་ནས། ལྷ་འདི་རྒྱལ་པོ་སྐྱེད་པའི་བུ་
D6.011.0056b07.01