完整藏文原文 · 德格版页 当前仅加载第 11 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་དགེ་སློང་རྣམས་ཀྱིས་སྨྲས་པ། ཤེས་ལྡན་དག་གལ་ཏེ་འདི་ཁྱེད་ཀྱི་ཚངས་པ་མཚུངས་པར་སྤྱོད་པ་ཡིན་ན་མེ་སྤོར་ལ་སྲེགས་ཤིག་བལྟ་བར་བྱའོ། །དེ་དག་གིས་མེ་སྦར་ཞིང་བསྲེག་པར་བརྩམས་པ་དང་། མེ་སྤར་མ་ནུས་ནས་དགེ་སློང་རྣམས་ཀྱིས་
D6.011.0283a01.01ཤེས་ལྡན་དག་ངེད་ཀྱིས་སྤར་བར་བྱའོ་ཞེས་སྨྲས་ཏེ། དེ་དག་གིས་མེ་སྤར་ནས་འབར་བར་གྱུར་པ་དང་། དེ་དག་དེ་བཞིན་དུ་སྤོབས་པ་མེད་ཅིང་ཅང་མི་སྨྲ་བར་འདུག་གོ། །དེ་ནས་སྐྱེ་བོ་མང་པོ་རྣམས་ཀྱིས་ཚར་བཅད་ནས་དོང་ངོ་། །གྲོང་ཁྱེར་རྩྭ་ཅན་གྱི་གྱད་རྣམས་ངོ་མཚར་ཆེར་སྐྱེས་
D6.011.0283a02.01ཏེ། བཅོམ་ལྡན་འདས་ལ་རྒྱ་ཆེར་མངོན་པར་དད་པར་གྱུར་ཏོ། །གང་གི་ཚེ་བཅོམ་ལྡན་འདས་ཐ་མའི་གཟིམས་མལ་ན་གནད་རྣམས་ནི་ཆད། ཚིགས་རྣམས་ནི་འབྱེ་བའི་ཚོར་བ་གནད་དུ་བབ་པ་བྱུང་ཞིང་བཞུགས་བཞིན་དུ། རབ་བཟང་ནི་དགྲ་བཅོམ་པ་ལ་བཞག་པར་གྱུར།
D6.011.0283a03.01གྲོང་ཁྱེར་རྩྭ་ཅན་གྱི་གྱད་མང་པོ་ནི་ཆོས་ལ་བཀོད་པ་དེའི་ཚེ་དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གང་གི་ཚེ་བཅོམ་ལྡན་འདས་གནད་རྣམས་ནི་ཆད། ཚིགས་རྣམས་ནི་འབྱེ་བའི་ཚོར་བ་གནད་དུ་བབ་པར་
D6.011.0283a04.01བྱུང་ཞིང་བཞུགས་བཞིན་དུ། ཀུན་དུ་རྒྱུ་རབ་བཟང་འཁོར་བའི་རྒྱ་མཚོ་ལས་བཏོན་ཏེ། དེ་གཅིག་ཏུ་གྲུབ་པ་དང་། བདེ་བ་མཐར་ཕྱིན་པར་མཛད་ནས་མྱ་ངན་ལས་འདས་པ་ལ་རབ་ཏུ་བཀོད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་ང་ད་ལྟར་
D6.011.0283a05.01འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ལས་ཀུན་དུ་གྲོལ་ཏེ། ཐམས་ཅད་མཁྱེན་པ་དང་། རྣམ་པ་ཐམས་
D6.011.0283a06.01ཅད་མཁྱེན་པ་དང་། ཐམས་ཅད་མཁྱེན་པའི་ཡེ་ཤེས་བརྙེས་པ། ཀུན་དུ་རྒྱུ་རབ་བཟང་འཁོར་བའི་རྒྱ་མཚོ་ལས་བཏོན་ཏེ། དེ་གཅིག་ཏུ་གྲུབ་པ་དང་། བདེ་བ་མཐར་ཕྱིན་པར་མཛད་ནས་མྱ་ངན་ལས་འདས་པ་ལ་རབ་ཏུ་བཞག་པ་ལྟ་ངོ་མཚར་ཅི་ཆེ། གང་ང་སྔོན་འདས་པའི་དུས་
D6.011.0283a07.01