完整藏文原文 · 德格版页 当前仅加载第 11 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་སྤྱོས་པ་ནི་གནས་ཡིན་ཏེ། དགེ་སློང་དག་དེ་ལྟ་བས་ན་ཆོས་གོས་གཅིག་གྱོན་པ་དེས་ཀྱང་ཕྱག་མི་བྱ་ཆོས་གོས་གཅིག་གྱོན་པ་ལ་ཡང་ཕྱག་མི་བྱ། ཆོས་གོས་གཅིག་གྱོན་པས་ཕྱག་བྱེད་པ་ཡང་བདག་གིར་མི་བྱའོ། །དགེ་སློང་དག་ཆོས་གོས་གཅིག་གྱོན་པས་ཕྱག་བྱེད་དམ་ཆོས་གོས་
D6.011.0224b01.01གཅིག་གྱོན་པ་ལ་ཕྱག་བྱེད་དམ། ཆོས་གོས་གཅིག་གྱོན་པས་ཕྱག་བྱེད་པ་བདག་གིར་བྱེད་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་རྒྱལ་པོའི་ཁབ་ནའོ། །བཅོམ་ལྡན་འདས་ཀྱིས་དགེ་སློང་རྣམས་དགེ་སློང་གིས་ཚུལ་ཁྲིམས་མ་རིག་པར་ངལ་བསོ་བར་མི་བྱའོ་ཞེས་གསུངས་
D6.011.0224b02.01པ་དང་། ཡུལ་སོ་སོ་ན་གནས་པའི་དགེ་སློང་དག་གྲོང་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དེ་དང་དེ་དག་ནས་མཆོད་རྟེན་ལ་ཕྱག་བྱེད་དུ་ལྷགས་པ་དེ་དག་ལ་གང་གིས་ཀྱང་ངལ་མ་བསོས་ཏེ་བསྐྲད་ནས། ཁྱམས་དང་། སྒོ་ཁང་དང་། ཐེམ་སྐས་དང་། སྒོ་
D6.011.0224b03.01ཁང་གི་ཁྱམས་དང་། ཤིང་དྲུང་དག་ཏུ་གནས་པ་དང་། བྲམ་ཟེ་དང་། ཁྱིམ་བདག་མ་དད་པ་ཁ་ཅིག་གིས་མཐོང་ནས་འཕགས་པ་ཁྱེད་ཅག་གཙུག་ལག་ཁང་ནས་བསྐྲད་དམ། ཅི་ན་འདི་བཞིན་དུ་འདུག །དེ་དག་གིས་སྨྲས་པ། བཞིན་{བཟངས་,བཟང་}ངེད་ནི་གཙུག་ལག་ཁང་ནས་
D6.011.0224b04.01བསྐྲད་པ་མ་ཡིན་ཏེ། འོན་ཀྱང་གློ་བུར་དུ་འོངས་པ་ཡིན་ནོ། །དེ་དག་གིས་སྨྲས་པ། འཕགས་པ་ཁྱེད་ཀྱི་ཚངས་པ་མཚུངས་པར་སྤྱོད་པ་དག་གིས་གནས་ཁང་དག་མ་བྱིན་ནམ། དེ་དག་གིས་བཞིན་{བཟངས་,བཟང་}ངེད་ཀྱི་ཚུལ་ཁྲིམས་མི་ཤེས་པས་སུ་ཞིག་ངེད་ལ་གནས་ཁང་གི་སྐབས་འབྱེད་
D6.011.0224b05.01པར་བྱེད། གང་ཇི་ལྟར་ཡང་རུང་འདིར་གནས་ཏེ་མཆོད་རྟེན་ལ་ཕྱག་བྱས་ནས་རང་གི་གནས་སུ་འགྲོའོ་ཞེས་སྨྲས་པ་དང་། ཤཱཀྱའི་བུའི་དགེ་སློང་རྣམས་ཀྱི་ཚུལ་ཁྲིམས་ནི་སྙོམས་པའོ་ཞེས་ཐོས་ན། དེ་ཇི་ལྟར་སྙོམས་པའི་ཚུལ་ཁྲིམས་དེ་ཚངས་པ་མཚུངས་པར་སྤྱོད་པ་གློ་བུར་དུ་
D6.011.0224b06.01འོངས་པ་ལ་ཡང་གནས་ཁང་སྦྱིན་པར་མི་བྱེད་དོ་ཞེས་དེ་དག་སྨོད་པར་བྱེད། འཕྱ་བར་བྱེད། ཕྱར་ཀ་གཏོང་བར་བྱེད་པ་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གློ་བུར་དུ་འོངས་པའི་ཀུན་དུ་སྤྱད་
D6.011.0224b07.01