完整藏文原文 · 德格版页 当前仅加载第 11 函德格 313b 版页；藏文 NFD、目录标记与异常页序保留在来源切片中，重复版页行以稳定序号区分。
མི་རྟག་པ་ལགས་སོ། །གཞན་ཡང་དེ་མི་རྟག་ན་སྡུག་བསྔལ་བའམ། སྡུག་བསྔལ་བ་མ་ཡིན། བཙུན་པ་འདི་ནི་སྡུག་བསྔལ་བ་ལགས་སོ། །གཞན་ཡང་དེ་མི་རྟག་པ་དང་། སྡུག་བསྔལ་བ་དང་། ཡོངས་སུ་འགྱུར་བའི་ཆོས་ཅན་ཡིན་མོད་ཀྱི་འོན་ཀྱང་དེ་ཐོས་པ་དང་
D6.011.0313b01.01ལྡན་པའི་འཕགས་པའི་ཉན་ཐོས་བདག་ཏུ་ཁས་ལེན་ཅིང་འདི་ནི་བདག་གོ་འདི་ནི་བདག་གིའོ། །བདག་གི་ནི་འདིའོ་ཞེས་ཟེར་རམ། བཙུན་པ་དེ་ལྟ་མ་ལགས་སོ། །དགེ་སློང་དག་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་
D6.011.0313b02.01བདག་ཅེས་བྱ་བ་སྔ་མ་བཞིན་དུ་འདི་ནི་བདག་གོ། །འདི་ནི་བདག་གིའོ། །བདག་གི་ནི་འདིའོ་ཞེས་ཟེར་རམ། བཙུན་པ་དེ་ལྟ་མ་ལགས་སོ། །དགེ་སློང་དག་དེ་ལྟ་བས་ན་གཟུགས་གང་ཡིན་པ་ཅི་ཡང་རུང་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་འམ།
D6.011.0313b03.01ནང་གིའམ། ཕྱི་རོལ་གྱིའམ། རགས་པའམ། ཕྲ་བའམ། ངན་པའམ། གྱ་ནོམ་པའམ། གང་རྒྱང་རིང་བའམ། ཉེ་བ་དེ་དག་ཐམས་ཅད་འདི་ནི་བདག་གོ། །འདི་ནི་བདག་གིའོ། །བདག་གི་ནི་འདིའོ་ཞེས་བྱ་བ་འདི་ལྟར་ཡང་དག་པ་ཇི་ལྟ་བ་བཞིན་དུ་ཤེས་རབ་
D6.011.0313b04.01ཀྱིས་བལྟ་བར་བྱའོ། །དེ་ལྟར་དེ་བཞིན་དུ་གང་དག་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་གང་ཡིན་པ་ཅི་ཡང་རུང་སྟེ། འདས་པ་དང་། མ་འོངས་པ་དང་། ད་ལྟར་བྱུང་བ་ཞེས་བྱ་བའི་བར་སྔ་མ་བཞིན་དུ་ཡང་དག་པའི་ཤེས་རབ་ཀྱིས་བལྟ་
D6.011.0313b05.01བར་བྱའོ། །དགེ་སློང་དག་གང་གི་ཕྱིར་ཐོས་པ་དང་ལྡན་པའི་འཕགས་པའི་ཉན་ཐོས་རྣམས་ཀྱིས་ཉེ་བར་ལེན་པའི་ཕུང་པོ་ལྔ་པོ་དག་ལ་བདག་དང་བདག་གི་མེད་པར་ཡང་དག་པ་ཇི་ལྟ་བ་བཞིན་དུ་མཐོང་སྟེ། དེས་དེ་ལྟར་ཡང་དག་པ་ཇི་ལྟ་བ་བཞིན་དུ་མཐོང་བས་འཇིག་རྟེན་ལ་ཅུང་
D6.011.0313b06.01ཟད་ཙམ་ཡང་ཉེ་བར་ལེན་པ་མེད་དེ། ཉེ་བར་མ་བླངས་པས་ཡོངས་སུ་གདུང་བ་མེད་པས་རང་ཉིད་ཀྱིས་ཡོངས་སུ་མྱ་ངན་ལས་འདས་ཏེ། བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་སྤྱད། བྱ་བ་ནི་བྱས་ཏེ། འདི་ལས་སྲིད་པ་གཞན་མེད་དོ་ཞེས་རབ་ཏུ་ཤེས་སོ། །
D6.011.0313b07.01