完整藏文原文 · 德格版页 当前仅加载第 11 函德格 310a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ་ཀུན་དགའ་བོ་ཚེ་དང་ལྡན་པ་སྤོང་བྱེད་ཀྱི་བུས་གདམས་ངག་འདིས་བཏམས་ནས། ཉིན་པར་གྱི་འཆག་པ་དང་འདུག་པས་སྒྲིབ་པར་འགྱུར་བའི་ཆོས་རྣམས་ལས་སེམས་ཡོངས་སུ་སྦྱོང་བར་བྱེད་དེ། དེ་ཉིན་པར་གྱི་འཆག་པ་དང་འདུག་པས་སྒྲིབ་པར་འགྱུར་བའི་ཆོས་རྣམས་
D6.011.0310a01.01ལ་སེམས་ཡོངས་སུ་སྦྱོང་ངོ་། །མཚན་གྱི་ཐུན་དང་པོ་ལ་འཆག་པ་དང་། འདུག་པས་སྒྲིབ་པར་འགྱུར་བའི་ཆོས་རྣམས་ལས་སེམས་ཡོངས་སུ་སྦྱོང་བར་བྱེད་དེ། དེ་མཚན་གྱི་ཐུན་དང་པོ་ལ་འཆག་པ་དང་འདུག་པས་སྒྲིབ་པར་འགྱུར་བའི་ཆོས་རྣམས་ལས་སེམས་ཡོངས་སུ་སྦྱོང་ངོ་། །
D6.011.0310a02.01མཚན་གྱི་གུང་ཐུན་ལ་གཙུག་ལག་ཁང་གི་ཕྱི་རོལ་དུ་རྐང་པ་བཀྲུས་ནས་གཙུག་ལག་ཁང་གི་ནང་དུ་ཞུགས་ཏེ། གློ་གཡས་པས་ཕབ་ནས་རྐང་པའི་སྟེང་དུ་རྐང་པ་བཞག་སྟེ། སྣང་བའི་འདུ་ཤེས་དང་། དྲན་པ་དང་། ཤེས་བཞིན་དང་ལྡན་པའི་འདུ་ཤེས་ཁོ་ན་ཡིད་ལ་བྱེད་ཅིང་ཉལ་བར་བྱེད་
D6.011.0310a03.01དོ། །ཚེ་དང་ལྡན་པ་ཀུན་དགའ་བོས་སྔས་ནང་ཚངས་ཅན་ལ་མགོ་མ་བཞག་པ་ཁོ་ནར། འདི་ལྟར་ཡང་ཚེ་དང་ལྡན་པ་ཀུན་དགའ་བོས་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་བར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་དགའ་བ་དང་བདེ་བ་སོ་སོར་མྱངས་ནས་རྣམ་པར་
D6.011.0310a04.01གྲོལ་ཏེ། དགྲ་བཅོམ་པ་ཉིད་ཐོབ་ནས་རྒྱལ་པོའི་ཁབ་ཏུ་ཕྱིན་ཏེ། འོད་སྲུང་ལ་སོགས་པ་དགྲ་བཅོམ་པ་ལྔ་བརྒྱ་པོ་ཤིང་ནྱ་གྲོ་དྷའི་ཕུག་ན་ཆོས་སྡུད་ཅིང་འདུས་པ་ག་ལ་བར་ཕྱིན་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་དགེ་སློང་རྣམས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་
D6.011.0310a05.01དག་མ་འོངས་པའི་དུས་ན་དགེ་སློང་རྣམས་བརྗེད་ངས་པ་དང་། ལུས་ཉམ་ཆུང་བས་མདོའི་ཚིགས་སུ་བཅད་པ་མ་ཡིན་པར་མདོ་སྡེ་དང་། འདུལ་བ་དང་། ཆོས་མངོན་པ་འཛིན་པར་མི་ནུས་པས་དེ་བས་ན་སྔ་དྲོའི་དུས་སུ་མདོའི་ཚིགས་སུ་བཅད་པ་བརྗོད་པར་བྱའོ། །ཕྱི་དྲོ་ནི་མདོ་སྡེ་དང་།
D6.011.0310a06.01འདུལ་བ་དང་། མ་མོ་བགྲོ་བར་བྱའོ་ཞེས་ཚེ་དང་ལྡན་པ་འོད་སྲུང་ཆེན་པོས་དེ་སྐད་སྨྲས་པ་དགེ་སློང་དེ་དག་གིས་ཚེ་དང་ལྡན་པ་འོད་སྲུང་ཆེན་པོ་ལས་ཐོས་ནས། དགེ་སློང་དེ་དག་གིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འོད་སྲུང་ཆེན་པོ་མདོ་སྡེ་དང་།
D6.011.0310a07.01