完整藏文原文 · 德格版页 当前仅加载第 11 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
འཕྱ་བ་ནི་གནས་ཡིན་ཏེ། དེ་ལྟ་བས་ན་དགེ་སློང་མ་དགེ་སློང་མའི་དབྱར་མོ་ཁང་གི་སྒོ་ན་འདུག་པར་མི་བྱའོ། །དགེ་སློང་མ་དབྱར་མོ་ཁང་གི་སྒོ་ན་འདུག་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་དགེ་སློང་མ་དབྱར་མོ་ཁང་གི་སྒོ་
D6.011.0151b01.01ན་འདུག་པར་མི་བྱའོ་ཞེས་བཀའ་སྩལ་པ་དང་། སྦོམ་དགའ་མོ་སྐར་ཁུང་དུ་འདུག་སྟེ། བྲམ་ཟེ་དང་ཁྱིམ་བདག་དག་ལ་འཕྱ་བ་དང་། དེ་དག་ཀྱང་ངོར་འཕྱ་ནས་སྔ་མ་བཞིན་ཏེ། དགེ་སློང་མ་སྐར་ཁུང་དུ་འདུག་པར་མི་བྱའོ་ཞེས་བྱ་བའི་བར་དུ་སྟེ། དགེ་སློང་མ་སྐར་ཁུང་དུ་
D6.011.0151b02.01འདུག་ན་འདས་པ་དང་བཅས་པར་འགྱུར་རོ།། །།མདོར་ན། སང་ཀཱག་ཀྵི་ནི་གནང་བའོ། །སྐྱེས་པ་འཁྲུ་བར་ཁྲུས་མི་བྱ། །སྲང་དག་ཏུ་ནི་མི་འགྲོ་སྟེ། །དེ་དག་བསྙེན་པར་དེས་རྫོགས་སོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་
D6.011.0151b03.01ར་བ་ན་བཞུགས་ཏེ། དགེ་སློང་མ་དག་གིས་དབྱར་མོ་ཁང་ན་ཆོས་གོས་ལྔ་གྱོན་ཏེ་ལས་ཀུན་བྱེད་པ་དང་། དེ་དག་ཉོན་མོངས་པར་གྱུར་ཏོ། །དེ་ལྟ་བུར་གྱུར་པ་ཐོས་ནས་དགེ་སློང་མ་དག་གིས་དགེ་སློང་ལ་སྨྲས་པ་དང་། དགེ་སློང་ཕ་དག་གིས་བཅོམ་ལྡན་འདས་ལ་གསོལ་
D6.011.0151b04.01ནས། བཅོམ་ལྡན་འདས་ཀྱིས་དེ་ལྟ་བས་ན་དགེ་སློང་མ་སང་ཀཱག་ཀྵི་གནང་གིས་གྱོན་ཏེ་དབྱར་མོ་ཁང་གི་ལས་ཀུན་བྱོས་ཤིག་ཅེས་བཀའ་སྩལ་ཏོ། །བྲམ་ཟེ་དང་ཁྱིམ་བདག་དབྱར་མོ་ཁང་དུ་འོངས་ནས་ཡང་དེ་དག་དེ་བཞིན་དུ་སང་ཀཱག་ཀྵི་གྱོན་པ་ལ་ལས་བྱེད་དེ་དག་ཆགས་
D6.011.0151b05.01པར་གྱུར་ཏོ། །གཞན་དད་པ་དག་ནི་འཕྱའོ། །དེ་ལྟར་གྱུར་པ་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་། ཁྱིམ་བདག་འཕྱ་བ་དག་ནི་གནས་ཡིན་ཏེ། དེ་ལྟ་བས་ན་
D6.011.0151b06.01དགེ་སློང་མ་བྲམ་ཟེ་དང་། ཁྱིམ་བདག་གི་མདུན་ན་སང་ཀཱག་ཀྵི་གྱོན་ཏེ་ལས་མ་བྱེད་ཅིག །དགེ་སློང་མས་བྲམ་ཟེ་དང་ཁྱིམ་བདག་གི་མདུན་དུ་སང་ཀཱག་ཀྵི་གྱོན་ལ་ལས་བྱེད་ན་འདས་པ་དང་བཅས་པར་འགྱུར་རོ། །འདི་ལྟར་ནམ་བྲམ་ཟེ་དང་། ཁྱིམ་བདག་གི་མདུན་དུ་
D6.011.0151b07.01