完整藏文原文 · 德格版页 当前仅加载第 11 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་དགུམ་པའི་སླད་དུ་ཆས་པས་དེའི་སླད་དུ་བདག་འདི་སྐད་དུ་གདོལ་པ་ལ་ནི་བཤེས་པ་མེད་ཅེས་མཆིའོ། །བུད་མེད་རྣམས་ལ་གསང་མི་བརྗོད་ཅེས་བགྱི་བ་ནི་རྒྱལ་པོ་དུས་གཅིག་ན་འཁོར་གྱི་ནང་དུ་བཞུགས་ནས་ཚིག་འདི་སྐད་དུ་ཇི་ལྟར་སུ་ལ་ཡིད་གཅུགས་
D6.011.0071a01.01པར་བྱ་ཞེས་གསུངས་པ་དང་། དེ་ན་བློན་པོ་རྣམས་ཀྱིས་ཕ་དང་། མ་དང་། སྲིང་མོ་དང་། ནེའུ་ལྡངས་རྣམས་ལའོ་ཞེས་གང་ལ་སྨྲ་བར་བགྱི་བ་དེ་སྨྲས་སོ། །ལྷས་ཀྱང་ཆུང་མ་ལ་བརྗོད་པར་བྱ་སྟེ། འདི་ལྟར་ཆུང་མ་ནི་ལུས་ཀྱི་ཕྱེད་ཡིན་པས་དེའི་ཕྱིར་བརྗོད་པར་བྱའོ་ཞེས་གསུངས་
D6.011.0071a02.01སོ། །དེ་ནས་བདག་གིས་དོན་འདི་ལྷའི་སྤྱན་སྔར་བབ་པར་བགྱིའོ་སྙམ་ནས་བགམ་པའི་སླད་དུ་རྒྱལ་པོའི་རྨ་བྱ་སྦས་ནས་རྨ་བྱ་གཞན་ཞིག་བླངས་ཏེ་འཚལ་ལོ། །སླས་ལས་ཀྱང་སླས་ཆེ་གེ་མོ་ཞིག་ལས་རྒྱན་བཙལ་ཏེ་སྨད་འཚོང་མ་ཆེ་གེ་མོ་ཞིག་གི་མགུལ་དུ་བཏགས་ནས་ཁྱིམ་དུ་
D6.011.0071a03.01བཞག་སྟེ་ལྷ་སྨད་འཚོང་མ་དེ་ཡང་གཟིགས་སུ་གསོལ། དེ་ནས་རྒྱལ་པོས་བཀུག་ནས་སླས་དང་། སྨད་འཚོང་མ་ཕྱོགས་གཅིག་ཏུ་གཞག་སྟེ་གཉི་ག་བལྟས་ན། རྟགས་དང་། ཁ་དོག་དང་། ཚུལ་དང་། དབྱིབས་མཚུངས་ཏེ་གཅིག་ལ་ཡང་ཁྱད་པར་དམིགས་པ་
D6.011.0071a04.01མ་ཡིན་ལ་ཅིག་ཤོས་ལ་ཡང་མ་ཡིན་ནོ། །དེ་ནས་རྒྱལ་པོས་བརྟགས་ནས་བདག་གིས་སྨན་ཆེན་པོ་ནི་ཉེས་པ་མེད་པར་ཁོང་དུ་ཆུད་དོ། །བྲམ་ཟེ་མོང་རྟུལ་པོ་ཡི་ནི། །ནས་བྲེ་གང་ཡང་ཆགས་མི་བྱ། །ཞེས་གང་སྨྲས་པ་ནི་བདག་ལྷས་དགུམ་པར་བཏང་ནས་གཤེད་མ་པ་རྣམས་
D6.011.0071a05.01ཀྱིས་ཁྲིད་པ་ན་དེས་ནས་བྲེ་གང་བྱིན་ཅིག་ཅེས་ནས་བྲེ་གང་གི་དོན་དུ་གོས་ཀྱི་མཐའ་ནས་བཟུང་བས་དེའི་སླད་དུ་བདག་གིས་དེ་སྐད་སྨྲས་སོ། །དེ་ནས་རྒྱལ་པོ་དོན་དེ་ཐམས་ཅད་མངོན་སུམ་དུ་བསྟན་པས་དགའ་སྟེ་བཀྲོལ་ནས་བཀུར་སྟི་ཆེན་པོས་བཀུར་སྟི་བྱས་སོ། །དེ་ནས་རྒྱལ་པོ་
D6.011.0071a06.01ལ་ཕྱག་བྱས་ནས་གསོལ་པ། ལྷ་ཁྱོད་ཀྱིས་བུད་མེད་རྣམས་ཀྱི་གསང་གཟིགས་སམ། ཁྱོད་ཀྱི་སྲས་མོ་ནི་བདག་ལ་ཡོང་དགོས་པ་མ་མཆིས་སོ། །འོན་ཀྱང་རིགས་དང་། གཟུགས་དང་། ངང་ཚུལ་དང་། ཤེས་རབ་བདག་དང་འདྲ་བ་དེ་ཁོ་ན་ལྟ་བུའི་མཆིས་འབྲང་ཞིག་བླང་
D6.011.0071a07.01