完整藏文原文 · 德格版页 当前仅加载第 11 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཐེ་ཚོམ་ཟོས་ཏེ་ཕོ་མཚན་གསང་བ་སྨད་ཀར་ནུབ་པ་དང་། ལྕེ་སྲབ་ལ་ཆེ་བའོ། །དེས་ཚིགས་སུ་བཅད་དེ་སྨྲས་པ། སུམ་བཅུ་རྩ་གཉིས་མཚན་ཞེས་ཐོས། །ཐུབ་ཆེན་ཁྱོད་ལ་སྐྱེས་བུའི་མཚན། །སུམ་བཅུ་རྩ་གཉིས་ཡོད་ཅེས་ཐོས། །གཽ་ཏམ་ཁྱོད་ཀྱི་སྐུ་ལ་ནི། །རྣམ་པ་དེ་
D6.011.0218a01.01གཉིས་མི་གདའ་ན། །མི་མཆོག་ཁྱོད་ཀྱི་ཕོ་མཚན་གསང་། །དེ་ནི་སྨད་ཀར་ནུབ་བམ་ཅི། །བུད་མེད་ལྟ་བུའི་སྒྲ་ཡི་ཚིག །ལྕེ་ནི་ཐུང་བ་མ་ལགས་གྲང་། །སྲབ་མོ་མྱུར་དུ་ཕྱུང་བ་མཛོད། །བདག་གི་ཐེ་ཚོམ་བསལ་བར་གསོལ། །སྙན་པར་བསྒྲགས་པའི་སངས་རྒྱས་རྣམས། །མཐོང་བར་
D6.011.0218a02.01རྙེད་པ་ཤིན་ཏུ་དཀའོ། །དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་འདི་ནི་ངའི་ལུས་ལ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་བརྟགས་ན་སུམ་བཅུ་ནི་མཐོང་གི་ཕོ་མཚན་གསང་བ་ནུབ་པ་དང་། སྲབ་ལ་ཆེ་བའི་ལྕེ་གཉིས་ལ་ཡིད་གཉིས་དང་ཐེ་ཚོམ་ཟོས་ཀྱིས། གང་བདག་གིས་ཇི་ལྟར་
D6.011.0218a03.01བྲམ་ཟེའི་ཁྱེའུ་མ་སྡུག་ངའི་ཕོ་མཚན་གསང་བ་ནུབ་པ་དང་། ཆེ་ལ་སྲབ་པའི་ལྕེ་མཐོང་བར་འགྱུར་བ་དེ་ལྟ་བུའི་མཚན་མ་བསྟན་ཏོ་སྙམ་དུ་དགོངས་ནས། བཅོམ་ལྡན་འདས་ཀྱིས་ཇི་ལྟར་བྲམ་ཟེའི་ཁྱེའུ་མ་སྡུག་བཅོམ་ལྡན་འདས་ཀྱི་ཕོ་མཚན་གསང་བ་སྦུབས་སུ་ནུབ་པ་མཐོང་བར་མཚན་མ་བསྟན་ཏོ། །
D6.011.0218a04.01ཞལ་གྱི་སྐྲ་མཚམས་ཀྱི་བར་དུ་ཞལ་ནས་ལྕེ་ཕྱུང་སྟེ། གཡོགས་པ་མཐོང་ནས་དེ་ཡང་འདི་སྙམ་དུ་གྱུར་ཏོ། །ཀྱེ་དགེ་སྦྱོང་གཽ་ཏ་མ་ནི་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་ལྡན་ནོ། །གང་སྐྱེས་བུ་ཆེན་པོའི་མཚན་དང་ལྡན་པ་ལ་ལམ་གཉིས་སུ་འགྱུར་ཏེ། གཞན་དུ་མ་ཡིན་ནོ། །དེ་སྟེ་
D6.011.0218a05.01ཁྱིམ་པར་ཁྱིམ་ན་གནས་ན་ནི་འཁོར་ལོས་སྒྱུར་བའི་རྒྱལ་པོར་འགྱུར་བ་ནས་སྔ་མ་བཞིན་ཏེ། འཇིག་རྟེན་དུ་སྒྲས་ཁྱབ་པར་གྲགས་པའི་བར་དུའོ། །དེ་ནས་བྲམ་ཟེའི་ཁྱེའུ་མ་སྡུག །བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་ཞིང་རྗེས་སུ་ཡི་རངས་ཏེ། བཅོམ་ལྡན་འདས་
D6.011.0218a06.01ཀྱི་དྲུང་ནས་སོང་ངོ་།། །།འདུལ་བ་ཕྲན་ཚེགས་ཀྱི་གཞི། བམ་པོ་བཞི་བཅུ་རྩ་བརྒྱད་པ། དེ་ནས་དེའི་ཚེ་བྲམ་ཟེ་པད་མའི་སྙིང་པོ་ཁྱིམ་མཆོག་གི་ས་མཐོན་པོ་ཞིག་ན་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་དང་ལྷན་ཅིག་འདུས་ཤིང་འཁོད་པར་གྱུར་ཏོ། །བྲམ་ཟེའི་ཁྱེའུ་མ་སྡུག་
D6.011.0218a07.01