完整藏文原文 · 德格版页 当前仅加载第 11 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
མཛའ་བ་རྒྱུན་མི་ཆད་པར་བྱ་བའི་ཐབས་ཅི་ཡོད་ཅེས་སྨྲས་པ་དང་། གནོད་སྦྱིན་པཉྩ་ལས་སྨྲས་པ། གྲོགས་པོ་ལེགས་སོ། །བདག་ཀྱང་འདི་སྙམ་སེམས་ཏེ། དེ་ལྟ་བས་ན་མ་སྐྱེས་པ་ལས་གཉེན་དུ་བྱས་ཏེ། དེ་སྟེ་བདག་ལ་བུ་ཕོ་ཞིག་བཙས་ལ་ཁྱོད་ལ་བུ་
D6.011.0146a01.01མོ་ཞིག་ཡོད་པ་དང་། ཁྱོད་ཀྱིས་བདག་གི་བུ་ལ་བྱིན་ཅིག །འོན་ཏེ་ཁྱོད་ལ་བུ་ཕོ་ཞིག་སྟེ་བདག་ལ་བུ་མོ་ཞིག་ན་བདག་གིས་ཁྱོད་ཀྱི་བུ་ལ་སྦྱིན་ནོ། །དེས་སྨྲས་པ། གྲོགས་པོ་ལེགས་ཀྱིས་དེ་བཞིན་བྱའོ། །དེ་གཉིས་ཕན་ཚུན་དུ་མ་བཙས་པར་གཉེན་བྱས་ཏེ་དོང་ངོ་། །དེ་ནས་དུས་
D6.011.0146a02.01ཕྱི་ཞིག་ན་གནོད་སྦྱིན་ས་ཏའི་ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་དགུ་འདས་པ་དང་བུ་མོ་ཞིག་བཙས་ཏེ། དབྱིབས་ལེགས་ཤིང་བལྟ་ན་སྡུག་པ་བཟང་མོ་ཞིག་སྟེ། དེ་བཙས་པ་དང་གནོད་སྦྱིན་གྱི་རིགས་ཐམས་ཅད་དགའ་བར་གྱུར་ཏོ། །དེ་བདག་གི་རིགས་
D6.011.0146a03.01དང་འདྲ་བ་དང་རྒྱུད་གཅིག་པ་རྣམས་ཀྱིས་བཙས་པའི་བཙས་སྟོན་ཆེན་པོ་བྱས་ཏེ་མིང་འདོགས་པ་ལ་ཞུགས་སོ། །བུ་མོ་འདི་མིང་ཅིར་གདགས་ཞེས་གྲོས་བྱས་ན་གཉེན་བཤེས་དག་གིས་འདི་བཙས་པའི་ཚེ་གནོད་སྦྱིན་གྱི་རིགས་ཐམས་ཅད་དགའ་བར་གྱུར་གྱིས་དེ་བས་ན་བུ་མོ་འདི་མིང་
D6.011.0146a04.01དགའ་བྱེད་མར་གདགས་སོ་ཞེས་སྨྲས་ཏེ། དེའི་མིང་དགའ་བྱེད་མར་བཏགས་སོ། །ཡུལ་གན་དྷ་རའི་གནོད་སྦྱིན་པཉྩ་ལས་འདི་ལྟར་རྒྱལ་པོའི་ཁབ་ཏུ་གནོད་སྦྱིན་ས་ཏ་ལས་བུ་མོ་ཞིག་བཙས་སོ་ཞེས་ཐོས་ནས་དེས་བསམས་པ། བདག་གི་གྲོགས་པོ་ལ་བུ་མོ་ཞིག་བཙས་ཏེ་བུ་མོ་
D6.011.0146a05.01དེ་བདག་གི་མནའ་མར་འགྱུར་ཡང་དག་གིས་རྒྱན་རྣམས་བསྐུར་བའི་རིགས་སོ་སྙམ་ནས། དེས་གནོད་སྦྱིན་ས་ཏ་ལ་གྲོགས་པོ་མཛའ་བོ་བདག་གིས་ཁྱོད་ཀྱི་བུ་མོ་བཙས་པར་ཐོས་ནས་ཤིན་ཏུ་དགའ་སྟེ། བདག་གིས་གྲོགས་པོའི་བུ་མོ་ལ་གོས་དང་རྒྱན་རྣམས་བསྐུར་བ་འདི་བླང་བའི་
D6.011.0146a06.01རིགས་སོ་ཞེས་ཡི་གེ་སྤྲིང་ངོ་། །དེས་ཡི་གེ་བཀླགས་ཏེ་སླར་ཡང་གྲོགས་པོ་བདག་ཅག་ནི་གཉེན་ཡིན་གྱིས་དེ་སྟེ་ཁྱོད་ལ་བུ་ཕོ་ཞིག་བཙས་ན་འདི་ནི་དེ་ཉིད་ཀྱི་ཡིན་ནོ་ཞེས་སྤྲིང་ངོ་། །གནོད་སྦྱིན་པཉྩ་ལས་དེ་བཀླགས་ནས་བུ་ནམ་རྙེད་ཅེས་རྟག་ཏུ་སེམས་ཤིང་ཆུང་མ་དང་ལྷན་ཅིག་
D6.011.0146a07.01