完整藏文原文 · 德格版页 当前仅加载第 11 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ་མངོན་པར་མ་བྱས་པ་མངོན་པར་བྱ་བའི་ཕྱིར་འདི་ནི་ཐབས་དང་པོར་རིག་པར་བྱའོ། །བྲམ་ཟེའི་ཁྱེའུ་ཇི་སྙམ་དུ་སེམས། གང་ངས་བླ་ན་མེད་པའི་རིག་པ་དང་རྐང་པར་ལྡན་པ་དེའི་ཐབས་དང་པོར་བསྟན་པ་དེར་ཁྱོད་སློབ་དཔོན་དང་བཅས་ནས་འདུག་མྱོང་ངམ། ཀྱེ་གཽ་ཏ་མ་མ་མྱོང་ངོ་། །གཞན་
D6.011.0216b01.01ཡང་བྲམ་ཟེའི་ཁྱེའུ་དགེ་སྦྱོང་ངམ། བྲམ་ཟེ་ཁ་ཅིག་བླ་ན་མེད་པའི་རིག་པ་དང་རྐང་པར་ལྡན་པ་འདི་ཉིད་མངོན་པར་མ་ཆུད་པས་རྩ་བ་དང་འབྲས་བུའི་ཁ་ཟས་དེ་བཏང་སྟེ། ཕྱོགས་གཅིག་ཏུ་སོང་ནས་ལོ་མ་དང་ཡལ་གའི་སྤྱིལ་བུ་བྱས་ཏེ་གནས་པར་བྱེད་དོ། །བདག་ཅག་འདི་ན་ལོ་མའི་ཁ་ཟས་ཀྱིས་
D6.011.0216b02.01འཚོའོ་ཞེས་སྨྲས་ཏེ། དེ་དག་དེར་ལོ་མ་འབའ་ཞིག་གི་ཁ་ཟས་ཀྱིས་འཚོ་བར་བྱེད་དོ། །བྲམ་ཟེའི་ཁྱེའུ་བླ་ན་མེད་པའི་རིག་པ་དང་རྐང་པར་ལྡན་པ་འདི་མངོན་པར་མ་བྱས་པ་མངོན་པར་བྱ་བའི་ཕྱིར་འདི་ནི་ཐབས་གཉིས་པ་སྟེ་རིག་པར་བྱའོ། །གཞན་ཡང་བྲམ་ཟེའི་ཁྱེའུ་དགེ་སྦྱོང་ངམ། བྲམ་ཟེ་ཁ་
D6.011.0216b03.01ཅིག་བླ་ན་མེད་པའི་རིག་པ་དང་རྐང་པར་ལྡན་པ་འདི་ཉིད་མངོན་པར་མ་ཆུད་པར་རྩ་བ་དང་། འབྲས་བུའི་ཁ་ཟས་དེ་ཡང་བོར་ཏེ་ཕྱོགས་གཅིག་ཏུ་སོང་ནས་ཡལ་ག་དང་ལོ་མའི་སྤྱིལ་བུ་བྱས་ཏེ། འཚོ་བར་བྱེད་ཅིང་འདིར་ནི་བདག་ཅག་གིས་སྔགས་རྣམས་ནི་བཅང་སྨྲང་རྣམས་ནི་སྦྱར་རོ་ཞེས་སྨྲས་ཏེ།
D6.011.0216b04.01དེ་དག་སྔར་སྔགས་དག་འཆང་ཞིང་སྨྲང་སྦྱོར་བ་བྲམ་ཟེའི་ཁྱེའུ་བླ་ན་མེད་པའི་རིག་པ་དང་རྐང་པར་ལྡན་པ་འདི་མངོན་པར་མ་བྱས་པ་མངོན་པར་བྱ་བའི་ཕྱིར། ཐབས་གསུམ་པ་སྟེ་ཤེས་པར་བྱའོ། །གཞན་ཡང་བྲམ་ཟེའི་ཁྱེའུ་དགེ་སྦྱོང་ངམ། བྲམ་ཟེ་ཁ་ཅིག་བླ་ན་མེད་པའི་རིག་པ་དང་རྐང་པར་ལྡན་པ་འདི་ཉིད་
D6.011.0216b05.01མངོན་པར་མ་ཆུད་པར་རྩ་བ་དང་། འབྲས་བུའི་ཁ་ཟས་དེ་དང་། ལོ་མའི་ཁ་ཟས་དེ་དང་། སྔགས་འཆང་བ་དང་སྨྲང་སྦྱོར་བ་དེ་དག་བོར་ཏེ། མངོན་པར་མ་ཆུད་པར་བྱེད་ནས་གྲོང་དུ་ལྷགས་ཏེ། ཁང་པ་སྒོ་བཞི་པ་བརྩིགས་ནས་གནས་པར་བྱེད་ཅིང་འདིར་བདག་ཅག་གིས་སྦྱིན་པ་བྱིན་ཞིང་བསོད་ནམས་བྱས་ཏེ་
D6.011.0216b06.01འོང་ཞིང་འགྲོ་བའི་དགེ་སྦྱོང་དང་། བྲམ་ཟེ་དག་ལ་ཇི་ལྟར་ནུས་པ་དང་། ཇི་ལྟ་བའི་སྟོབས་ཀྱིས་བསོད་སྙོམས་སྦྱིན་ནོ་ཞེས་འཛེར་ནས་དེ་དག་གིས་དེར་སྦྱིན་པ་བྱིན་ཞིང་བསོད་ནམས་བྱེད་དེ། འགྲོ་བ་དང་འོང་བའི་དགེ་སྦྱོང་དང་བྲམ་ཟེ་དག་ལ་ཇི་ལྟར་ནུས་པ་དང་། ཇི་ལྟ་བུར་འབྱོར་པ་དེ་བསོད་སྙོམས་བྱིན་ནོ། །
D6.011.0216b07.01