完整藏文原文 · 德格版页 当前仅加载第 11 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གཽ་ཏ་མཱི་སྐྱེ་དགུའི་བདག་མོ་ཆེན་མོ་ལ་སོགས་པ་ཤཱཀྱ་མོ་ལྔ་བརྒྱ་རྣམས་ནི་བླ་མའི་ཆོས་རྣམས་ཁས་བླངས་པས་རབ་ཏུ་བྱུང་ཞིང་བསྙེན་པར་རྫོགས་ཏེ་དགེ་སློང་མའི་དངོས་པོར་གྱུར་ཏོ། །བུད་མེད་གཞན་ནི་
D6.011.0105a01.01རིམ་བཞིན་བྱས་ཏེ་དགེ་སློང་མ་གང་ལ་ཡང་རུང་རབ་ཏུ་འབྱུང་བར་འདོད་པ་ཞིག་གི་དྲུང་དུ་འོངས་ནས་དེས་བར་ཆད་ཀྱི་ཆོས་རྣམས་དྲིས་ལ་གཟུང་བར་བྱའོ། །བཟུང་ནས་སྐྱབས་གསུམ་དང་། དགེ་བསྙེན་མའི་བསླབ་པའི་གཞི་ལྔ་བྱིན་ཅིག །སྐྱབས་གསུམ་གང་ཞེ་ན། སངས་རྒྱས་དང་།
D6.011.0105a02.01ཆོས་དང་། དགེ་འདུན་ནོ། །བསླབ་པའི་གཞི་ལྔ་གང་ཞེ་ན། སྲོག་གཅོད་པ་རབ་ཏུ་སྤངས་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། {བརྫུན་,རྫུན་}དུ་སྨྲ་བ་དང་། ཆང་དང་འབྲུའི་ཁུ་བ་མྱོས་པར་འགྱུར་བ་བག་མེད་པའི་གནས་རབ་ཏུ་སྤངས་ཤིང་ཆང་དང་འབྲུའི་ཁུ་བ་
D6.011.0105a03.01མྱོས་པ་བག་མེད་པའི་གནས་ལས་རབ་ཏུ་སྤངས་པ་དེ་ལྟར་འདི་བཞིན་དུ་བདག་མིང་འདི་ཞེས་བགྱི་བ་ཡང་དེང་གི་ཉིན་པར་ནས་ནམ་འཚོའི་བར་དུ་མ་བྱིན་པར་ལེན་པ་དང་། འདོད་པས་ལོག་པར་སྤྱོད་པ་དང་། {བརྫུན་,རྫུན་}དུ་སྨྲ་བ་དང་། ཆང་དང་འབྲུའི་ཁུ་བ་མྱོས་པར་འགྱུར་བ་བག་མེད་པའི་གནས་
D6.011.0105a04.01རབ་ཏུ་སྤངས་པའོ། །འདི་བཞིན་དུ་ཡང་སྐྱབས་སུ་འགྲོ་བ་དང་། བསླབ་པའི་གཞི་སྦྱིན་པར་བྱའོ། །ཐོག་མར་སྟོན་པ་ལ་ཕྱག་བྱེད་དུ་ཆུག་ཤིག །དེ་ནས་དགེ་སློང་མ་གང་གིས་སྐྱབས་སུ་འགྲོ་བ་དང་བསླབ་པའི་གཞི་སྦྱིན་པ་དེ་ལ་ཕྱག་འཚལ་ཞིང་ཐལ་མོ་སྦྱོར་དུ་ཆུག་ལ། དེ་ནས་དེས་འདི་
D6.011.0105a05.01སྐད་དུ་སྨྲ་བར་བྱའོ། །འཕགས་མ་དགོངས་ཤིག །བདག་མིང་འདི་ཞེས་བགྱི་བ་ནམ་འཚོའི་བར་དུ་རྐང་པ་གཉིས་ཀྱི་ནང་ན་གཙོ་བོ་སངས་རྒྱས་ལ་སྐྱབས་སུ་(འཆིའོ,མཆིའོ)། །འདོད་ཆགས་དང་བྲལ་བའི་ནང་ན་མཆོག་དམ་པའི་ཆོས་ལ་སྐྱབས་སུ་མཆིའོ། །མང་པོའི་ནང་ན་མཆོག་དགེ་འདུན་ལ་
D6.011.0105a06.01སྐྱབས་སུ་མཆིའོ། །བདག་ཇི་སྲིད་འཚོའི་བར་དུ་དགེ་བསྙེན་མར་འཕགས་པས་གཟུང་དུ་གསོལ། དེ་བཞིན་ལན་གཉིས་ལན་གསུམ་དུ་བྱའོ། །དེ་ནས་བསླབ་པའི་གཞི་ལྔ་བྱིན་ཅིག །འཕགས་མ་དགོངས་ཤིག །ཇི་ལྟར་འཕགས་པ་དགྲ་བཅོམ་པ་དེ་དག་གིས་ནམ་འཚོའི་བར་དུ་སྲོག་
D6.011.0105a07.01