完整藏文原文 · 德格版页 当前仅加载第 11 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟ་ན་ད་ལྟར་བཅོམ་ལྡན་འདས་ཀྱིས་འཚོ་བའི་འདུ་བྱེད་ནི་བྱིན་གྱིས་བརླབས། ཚེའི་འདུ་བྱེད་ནི་སྤངས་པར་མ་གྱུར་ཏམ། ཀུན་དགའ་བོ་དེ་དེ་བཞིན་ནོ། །ཀུན་དགའ་བོ་དེ་བཞིན་ཏེ། ཀུན་དགའ་བོ་ད་ལྟར་
D6.011.0250b01.01དེ་བཞིན་གཤེགས་པས་འཚོ་བའི་འདུ་བྱེད་ནི་བྱིན་གྱིས་བརླབས། ཚེའི་འདུ་བྱེད་ནི་སྤངས་སོ། །བཙུན་པ་མངོན་སུམ་དུ་བཅོམ་ལྡན་འདས་ཀྱིས་བཤད་པ་ལས་ཐོས་ཏེ་མངོན་སུམ་དུ་བཟུང་བ་གང་སུ་ཞིག་གི་རྫུ་འཕྲུལ་གྱི་རྐང་པ་བཞི་ལ་བསྙེན་བསྒོམས་མང་དུ་བྱས་པས་འདོད་ན་
D6.011.0250b02.01བསྐལ་པའམ་བསྐལ་པ་ལས་ལྷག་པར་འདུག་གོ་ཞེས་འབྱུང་ན། བཙུན་པ་བཅོམ་ལྡན་འདས་ཀྱིས་རྫུ་འཕྲུལ་གྱི་རྐང་པ་བཞི་ལ་བསྙེན་བསྒོམས་མང་དུ་བགྱིས་པས་བཅོམ་ལྡན་འདས་བཞེད་ན་བསྐལ་པའམ་བསྐལ་པ་ལས་ལྷག་པར་བཞུགས་པ་ལགས་ན། བཅོམ་ལྡན་འདས་བསྐལ་
D6.011.0250b03.01པར་བཞུགས་ཤིག །བདེ་བར་གཤེགས་པ་བསྐལ་པར་བཞུགས་ཤིག་ཅེས་གསོལ་པ་དང་། ཀུན་དགའ་བོ་ཁྱོད་ཉིད་ཀྱིས་ཉེས་སོ། །ཀུན་དགའ་བོ་ཁྱོད་ཀྱིས་ཉེས་པ་བྱས་ཏེ། འདི་ལྟར་ངས་ཁྱོད་ལ་ལན་གསུམ་གྱི་བར་དུ་རྒྱ་ཆེར་སྣང་བའི་མཚན་མ་སྨྲས་ན། དེའི་མཚན་མ་
D6.011.0250b04.01ཁོང་དུ་ཆུད་པར་མ་ནུས་ཏེ། ཇི་ལྟར་ཁྱོད་བདུད་སྡིག་ཅན་གྱིས་ནོན་ཏོ། །ཀུན་དགའ་བོ་ཇི་སྙམ་དུ་སེམས། དེ་བཞིན་གཤེགས་པས་ཚིག་རྣམ་པར་སྨིན་པ་གཉིས་སུ་འགྱུར་བ་གསུང་ངམ། བཙུན་པ་མ་ལགས་སོ། །ལེགས་སོ་ལེགས་སོ། །ཀུན་དགའ་བོ་གནས་མེད་
D6.011.0250b05.01སྐབས་མེད་པ་ནི་དེ་བཞིན་གཤེགས་པས་ཚིག་རྣམ་པར་སྨིན་པ་གཉིས་སུ་འགྱུར་བ་གསུངས་པའི་གནས་མེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་ཇི་སྙེད་ཙ་པ་ལའི་མཆོད་རྟེན་ན་གནས་ཤིང་འཁོད་
D6.011.0250b06.01པ་དེ་ཐམས་ཅད་བཀད་སར་སྡུས་ཤིག །བཙུན་པ་དེ་བཞིན་བགྱིའོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ཏེ། དགེ་སློང་ཙ་པ་ལའི་མཆོད་རྟེན་ན་ཇི་སྙེད་གནས་ཤིང་འཁོད་པ་དེ་ཐམས་ཅད་བཀད་སར་བསྡུས་ནས། བཅོམ་ལྡན་འདས་གང་ན་བ་དེར་སོང་
D6.011.0250b07.01