完整藏文原文 · 德格版页 当前仅加载第 11 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་རྩེད་མོ་སོ་སོར་ཉམས་སུ་མྱོང་བར་བྱེད་དོ། །ཁ་ཅིག་གིས་སྨྲས་པ། འདི་ལ་ཐེ་ཚོམ་བྱར་ཅི་ཡོད། ཚུར་ཤེག་གསོས་པ་ལ་འདྲིར་འདོང་ངོ་། །ཁ་ཅིག་གིས་ལེགས་ཀྱིས་དེ་ལྟར་བྱའོ་ཞེས་སྨྲས་ནས་དེ་དག་ཐམས་ཅད་འདུས་ཏེ་གསོས་པའི་དྲུང་
D6.011.0007a01.01དུ་དོང་ནས་སྨྲས་པ། གསོས་པ་ལྷ་མི་སྣང་ན་ག་ཤེད་དུ་མ་བཞུད་གྲང་། དེས་སྨྲས་པ། ཤེས་ལྡན་དག་ཅི་{རིངས་,རིང་}མཐོང་བར་འགྱུར་རོ། །དེ་དག་གིས་སྨྲས་པ། གསོས་པ་ཇི་སྲིད་ན་མཐོང་བར་འགྱུར། དེས་སྨྲས་པ། ལོ་བཅུ་གཉིས་ལོན་ནས་སོ། །དེ་དག་ཁྲོས་
D6.011.0007a02.01ནས་སྨྲས་པ། གསོས་པ་གང་གི་ཕྱིར་དེ་སྐད་སྨྲ་བ་ལས་ན་གདོན་མི་ཟ་བར་ཁྱོད་ཀྱིས་ལྷ་བསད་ནས་བདག་ཉིད་རྒྱལ་སྲིད་བྱེད་པར་འདོད་དོ། །དེའི་ཕྱིར་རེ་ཞིག་གལ་ཏེ་ཞག་བདུན་ན་ལྷ་ལྟར་ཡོད་ན་དེ་ལྟ་ན་ལེགས་ཇི་སྟེ་མེད་ན་ནི་ངེད་ཀྱིས་གཞན་ཞིག་རྒྱལ་པོར་དབང་བསྐུར་བར་བྱའོ་ཞེས་
D6.011.0007a03.01བྱས་པ་དང་། དེ་ཅང་མི་ཟེར་བར་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་པ་བ་ལང་སྐྱོང་གི་མ་ཞི་བས་ཐོས་ནས་བོས་ཏེ་དྲིས་པ། གསོས་པ་ཁྱོད་ཅིའི་ཕྱིར་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག །དེས་སྨྲས་པ། ལྷ་མོ་
D6.011.0007a04.01བྲམ་ཟེ་དག་འདི་སྐད་ཅེས་མཆི་ན་ཇི་ལྟར་སེམས་ཁོང་དུ་ཆུད་ཅིང་མི་མཆིས། དེས་སྨྲས་པ། གསོས་པ་གལ་ཏེ་དེ་ལྟ་ན་སོང་ལ་ནས་ཀྱི་ཆས་མར་དང་སྦྲང་རྩིས་བསྐུས་པ་གསེར་སྣོད་ཀྱི་ནང་དུ་ལུགས་ཏེ། རྟ་མང་ལག་ལ་རྒྱུས་པ་གང་ཡིན་པ་དེའི་མདུན་དུ་ཞོག་ལ་འདི་
D6.011.0007a05.01སྐད་ཅེས་གང་ཞིག་ངེད་ཉིད་རྡོ་འཇོག་ཏུ་འགྲོ་བར་སྤྲོ་བ་དེ་ནས་ཀྱི་ཆས་མར་དང་སྦྲང་རྩིས་བསྐུས་པ་འདི་དག་ཟོ་ཤིག་ཅེས་སྨྲོས་ལ་དེ་ལྟར་བྱ་སྟེ་རྟ་བཟང་པོ་གང་གིས་ཟོས་པ་ངེད་ལ་སྦྲོན་ཅིག །གསོས་པས་ཇི་ལྟར་བསྒོ་བ་བཞིན་དུ་བྱས་ན་འགའ་ཡང་ཟ་བར་སྤྲོ་བ་མེད་དོ། །ཕྱོགས་
D6.011.0007a06.01གཞན་ཞིག་ན་རྟ་རིད་རྐེ་བ་ལུས་རྨྱ་བར་གྱུར་པ། ངན་མ་ཟ་བ། དབུགས་རྒོད་པ། རྣ་བ་ཆག་པ་ཞིག་འདུག་པ་དེའི་དྲུང་དུ་དེ་སོང་སྟེ་མདུན་དུ་འདུག་ནས། གང་ཞིག་ངེད་ཉིད་རྡོ་འཇོག་ཏུ་འགྲོ་བར་སྤྲོ་བ་དེ་ནས་ཀྱི་ཆས་མར་དང་སྦྲང་རྩིས་བསྐུས་པ་འདི་དག་ཟོ་ཤིག་ཅེས་སྨྲས་པ་དང་།
D6.011.0007a07.01